Búnaðarrit - 01.01.1989, Page 38

fallþunga ungneyta og vaxtarhraða, en gögn um þessi atriði eru af skornum
skammti.
Loks kom að því, að ný reglugerð um slátrun, mat og meðferð sláturaf-
urða var staðfest, og tók hún gildi 1. september. í því tilefni var efnt til
kjötmatsnámskeiðs í Reykjavík á vegum landbúnaðarráðuneytisins helgina
2.-4. september. Að ósk forstöðumanns yfirkjötmats ríkisins flutti ég þar
ýtarlegt erindi um gerð falla af nautgripum og flokkun eftir matsreglum, þar
sem ég bar saman hinar nýju reglur við hinar eldri. Þar sem námskeiðið var
fyrir kjötmatsmenn, sem sumir hverjir voru með stutta reynslu í starfi,
skýrði ég einnig frá fjölbreytni og sérstöðu nautakjötsframleiðslu í kjöt-
framleiðslu landsmanna, stöðu hennar nú og breytingum, sem á henni hafa
orðið síðasta áratuginn oghalda munu áfram. Vegna þess hve þátttakendur
voru margir, var þeim skipt í tvo hópa, og fyrirlestrar því endurteknir.
Síðasta daginn voru skrokkar úr hinum helztu matsflokkum sýndir, og
skýrðum við Andrés Jóhannesson, forstöðumaður yfirkjötmats, matið á
nautgripaskrokkunum. Þess er vænzt, að hið nýjamat á kjöti af nautgripum
verði til þess að örva gæði framleiðslunnar, bæta vinnubrögð við slátrun og
kjötvinnslu og skapa traust og öryggi milli neytenda og seljenda. Vegna hins
nýja mats heimsótti ég sláturhús á Selfossi og skoðaði skrokka þar, en hefði
þurft að fara víðar.
Ég sótti fundi á vegum nautgriparæktarsambandanna beggja á Suður-
landi, þar sem ég flutti erindi um stöðu nautakjötsframleiðslunnar, skýrði
nýjar matsreglur á nautgripakjöti og sagði frá ræktun Gallowayhjarðarinnar
í Hrísey. Á báðum fundunum fluttu einnig framsöguerindi þeir Gunnar
Ríkharðsson og Sveinn Sigurmundsson, ráðunautar Bsb. Suðurlands.
Fundurinn fyrir Rangárvalla- og V.-Skaftafellssýslu, sem haldinn var að
Heimalandi 25. nóv., var fámennur (um 20 manns), en umræður gagnlegar.
Fundurinn fyrir Árnessýslu var haldinn á Selfossi 1. des. í beinu framhaldi
af aðalfundi sambandsins. Sátu hann um 30 manns.
Minna varð um ritstörf á árinu en ég hafði ætlað. Ég skrifaði grein í Frey
um tilraunir í Cambridge með ræktun og frjóvgun eggja úr sláturkúm utan
líkamans og frystingu og dælingu hinna frjóvguðu eggja í fóstrukýr eftir
gangmál. Þá tók égsaman áensku yfirlit um upphaf búfjársæðinga á Islandi
og þróun nautgripasæðinga hér frá því, að þær hófust, ásamt töflu um fjölda
þeirra, útbreiðslu og árangur frá 1956-1987. Tilefni þessara skrifa var
fyrirspurn erlendis frá, en stundum spyrjast útlendingar fyrir um þetta efni,
og er þá hentugt að eiga eitthvert samantekið efni til útbýtingar.
Vegna uppsagnarbréfs, sem ég fékk um mitt ár frá félaginu, en var að vísu
dregið til baka í desember, varði ég nokkrum tíma til að ganga skipulegar
frá frumgögnum um gripi á Einangrunarstöðinni í Hrísey, ef ég skyldi
hverfa frá störfum nú um áramótin. Var aðallega um að ræða að rekja
frekar en verið hafði ættartölu hvers grips, m.a. kvígnanna úr Mýrdal, sem
36