Morgunn - 01.12.1962, Qupperneq 22

108
MORGUNN
ir til barátturmar. Ærlega hugsandi og leitandi menn
láta ekki sannfærast af ódýrum og margþvældum orða-
tiltækjum. Þessvegna ætla ég nú að ræða nokkuð mál,
sesm er að verða tímabært og í fyllsta mæli nauðsynlegt
að gefa gaum og kynna sér alvarlega. Þetta mál er
parapsychologie nútímans.
Hvað er parapsychologie?
Hún er sú grein sálfræðinnar, sem að vísindalegum
leiðum fæst við hin svonefndu yfirskilvitlegu fyrirbrigði.
Þessar óvenjulegu, en engan veginn ævinlega sjúklegu,
tjáningar sálarlífsins — sem jafnvel liggja oft á sviði
eðlisfræðinnar — birtast oft í hinum ytra heimi. Undir-
vitundin gegnir hér miklu hlutverki. Parapsychologie er
ekki hið sama og djúpsálarfræðin svonefnda, en margt
er sameiginlegt þessum tveim greinum sálarfræðinnar.
Því næst skiptir próf. Hohenwarter fyrirbrigðunum í
tvo flokka: „parapsychísk“ fyrirbrigði, sem hann lætur
ná yfir fjarhrif, skyggni (einnig fjarskyggni í tíma og
rúmi), spádrauma, forspár, ósjálfráða skrift, trans-tal,
o. fl. o. fl., og „parafýsísk“ fyrirbrigði eins og t. d. spá-
sprotann, pendúlhreyfingar, dularfull hljóð, hreyfingar
og lyftingar hluta af ósýnilegum orsökum, margskonar
líkamningafyrirbæri og ýmsar tegundir rei leikafyrir-
brigða. Þannig fylgir hann að mestu sálarrannsóknar-
mönnunum, sem hafa skipað sálrænum fyrirbærum i tvo
meginflokka, hugræn og líkamleg fyrirbrigði.
Próf. Hohenwarter segir ógerlegt í stuttri tímarits-
grein að ræða hvert einstakt þessara margháttuðu fyrir-
brigða, en hann bendir hinum kaþólsku lesendum á
merka höfunda og bækur þeirra.
Hann bendir fyrst á P. M. Alois Gatterer, sem var
stjörnu-eðlisfræðingur við stjörnuturn Vatíkansins og
hafði aflað sér víðtækrar reynsluþekkingar á miðlafyrir-
brigðum. Þessi ágæti vísindamaður sat marga tilrauna-
fundi með frú Silbert í Graz, merkum miðli, við hin