Búnaðarrit - 01.01.1923, Blaðsíða 145
BÚNAÐARRIT
129
auka túnin um helming, til þess þarf að sljetta
og rækta 2000 ha. árlega, eða sem samsvarar
tæpum V* ha- (1 dagsl.) á býli. Segjum að 5 þúfna-
banar yrðu að vinna þessi árin. Þeir myndu vinna
helming verksins. Með aukinni hestavinnu yrði bændum
kleyft að vinna hinn helminginn.
Grasræktin er og verður aðal undirstaða búnaðar-
tramfara á íslandi, því þurfum vjer að efla hana sem
mest. Að sljetta og rækta 1 ha. kostar nú um 1000 kr.
Þessi 2000 ha. myndu því kosta 2 milj. króna, en þá
yrði líka sljettað 10 sinnum meira en á síðustu 10 árum.
Um 9. gr.
Það hefir stundum átf sjer stað að verk, sem lán
eða styrkur hefir verið veitt til, hafa aldrei verið fram-
kvæmd sem til var ætlast. Þess vegna er hjer varnagli
slegin við að láta veita verðlaun út á unnar túnasljettur
fyr en þær eru komnar í fulla rækt. Með framræslu er
öðru máli að gegna, hún hefir varanlegt gildi sje hún
vel af hendi leyst og mjög mikils vert að sem mest sje
ræst fram, svo mýrlendi verði á þann hátt sem best
undirbúið til túnræktar, þó síðar komi til framkvæmda.
Um 10. gr.
Ákvæði þessarar greinar miða að því, að tryggja að
engir fái styrk af opinberu fje til túnræktar, nema því
aðeins að þeir vinni nokkuð til þess. Þess vegna er
ákvæði sett um nokkurskonar skylduvinnu, áður en
styrkur er veittur. — Hve miklu þessi skylduvinna
myndi nema, er eigi auðvelt að gera sjer grein fyrir.
Árið 1920 voru jarðabótamenn taldir 1464. Segjum að
hver þeirra hafi 2 mönnum á að skipa. Sú skylduvinna,
sem þeir leysa af hendi, yrði þá 29.280 dagsverk,
sem samsvaraði því, að ræktaðir yrðu 146 ha. á
ári. í sveitum landsins má hinsvegar gera ráð fyrir alt
að 9000 verkfærra manna. Ef um skylduvinnu væri að
9