Búnaðarrit - 01.01.1990, Blaðsíða 97
Ferðaþjónusta bœnda
Árið 1989 var viðburðaríkt ár hjá Ferðaþjón-
ustu bænda. Annríki á skrifstofunni var mik-
ið vegna bókana og fyrirspurna. Einnig var
byrjað að vinna þróunarverkefni, sem ekki
hefur verið hægt að byrja á fyrr vegna skorts á
fjármagni.
Bókanir byrjuðu að berast fyrr en áður
hefur verið, eða í febrúar. Feim fjölgaði
einnig um rúmar 3000 gistinætur og urðu
7628. Þar fyrir utan seldust 5000 gistiflakkar-
ar, sem sýnir augljóslega að það sölukerfi
hentar vel fyrir Ferðaþjónustu bænda.
Bæir, sem auglýstu þjónustu sína í bæklingi
samtakanna, voru 112ogerþað aukning um 13 bæi frá árinu á undan. Ekki
eru til tölur um nýtingu á bæjunum, en bændur létu almennt mjög vel af
henni, þó svo að nokkur munur væri milli svæða. Það eru margar ástæður
fyrir því að stöðugt fleiri ferðamenn kjósa Ferðaþjónustu bænda, en ein af
þeim er sú, að árangur markaðsstarfsemi síðast liðinna ára er farinn að skila
sér.
Útgáfustarfsemi hefur vaxið stöðugt á síðast liðnum árum og gerði það
einnig 1989. Erlendir bæklingar ársins (enskir og þýskur) voru unnir haustið
áður, íslenskur bæklingur kom út í byrjun júní og einblöðungur var
prentaður í byrjun júli. Erlendu bæklingarnir fyrir árið 1990 voru svo unnir í
september og sá enski gefinn út.
Veiðiflakkarinn 1989 kom út í mars og var hann núna helmingi stærri en
árið 1988. Sala hans var ekki í samræmi við þá vinnu sem lögð var í hann, en
það er þó ekki ástæða til að gefast upp þar sem þetta var annað æviár hans.
Þó er vert að nefna það, að Ferðaþjónusta bænda hefði viljað sjá meiri vilja
hl samvinnu frá hagsmunaaðilum, bæði bændum og veiðifélögum.
Nokkur breyting var gerð á áherslu í sambandi við kynningu erlendis, en í
stað þess að sækja margar ferðakaupstefnur var fariö á söluskrifstofur og
þjónusta Ferðaþjónustu bænda kynnt fyrir sölufólkinu. Aðaláhersla var
lögð á Flugleiðaskrifstofur og báru þessar ferðir greinilegan árangur í
aukinni sölu margra skrifstofanna. Þá tók Ferðaþjónusta bænda þátt í
tcrðakaupstefnunum West Norden Travel Mart, sem haldin var í Rcykjavík
1 september, og World Travel Market, sem haldin var í London í nóvember.
Margrét Jóhannsdóttir
95