Morgunn - 01.06.1947, Blaðsíða 44

38
MORGUNN
orðið að honum. Ég skrifaði móður hans tafarlaust um
þetta og hélt tilraunum mínum áfram seinna um kvöldið.
Þá fékk ég þá vitneskju, að John litli hefði aldrei farið í
búðina, sem hann átti að fara í, en hefði farið upp í almenn-
ingsvagn, sem hefði verið á leiðinni til Lundúna.
Enn reyndi ég hlutskyggni mína, og nú náði ég í þá
vitneskju, að drengurinn hefði komist til Lundúna og liði
þar vel. Nafninu POP. . . var nú þrýst inn í vitund mína.“
Eftir þessum upplýsingum frá Margery Bazett fannst
drengurinn í drengjaheimili í Poplar í Lundúnum og var
fluttur heim.
Höf. nefnir fleiri dæmi þess, að hún getur rakið feril fólks
í fjarlægð, en frásögnin af því merkasta er of löng til að
segja frá henni hér. Hún segir frá því, hvernig hún rekur
feril manns, sem var 'týndur austur í Indlandi. Hún fékk
í hendur bréf, sem hann hafði skrifað, þau voru í lokuðu
umslagi, en henni voru ekki einu sinni gefnar svo miklar
upplýsingar um manninn, að henni væri sagt, hvort um
karlmann eða konu væri að ræða.
Um þennan hæfileika sinn segir hún m. a. þetta:
,,Ég get séð, hvað fólk er að aðhafast í fjarlægð, og vissa
atburði, sem eru að gerast þar. Sum héruðin á hernaðar-
svæðinu hefi ég séð ljóslega, og með sálrænum hæfileik-
um mínum hefir mér tekizt að fylgja eftir einstökum aló-
kunnugum hermönnum og séð það, sem var að koma fram
við þá. Og að næturlagi hefi ég verið stödd, utan líkamans,
hjá mönnum, sem voru að deyja úti undir berum himni, og
verið að hjálpa þeim. Ég hefi fylgt eftir skipum á siglingu
og virt fyrir mér ströndina, sem þau voru að fara fram hjá,“
og hún segir frá því, hvernig hún gat fylgzt með hernaðar-
flugvélunum í loftinu, meðan lofthernaðurinn stóð sem
hæst.
Um þessa hæfileika segir hún að lokum:
„Sumt af sálræna fólkinu, sem ég þekki, er ákaflega
raunhæft og dugandi fólk í daglegu lífi og vinnusamt, en