Frjáls verslun - 01.01.2001, Side 18

Jón S. von Tetzchner, framkvœmdastjóri Opera Software, og kona hans, Marit Irena, giftu
sig í Viðey í sumar sem leið. Brúðkaupið varð heilmikið ættarmótfyrir fjölskyldu Jóns par
sem ættingjarnir komu hvaðanæva að úr heiminum til að samfagna þeim hjónum.
1996 hófst sala á vafranum og sama ár réðu Jón og Geir sinn
fyrsta starfsmann, Söndru frá Simbabve. Hún starfar enn hjá fyr-
irtækinu þó að hún sé nú búsett í Bandaríkjunum.
„The Sky ÍS the limit“ Notendur Operu hafa tekið vafranum vel.
Starfsmönnum hefur fjölgað ört og fyrirtækið vaxið hratt. Starfs-
mennirnir eru í dag um 100 talsins. Um svipað leyti og Microsoft
byrjaði að láta sinn vafra endurgjaldslaust fyrir þremur til flórum
árum tókst Operu að sexfalda sölu sína og ná hagnaði í rekstrin-
um. Arið 1998 nam veltan 7 milljónum norskra króna, eða 70 millj-
ónum íslenskra, og hagnaðurinn var ein milljón norskra króna.
Arið 1999 var veltan svipuð en tapið nokkrar milljónir. I fyrra nam
veltan 164-205 milljónum íslenskra króna og þegar þetta er skrif-
að er ljóst að tap verður á rekstrinum. Þó ekki stórt. Sú regla hef-
ur gilt innan fyrirtækisins að þéna fyrst og eyða svo en eftir að
nokkrir virtir fjárfestar á borð við Den Norske Bank komu inn í
fyrirtækið með um 30 milljónir norskra króna í ársbyijun 2000,
eða um 250 milljónir íslenskra króna, hefur fjármagnið farið í að
byggja upp fyrirtækið og ná stærri og betri samningum.
Opera Software hefur verið að taka nýja stefnu síðustu tvö
árin. Áhættan er auðvitað töluverð og margt sem
getur farið úrskeiðis en Jón og samstarfsmenn
hans stefna hátt. „The sky is the limit,“ slettir
hann. Lykillinn að vinsældum forritsins er létt-
leiki, einfaldleiki og hraði og þeir þættir verða
áfram í fyrirrúmi. Opera vafrinn var í upphafi ein-
ungis hannaður fyrir Windows sfyrikerfið en
árið 1998 var tekin ákvörðun um að laga forritið
að öðrum sfyrikerfum, m.a. Linux, Beos, Epoc
og Mac. Unnið hefur verið að því síðan. En fleira
hefur breyst Undanfarna tvo mánuði hefur vafr-
inn verið látinn af höndum ókeypis en í staðinn
hefur verið sett auglýsing á forsíðu hans og sitja
notendur Operu þar með við sama borð og not-
endur Netscape og Explorer. Fram að þessu
hafði norski vafrinn verið seldur á tæplega 40 dollara sfykkið og
var það talin ein aðalástæðan fyrir því að hann var sá minnsti á
markaðnum. Nýja fyrirkomulagið hefur reynst vel og stöðugt
fleiri vilja prófa vafrann. Notendum gefst líka kostur á að losna
við auglýsinguna með þvi að greiða fyrir það. Tekjurnar hafa
aukist til muna. Fyrirtækið þarf aðeins nokkurra prósenta mark-
aðshlutdeild á þessu sviði til að gera það gott.
Stefnan sett á handtölvur Opera Software hefur líka sett kúrs-
inn á glænýja braut, nefnilega að vinna sér góða markaðshlut-
deild í litlum tækjum, nettengdum lófatölvum, handtölvum og
símum og þar telja margir að mesta aukningin verði á næstu
árum. Þessi markaður er stærsta von Operu Software en um
leið er hann ákaflega áhættusamur því að auðvitað getur brugð-
ið til beggja vona. Markmiðið er að ná eins stórum hluta af mark-
aðnum og mögulegt er. „Talið er að þessi markaður verði stór
næsta árið og eftir örfá ár verði hann orðinn stærri en markað-
urinn með einkatölvurnar. Þetta er auðvitað óskaplega spenn-
andi. Þarna erum við í góðri aðstöðu til að geta tekið stóran
markaðshlut,“ segir Jón.
Jón ólst upp á Seltjarnarnesi. Hann
er sonur Elsu Jónsdóttur, Gunnlaugs-
sonar læknis og Selmu Kaldalóns
tónskálds, dóttur Sigvalda Kaldalóns
læknis og tónskálds. Faðir Jóns er
Norðmaðurinn Stephen von
Tetzchner, prófessor í sálfræði.
Hvað er Opera?
Opera Software sérhæfir sig í framleiðslu á vafranum
Opera, sem er einn fjögurra vafra á markaðnum. Hinir
eru Netscape Navigator, Internet Explorer og Spyglass,
sem er mun minni og gerir út á annan markað. Opera er
þriðji stærsti vafrinn á Windows markaðnum þó að fyrir-
tækið sé með innan við eins prósents markaðshlutdeild
eins og staðan er í dag. Einnig er hægt að fá Macintosh
og Linux útgáfur af Operu. Fyrirtækið er með vafra á
Epoc stýrikerfinu fyrir hand- og lófatölvur og er þegar
hægt að fá Psion með þessum vafra.
Opera er lítill vafri, aðeins 2MB, sem vinnur mjög hratt.
Hann hefur verið seldur á tæpa 40 dollara og er verðið
talið helsta ástæðan fyrir lítilli markaðshlutdeild. í dag
fæst útgáfa 5.0 af Operu hins vegar ókeypis með auglýs-
ingaborða sem hægt er að losna við með því að borga
ákveðna upphæð. Hægt er að stjórna forritinu með lykla-
borðinu og er hægt að stækka síðurnar verulega með
stækkunargleri. Það getur komið sér vel, t.d. fyrir sjón-
dapra. Hægt er að hafa marga glugga opna og virka í
einu. Opera fæst á yfir tíu tungumálum.