Búnaðarrit - 01.01.1990, Side 14

þingið til aukafundar, ef fram kæmi boðað frumvarp ti! nýrra búfjárræktar-
laga.
I samræmi við það var Auka-Búnaðarþing kvatt saman 18. apríl. Því lauk
síðdegis þann 19. og hafði þá haldið fjóra fundi og afgreitt sex mál með
ályktunum.
Búnaðarþingum þessum fylgdi einsog jafnan mikil vinna við undirbúning
mála, sendingu ályktana til fjölmargra aöila og svo eftir atvikum að fylgja
þeim eftir.
Verkfall ráðunauta. Ráðunautar Búnaðarfélagsins, sem nær allir eru í
Félagi íslenskra náttúrufræðinga, voru í verkfalli frá 6. apríl til 18. maí.
Samningar tókust við þá um leið og félag þeirra gekk frá samningum við
ríkið og eru þeir hliðstæðir þeim samningum. Verkfallið kom sér að
sjálfsögðu illa, þar sem ýmsum störfum seinkaði - þó að segja megi aö mest
af því hafi unnist upp.
Búfjártalning. Með bréfi dagsettu 21. febrúar mælti landbúnaðarráðu-
neytið svo fyrir, að fram færi sérstök talning á öllu búfé í landinu samfara
vorskoðun foröagæslumanna. Ráðuneytið skrifaði jafnframt dómsmála-
ráðuneytinu og mæltist til að sýslumenn eða fulltrúar þeirra yrðu eftirlits-
menn með talningunni. Búnaðarfélagi íslands var falið aö hafa yfirumsjón
með þessari talningu, í samvinnu við sýslumenn. Nokkurra efasemda gætti
strax um það að þessi talning mundi þjóna nokkrum tilgangi og í öðru lagi
hvort það ætti stoð í lögum að láta telja bústofn undir eftirliti lögregluyfir-
valds.
Búnaðarfélagið óskaði eftir að ráðuneytið kannaði síðarnefnda atriðið og
óskaði jafnframt eftir nánari fyrirmælum þess um hvernig haga skyldi
talningunni og hvernig hagað yröi eftirliti sýslumanna eða lögreglustjóra að
henni.
Nánari fyrirmæli um þetta bárust með bréfi dags. 7. mars. Þá hafði
landbúnaðarráðuneytið skrifað dómsmálaráðuneytinu tvívegis um málið
og óskað þess að dómsmálaráðuneytið fæli öllum sýslumönnum sem
lögreglustjórum að fylgjast meö talningunni í hverju sveitarfélagi. Öllum
oddvitum og bæjarstjórum landsins var nú skrifað og tilkynnt um fyrirmæli
landbúnaðarráðuneytisins og send afrit af bréfum þess. Þess var farið á leit
að þeir sæju til þess að talningin færi fram svo fljótt sem tök væru á og þeim
bent á að hafa samband við lögreglustjóra sinn.
Nokkurn tíma tók að undirbúa sérstök gögn fyrir talninguna og var ekki
lokið við að senda þau út fyrr en undir lok mánaðarins.
Sá háttur var liafður á í öllum sýslum að einni undantekinni að sýslumenn
fólu hreppstjórum að fara um og telja með forðagæslumönnum. Þannig
gekk þessi sérstaka talning vel og friðsamlega þó að vissulega gætti urgs hjá
allmörgum bændum ogforsvarsmönnum sveitarfélaga í nokkrum tilfellum.
Þess voru dæmi að oddvitar vildu ekki fela forðagæslumönnum að telja og
12