Morgunn - 01.12.1962, Síða 23

MORGUNN
109
beztu rannsóknarskilyrði, og hjá henni kynntist hann
allflestum miðlafyrirbærum, m. a. líkamningafyrirbær-
um. Að ágætur vísindamaður í sjálfu Vatíkani páfans
rekur slíkar rannsóknir, sýnir, að í þessum efnum er
rómverska kirkjan á undan mótmælendakirkjunum og
telur sig ekki lengur bundna af úreltum miðaldahug-
myndum. Árið 1927 gaf Gatterar út merka bók: Der
Wissenschaftliche Occultismus und sein Verháltnis zur
Philosophie. 1 greininni í kaþólska tímaritinu segir próf.
Hohenwarter frá sannfæringu Gatterers um raunveru-
leik fyrirbrigðanna og spyr síðan:
Er parapsychologie vísindi?
Þeirri spurningu svarar hann játandi, og segir m. a.:
„Smám saman hafa jafnvel ákveðnustu efasemdamenn
séð sig knúna til að svara þessari spurningu játandi.
Staðreyndirnar halda áfram að hrúgast upp. Stöðugt
eru að koma fram .í dagsljósið ákjósanlega vottfest reim-
leikafyrirbrigði". Og hann vitnar máli sínu til stuðnings
í ummæli viðurkenndra vísindamanna, sem jafnhliða vís-
indum sínum ráku rannsóknir á sálrænum fyrirbærum
og öðluðust nákvæma víðtæka þekkingu á þeim. Hann
nefnir þar fyrstan hinn fræga lífeðlisfræðing H. Driesch
háskólakennara í Leipzig, sem andaðist árið 1941, og
skrifaði bókina: Parapsychologie, die Wissenschaft von
den okkulten Erscheinungen. Methodik und Theorie. I
þeirri bók segir próf. Driesch: „Heiti þessarar bókar
leggur áherzlu á að parapsychologie er vísindi. Væri svo
ekki hefði höfundur þessarar bókar ekki gefið sig að
þessu viðfangsefni, og ekki skrifað þessa bók, því að fyr-
ir vafasömum trúarkenningum hefir hann engan áhuga“.
Þegar haft er í huga, að próf. Driesch var einn lang-
frægasti lífeðlisfræðingur vorrar aldar, hljóta ummæli
hans að vera tekin alvarlega, og þá einnig ásakanir hans
í garð sálfræðinganna fyrir hirðuleysi þeirra um þessa
naerkilegu grein sálfræðivísinda, en þau ummæli hans,