Búnaðarrit - 01.01.1923, Blaðsíða 161
BtfNAÐARRIT
145
Meðaltölin eiga því öll við sama tímabilið, eða árin
1873—1920. Ef þetta árabil hefir verið hlýjara en í
meðallagi, þá eru þessi meðaltöl heldur há, en heldur
of lág, ef það hefir verið í kaldara lagi. Auðvitað eru
þau meðaltöl fremur önákvæm, þar sem athugað hefir
verið í fá ár, en sumstaðar hefir verið reynt að bæta
úr því, með því að taka saman nærliggjandi staði, þar
sem ætla mátti, að meðalhitinn væri líkur, og taka
meðalhitann af þeim í einu lagi.
Lofthitinn verður minni eftir því, sem hærra kemur
frá sjó, og nemur það um 7«° á 100 metra hæðarmun.
Ekki er meðalhitinn í töflunni leiðrjettur fyrir þessum
mun, heldur sýnir taflan hitann, eins og hann er á
staðnum, og í hans hæð yflr sjávarfleti.
Árinu er hjer skift þannig í árstíðir, að sumar og
vetur teljast 4 mánuðir, en vor og haust 2 mánuðir.
Má ætla að sumarhitinn hafi sjerstaka þýðingu fyrir
landbúnaðinn, því að sumartíminn, mánuðirnir júní—
september, er hinn eiginlegi gróður- og vaxtartími alls
jarðarávaxtar. Þætti mjer eigi ólíklegt, að kartöflurækt
færi mjög eftir því, hver sumarhitinn er, og gæti
tafla I þá leiðbeint í því að sjá, hvar á landinu kart-
öflurækt gæti verið arðvænleg, og líklega má af henni
sjá einnig, hver líkindi sjeu fyrir því, að annar jarðar-
gróður beri góðan ávöxt.
Af meðalhita stöðvanna, sem tilgreindur er í töflu I,
hefir svo verið reiknaður út meðalhiti landsins á þá leið,
að fyrst hefir verið fundinn meðalhiti hvers landsfjórð-
ungs, og meðaltalið af því skoðað sem meðalhiti lands-
ins. Þessi meðalhiti landsins er tilgreindur í töflu I neðst,
og sýnir hitann um miðbik landsins, ef þar væri hægt
að finna stað, er lægi lítið yfir sjó og væri svo settur,
að sjávarloft og meginlandsloft hjeldust í hendur.
Með því að bera meðalárshitann á stöðvunum saman
við meðalárshita landsins má sjá, hvar sje kaldara en í
meðallagi og hvar hlýrra.
10