Búnaðarrit - 01.01.1990, Blaðsíða 111

Veiðistjóri
I. Skýrsla Páls Hersteinssonar
Starfsemi veiðistjóraembættisins var mcð
svipuðu sniöi árið 1989 og nokkur undanfarin
ár. Sex vikna langt verkfall Félags íslenskra
náttúrufræðinga setti nokkurn svip á vorið
enda tók undirritaöur þátt í verkfallinu ásamt
ráðunautum Búnaðarfélags íslands. Vegna
verkfallsins kont Fréttabréf veiðistjóra ekki
út á árinu, tilraunir með rafgirðingu um-
hverfis æðarvarp röskuðust og nokkrum öðr-
um verkefnum varð að fresta.
Loðdýraræktin hefur barist í bökkum og
meðal afleiðinga þess er slælegt viðhald
margra loðdýraskála víða um land. Afleiö-
ingarnar voru m.a. óvenjumargar kvartanir vegna aliminka, sem sloppið
höfðu úr haldi. Þrátt fyrir það virðist loðdýrabændum fyrirmunað að
tilkynna réttunr yfirvöldum um sloppin dýr. Minna var um veidda blárefi en
undanfarin ár enda hefur refabændum fækkað ntjög. Auk þess eru blend-
ingar milli blárefa og villtra refa mun líkari villtu refunum að lit og því erfitt
að þekkja þá frá íslenskum refum.
Vorharðindi voru mikil víða og virðist það hafa haft nokkur áhrif á
minkastofninn sums staðar, því að meirihluti minkabana, sem undirritaður
ræddi við, töldu minna um mink en oft áöur. Hins vegar varð ekki mikið
vart við breytingar á refastofninum.
Nefnd á vegum menntamálaráðuneytis, sem undirritaður veitti forstööu,
og fjallaði um leiðir til þess að fækka ntáfurn og hröfnum og minnka aðgang
þeirra að æti, skilaði af sér áliti til ráðuneytisins í mars 1989. Nefndin gerði
ýmsar tillögur um breytingar á gildandi reglugerðum, bæði um notkun
veiðistjóra og trúnaðarmanna hans á fenemali, sem og um frágang úrgangs.
Ráðuneytið hefur ekki enn gert neinar ráðstafanir í samræmi við þessar
tillögur.
Nýtt hús var reist yfir hunda veiðistjóra í Helgadal og var það formlega
tekið í notkun hinn 7. desember 1989 að viðstöddum gestum. Húsið er 96
lermetrar að stærð með aðstöðu fyrir 24-30 hunda auk hvolpa. Hreinn
Olafsson, bóndi í Helgadal, sér um daglega umhirðu hundanna sem áður.
109
L