Morgunn - 01.06.1952, Page 86
80
MORGUNN
gerðum og bæn lækningafélagsins. Hin sjúka kona var þá
þegar í stað rannsökuð. Hér var um undur að ræða, sem
skeði fyrir augum vísindamannsins. Ár eftir ár eiga þessi
undur sér stað fyrir handaálagningu og snertingu karla
og kvenna, sem virðast vera kölluð til miskunnarverka.
Oft eru þau smá í heimsins augum, þessar systur vorar og
bræður. En því meir hljóta þau að vera metin af Guði,
fyrst hann trúir þeim fyrir slíkum náðargjöfum.“
Einar M. Jónsson.
Andlegar lækningar.
Brezka stórblaðið Daily Express er að opna umræður
í dálkum sínum um andlegar lækningar. Tveir af biskup-
um biskupakirkjunnar hafa heitið stuðningi sínum og lýsa
yfir, að þeir telji nauðsyn, að rannsaka málið, og með
þeim einn af höfuðprestum kirkjunnar.
Innan sjálfrar biskupakirkjunnar hefur verið lögð stund
á trúarlegar lækningar, og munu biskuparnir tveir og
ýmsir aðrir merkir kirkjumenn í Bretlandi telja árangur-
inn svo athyglisverðan, að ekki megi þegja um hann.
Daily Express hvetur lækna og sjúka, sem fengið hafi
bata af slíkum lækningum, til að taka þátt í umræðunum
í blaðinu.