Morgunn - 01.12.1962, Blaðsíða 28
Draumvísa Maríu Sveinsdóttur
★
Þóra hét kona, Jóhannosdóttir, fædd að Hrólfsstöðum
í Skagafirði 13. apríl 1843. Hún bjó lengi að Lágmúla
á Skaga, eða árin 1895-1922.
Þóra var greind kona og minnug vel á atburði og sög-
ur. Hún var léttlynd að eðlisfari og kom vel fvrir sig
orði ,í viðtölum og á mannamótum. Ljóðelsk var hún og
hagmælt talin, þótt eigi kunni ég nánar frá því að segja.
Síðari hluta ævinnar var Þóra mjög heilsulítil. Lá hún
rúmföst á annan áratug og lengi þrautum þjáð. Þóra
lézt að heimili sínu 18. des. 1922.
Ein af kunningjakonum Þóru á Lágmúla var móðir
mín, María Jóhanna Sveinsdóttir húsfreyja að Þangmúla
á Skaga 1895-1923. Hún var einnig raunabam, átti við
langa og þunga vanheilsu að stríða síðari árin.
Sumarið 1924 sótti ég foreldra mína heim, áður en
ég hvarf til prestsþjónustu í Landeyjarþingum. Var móð-
ir mín þá rúmföst, máttvana og hrörnandi, þótt eigi ætti.
hún nema 46 ár að baki. Varð skilnaður okkar með
þungum trega á báðar hliðar. Kvað hún okkur þá mundu
sjást í síðasta sinn. Er ég lét í ljós vonir um að svo yrði
ekki, sagði hún mér draum sinn.
Dreymdi hana, þegar Þóra á Lágmúla lá á líkbörun-
ura, að hún kæmi til sín, lyti brosandi niður að rekkj-
unni og mælti fram þessa vísu:
Lífs frá stríði ligg ég nár,
laus við alla pínu.
Og þú átt aðeins örfá ár
eftir af lífi þínu.