Frjáls verslun - 01.01.2001, Page 28

KÖNNUN UIVl REYKJAVÍKURFLUGVÖLL
Meirihluti landsmanna, um 60%, vill hafa Reykjavíkurflugvöll áfram á núverandi svæði. Meirihluti Reykvíkinga, 57%, vill sömuleiðis hafa völl-
inn áfram þar sem hann er núna. FV-mynd: Geir Ólajsson

Könnun Frjálsrar verslunar um Reykjavíkurflugvöll:
Meirihluti vill
völlinn áfram
Nokkur meirihluti í könnun Frjálsr-
ar verslunar, eða um 60%, vill hafa
Reykjavíkurflugvöll áfram á núver-
andi svæði. Þótt áberandi stuðningur sé
við flugvöllinn hjá fólki úti á landsbyggð-
inni er meirihluti Reykvíkinga, um 57%,
einnig fylgjandi því að hafa völlinn áfram
á núverandi svæði.
Könnunin var tekin dagana 24. til 29. janúar sl. og var lið-
ur í stærri könnun um ýmis málefni. Þetta var símakönnun og
náði til alls landsins. Alls svöruðu 670 manns. 561 tók afstöðu
Völlinn áfram á núverandi svæði?
Já Nei
en 109 sögðust óákveðnir eða ekki vilja
svara. Hjá þeim sem tóku afstöðu sögð-
ust 60,4% vilja hafa flugvöllinn áfram á nú-
verandi svæði, en 39,6% voru því andvíg.
Ekki var reynt að fá fram skoðun á því
hvert andstæðingar vallarins vildu flytja
flugvöllinn, en í umræðunni hafa t.d.
Vatnsleysuströnd og Keflavíkurflugvöllur verið nefnd til sög-
unnar. Heldur ekki hvort vilji væri fyrir að láta einhverja braut
hans ná út í Skerjafjörð sem þá væri vissulega angi af núver-
andi svæði. Þess í stað var einfaldlega spurt: Vilt þú hafa
Reykjavíkurflugvöll áfram á núverandi svæði?
Umræðan um Reykjavíkurflugvöll og flutning hans virðist
þverpólitískt mál, óháð flokkum. Þannig nýtur núverandi
vallarsvæði fylgis 65% framsóknarmanna í könnuninni, 63%
sjálfstæðismanna, 58% vinstri grænna og 54% stuðnings-
manna Samfylkingarinnar.
Varðandi einstaka landshluta sker Suðurlandið sig úr.
Þetta er eini landshlutinn þar sem fleiri eru andvígir því (54%)
en fylgjandi að hafa völlinn áfram á núverandi svæði. Skoðan-
ir manna á Reykjanesi mælast hnífjafnar, 50% vilja hafa völlinn
áfram og 50% flytja hann. I öllum öðrum landshlutum er
meirihlutavilji fyrir því að hafa völlinn áfram þar sem hann er
núna. Mestur er sá vilji á Austurlandi og á Vestfjörðum.SD
Meirihluti svarenda, eða um
60%, vill hafa Reykjavíkurflug-
völl áfram á núverandi svœði.
Eftir Jón G. Hauksson
Þverpólitískt mál
Núverandi vallarsvæði nýtur fylgis 65% framsóknarmanna, 63% sjálfstæðismanna, 58% vinstri
grænna og 54% stuðningsmanna Samfylkingarinnar.
28