Búnaðarrit - 01.01.1989, Blaðsíða 211

sölu á búvörum. Hún veitirsvigrúm til þess aðframkvæmd búfjárræktarlaga
geti fylgt þróun félagskerfis landbúnaðarins ef hún yrði sú að búgreinsam-
tök eflist á næstu árum og áhugi verði fyrir því að þau taki aukinn þátt í
búfj árræktarverkefnum.
Um 5. gr.
í þessari grein kemur fram hvernig staðið skuli að því að skipuleggja
ræktunarstarfið og veita því forystu. í því sambandi eru eftirfarandi ákvæði
sett:
Skipaðar verði búfjárræktarnefndir, sem hafi það hlutverk að skipuleggja
og veita forystu ræktunarstafi vegna einstakra búfjártegunda. Gert er ráð
fyrir að þessar nefndir séu skipaðar fimm mönnum hver. Þó er heimilt, að
þeir verði þrír eða sjö ef sérstakar ástæður mæla með. Þar gæti t.d. verið um
að ræða þriggja manna nefndir vegna búgreina, sem fáir bændur stunda,
eða sjö manna nefndir, þar sem mikið starf væri lagt á herðar nefndanna og
nefndarmenn teldu sig þurfa að skipta með sér verkefnum.
Gert er ráð fyrir að tveir nefndarmanna séu bændur í viðkomandi grein
og kosnir af sínum búgreinasamtökum, séu þau starfandi, en ella af
Búnaðarþingi og Stéttarsambandi bænda, einn maður af hvorum aðila.
Tveir skulu vera starfandi héraðsráðunautar, kosnir af Búnaðarþingi, en
einn starfandi landsráðunautur tilnefndur af stjórn Búnaðarfélags íslands.
Þar sem áhersla er lögð á að ráðunautarnir séu starfandi í viðkomandi
búgrein má búast við að öðru hverju geti þurft að skipta um þá fulltrúa „á
miðju kjörtímabili". Ef landsráðunautur lætur af störfum við þær aðstæður
er eðlilegt að arftaki hans í starfi komi í hans stað sé aðeins ein staða
landsráðunautar fyrir hendi. Sömuleiðis má búast við að varamaður
Iandsráðunautar verði oft á tíðum að vera héraðsráðunautur. Búfjárræktar-
nefndum er ætlað að kjósa sér formenn úr eigin röðum.
Pá er ákvæði sem gerir ráð fyrir að mynduð verði fagráð vegna einstakra
búfjártegunda og að ráðherra geti falið þeim að taka viö verkefnum, sem
búfjárræktarnefndum eru falin í þessu frumvarpi. Einu skilyrðin, sem
frumvarpið setur um aðila að fagráðum svo mögulegt sé að fela þeim
verkefni búfjárræktarnefndanna, er aö bæði búgreinasamtök í viðkomandi
grein og Búnaðarfélag íslands séu aðilar að þeim.
Um þessar mundir er verið að vinna að myndun fagráða vegna 2 eða 3
búgreina og hugmyndir um þau hafa verið uppi meðal bænda og starfs-
manna landbúnaðarins í nokkurn tíma. Þar sem aðstæður eru mjög
mismunandi eftir búgreinum og málin í örri þróun er ekki talið kleift né
eðlilegt að skilgreina þau nákvæmlega í lögum nú. Engu að síður er
mikilvægt að möguleiki sé fyrir hendi að ætla þeim stað í búfjárræktarstarf-
inu ef þau ná að eflast og verða aðalvettvangur faglegs starfs innan hverrar
búgreinar.

209