Morgunn - 01.12.1962, Blaðsíða 31
MORGUNN
117
dæmum saman í eina bók og auðið varð. Að öðrum kosti
yrði að leita þeirra í mörgum og miklum ritum og einn-
ig tímaritum, sem erfitt er orðið um aðgang að.
Þetta safn af frásögnum af sálrænum fyrirbrigðum
og miðlafundum er ekki meira en lítið brot þess, sem
misjafnlega auðvelt er að kynna sér af öðrum bókum.
Stærð þessarar bókar leyfir ekki meira. Ég geri mér
samt vonir um, að það, sem ég birti í þessu riti, sé með
því markverðasta og mest sannfærandi, sem fram hefir
komið á þessu sviði“.
Það verður ekki annað séð en að A. Svanquist standi
við þessi orð. Hann fer með lesandann land úr landi og
kynnir honum merkustu miðla, sem uppi hafa verið,
merkustu rannsóknarmennina marga, starfsaðferðir
þeirra og niðurstöður. Og hann lýsir andstöðunni, sem
þessir menn, miðlar jafnt og rannsóknamenn, hafa orðið
að berjast .í gegn. Og þetta ferðalag hygg ég ílestum
þeim, sem áhuga hafa fyrir þessum málum, muni þykja
skemmtilegt og lærdómsríkt. Svo víða kemur hann við,
og svo staðgóð er þekking hans á málinu.
Ég geri ráð fyrir, að flestum, eða öllum eldri iesend-
um MORGUNS sé kunnugt í megindráttum mikið af
efni þessarar bókar. Frá mörgu því hefir verið sagt 1
þessu tímariti, um margt hafa verið flutt erindi á fund-
um S.R.F.I. En hvorttveggja er,. að nýir og nýir lesend-
ur bætast MORGNI, og eins hitt, að merkilegt efni er
ævinlega gott að rifja upp, svo að í stórum dráttum
verður hér rakið efni þessarar bókar og mönnum bent
á, að ,í hana er mikinn og staðgóðan fróðleik að sækja
fyrir hvern þann, er sænska tungu les sér að gagni.
Höfundur leiðir lesandann fyrst til Wúrtenberg á fund
læknisins Justinusar Kemers, sem var uppi 1786-1862.
Kerner var áreiðanlega meðal fremstu lækna samtíðar
sinnar, en þótt rit hans um læknisfræði séu nú af fáum
lesin, er svo ekki um hið víðkunna rit hans um „Skyggnu
konuna í Prevorst“ (Die Seherin von Prevorst).