Búnaðarrit - 01.01.1989, Page 176
Það ástand, sem nú ríkir um vanefndir á greiðslum samkvæmt búfjárræktar-
lögum, er óviðunandi, en úrlausn virðist bundin endurskoðun laganna. Því
er skynsamlegt að hafa samvinnu við ráðuneytið í þessu máli til þess að hafa
áhrif á lagasmíðina.
Mál nr. 31
Erindi Búnaðarsambands Borgarfjarðar um afréttarmálefni, fjallskil o.fl.
Afgreitt með máli nr. 29.
Mál nr. 32
Frumvarp til laga um skógvernd og skógrækt.
Málið afgreitt með eftirfarandi ályktun, sem samþykkt var með 24 sam-
hljóða atkvæðum:
Búnaðarþing hefur fjallað um frumvarp til laga um skógvernd og
skógrækt. í því er verið að fella saman Skógræktarlög nr. 3/1955, lög um
ræktun skjólbelta nr. 22/1966 og lög um ræktun nytjaskóga á bújörðum nr.
76/1984.
Þingið leggur áherzlu á, að Skógræktarlög séu þannig úr garði gerð, að
skógrækt eflist og styrki gróðurfar landsins í fullri sátt við búskap bænda,
sem meðal annars nýta landið að öðru leyti. Því leggur Búnaðarþing til
nokkrar breytingar á þessu frumvarpi, sem hníga í þá átt að greiða veg
skógræktarinnar í sveitum landsins og samræma frumvarpið öðrum lögum,
sem snerta landbúnaðinn.
Þingið ítrekar það álit sitt, að farsælt skógræktarstarf í sveitum er háð því,
að bændur taki upp skógrækt í vaxandi mæli jafnhliða búfjárhaldi. í
tenglsum við minnkaða framleiðslu sauðfjárafurða er brýnt, að skógrækt
verði gildur þáttur í því að veita atvinnu við ræktun nytjaskóga á þeim
svæðum, sem hafa góð skilyrði til þess.
Búnaðarþing mælir með því, að frumvarpið verði lögfest með eftirfarandi
breytingum:
2. gr. Nytjaskógur: í stað „að nánar tilteknu flatarmáli“ komi: af
tiltekinni stœrð.
2. gr. Skjólbelti: í stað „að draga úr vindhraða á nálægum svæð-
um“ komi: að draga úr vindhraða og bœta gróðurskilyrði á
nálœgum svœðum.
2. gr. Skógarlundur: í stað „1-25 ha“ komi: allt að 25 ha.
4. gr. 2. mgr. Á eftir orðinu „gróðrarstöðvum“ komi orðið og. Með
þessari breytingu kemur skýrar í ljós, að hér er átt við
gróðrarstöðvar og lendur í eigu ríkisins.
174