Morgunn - 01.06.1952, Page 47

MORGUNN
41
tiltekinni skúffu í tilteknu húsi í tilteknum bæ í Frakk-
landi. Þar var leitað og arfleiðsluskráin fannst, þar sem
miðillinn hafði sagt að hún væri.
Þetta varð tilefni þess, að nú fór Mackenzie King að
gera tilraunir fyrir sjálfan sig. Aðferðin á fundum Ettu
Wriedt var vægast sagt einkennileg. Tilraunamennirnir
sátu í kring um borð og á borðinu lá silfurlúður. Lauslega
var ýtt við lúðrinum, hann dansaði af stað og nam staðar
fyrir framan þann tilraunamanninn, sem skilaboð átti að
fá frá andaheiminum. Skilaboðin komu í gegn um lúður-
inn. Þar heyrðu menn raddir framliðinna tala, en ekki
rödd miðilsins. Stundum gat verið nokkuð erfitt að greina
orðin, en röddin, sem i gegn um lúðurinn talaði, var jafnan
auðþekkjanleg. Það hafði mikil áhrif á Mackenzie King,
að fyrsta röddin, sem talaði til hans, mælti á frönsku.
Etta vissi ekki, að Mackenzie King talaði frönsku, enda var
frönskukunnátta hans þá ekki fullkomin. Franskan, sem
töluð var nú í gegn um lúðurinn, var heldur ekki upp á
marga fiska, hún var heldur léleg og málfræðivillur marg-
ar. En þetta var rödd eins framliðins æskuvinar Mackenzie
King, sem hann hafði oft talað frönsku við á skólaárum
þeirra í Canada, til gamans. Hér kom aftur greinilega
fram hin gamla vankunátta þeirra æskuvinanna í frönsku.
Crið féll af Eftir að Etta Wriedt var dáin, leitaði Mac-
náttborðinu. kenzie King til annarra miðla, en sjaldan í
Canada. Til þess að koma ekki þessu tiltæki
sínu í hámæli heima, leitaði hann helzt miðlanna, þegar
hann var í ferðalögum sínum erlendis. 1 tuttugu ár kom
hann t. d. aldrei svo til Englands, að hann sæti ekki miðils-
fundi. Einn af miðlunum, sem hann sat fundi hjá, var frú
Helen Hughes. Hjá henni töluðu ekki raddir í gegn um
lúður, hún heyrði aðeins raddirnar sjálf og sagði frá því,
sem hún heyrði. Fyrir milligöngu þriðja manns kom King
á fund hennar á tilteknum tíma, nefndi ekki nafn sitt,
sagði naumast nokkurt orð og settist. Eftir andartaks-