Frjáls verslun - 01.01.2001, Page 24

KÖNNUN UIVI VINSÆLUSTU FYRIRTÆKIN
Jón Asgeir Jóhannesson, forstjóri Baugs. Bæði Bónus og Hagkauþ
bæta við sig í vinsældum. I könnuninni um óvinsældir dregur nokkuð
úr óvinsœldum Baugs og Baugsbúða frá því í Jýrra.
Jón Sigurðsson, forstjóri Össurar hf. Óssur er hástökkvarinn á listan-
um og mœlist fjórða vinsælasta Jýrirtœki landsins. Fyrirtækið hefur
verið mikið í sviðsljósinu undanfarna mánuði.
Islensk erfðagrein
Kári Stefánsson gerir það ekki
endasleppt. íslensk erfðagrein-
ing mælist annað árið í röð vin-
sælasta fyrirtæki landsins, sam-
kvæmt árlegri könnun Fijálsrar versl-
unar á vinsælustu fyrirtækjunum sem
gerð var í endaðan janúar sl. Toppfyr-
irtækið á þessum lista til margra ára,
Bónus, sem óvænt lenti í fimmta sæti
í fyrra, bætir við sig fylgi og lendir í
öðru sæti, sjónarmun á eftir Islenskri
erfðagreiningu. Hástökkvarinn á list-
anum að þessu sinni er fyrirtækið
Össur sem skýst upp í ijórða sæti list-
ans, en það var í Ijórtánda sæti í fyrra. Ekkert fyrirtæki bætir
jafn miklu við sig í vinsældum. Verulega athygli vekur hvað
vinsældir dreifast núna víða og að toppsætið vinnist á aðeins
10% fylgi. Á bak við toppsætið hefur jafnan verið 14 til 16% fylgi
eða þaðan af meira. Metið á Bónus sem fékk 25,7% fylgi í árs-
byrjun 1998. Það voru fáheyrðir yfirburðir og það met verður
sennilega seint bætt. Islensk erfðagreining fékk í könnuninni í
fyrra 18,3% fylgi og bætti þá stórlega við sig frá árinu áður.
Þetta er í þrettánda sinn í röð sem Frjáls verslun gerir könn-
un um vinsælustu fyrirtæki landsins. Spurt var: Eg vildi biðja þig
að nefna 1 til 3 íslensk fyrirtæki sem þú hefúr jákvætt viðhorf til?
Sömuleiðis var spurt: Eg vildi biðja þig að nefna 1 til 2 íslensk fyr-
irtæki sem þú hefur neikvætt viðhorf til. Könnunin fór fram dag-
ana 24. til 29. janúar sl. og var hluti af spurningavagni þar sem
meðal annars var spurt um fylgi við flokkana og hvort fólk hefði
orðið persónulega fyrir því að þjónusta íslandspósts brygðist fyr-
ir síðustu jól. Tekið skal fram að spurn-
ingin um Islandspóst var borin upp eft-
ir að búið var að spyrja um vinsælustu
og óvinsælustu fyrirtækin. Alls svör-
uðu 670 manns í könnuninni.
Vinsældir íslenskrar erfðagreiningar
Vinsældir Islenskrar erfðagreiningar
koma vissulega á óvart. Eftir að gengi
hlutabréfa í móðurfélagi þess,
deCode, hefur hrunið á síðustu vikum
og mánuðum hafa verið stöðugar frétt-
ir í fjölmiðlum um að sex þúsund fjár-
festar hugsi fyrirtækinu þegjandi þörf-
ina og að Kári og kompaní séu hötuð á jafnmörgum heimilum
landsins. Sömuleiðis hefur borið á góma í ljölmiðlum að fólk
hafi verið platað upp til hópa til að kaupa í fyrirtækinu og sitji
núna eftir með sárt ennið. Erfitt er að átta sig á því hver plataði
hvern því hlutabréf í öllum fyrirtækjum eru og verða ævinlega
áhættufjárfesting. Það fylgir því áhætta að leggja fé í fyrirtæki,
einnig þau sem eru skráð á Verðbréfaþingi. Taki menn eftir því
að úrvalsvísitala hlutabréfa hefur fallið úr 1.889 stigum frá því
um miðjan febrúar í fyrra niður í um 1.225 stig. Það virðast því
margir hafa verið plataðir. Auðvitað verður hver og einn að
bera ábyrgð á eigin gjörðum. Hitt er þó ljóst að verðbréfasalar
voru margir hveijir óhemju bjartsýnir á að gengi bréfa í
deCode ætti jafnvel eftir að fara yfir 100 og jafnvel kljúfa geng-
ismúrinn 120 eftir að fyrirtækið yrði skráð á Nasdaq-markaðn-
um í Bandaríkjunum. Þessar vangaveltur komu fram bæði í
fréttum og í samræðum manna á verðbréfamarkaðnum.
Haldi einhver að Islensk erfðagreining sé
hataðasta fyrirtækið á heimilum lands-
ins í kjölfar hruns á gengi hlutabréfa í
móðurfélagi þess, deCodeJersá hinn
sami villur vegar. Fyrirtækið mælist vin-
sælasta fyrirtæki landsins annað árið í
röð, þótt vinsældir þess hafi dalað.
Eftír Jón G. Hauksson
24