Frjáls verslun - 01.01.2001, Page 83

11
Frá heimsókn til Jaþansárið 1987. Héreruþau hjón, OlafurB. Thors ogjóhanna Jórunn Thors,
með yfirmönum JETRO (Jaþan External Trade Organization).
En samskiptin hafa líka aukist mikið á
öðrum sviðum en viðskiptasviðinu.
Menntamenn, listamenn, fræði- og vís-
indamenn hafa leitað eftir samskiptum
við starfssystkin í Japan. Núna síðustu
misserin hafa samskipti af þessu tagi að
mestu farið í gegnum Japansk-íslensku
menningarmiðstöðina í Kringlunni 7 og
eflaust verður svo áfram meðan hún
verður starfrækt. Utflutningsráð hefur
líka leiðbeint mönnum, sem hafa haft
hug á viðskiptum við Japan. En með
stofnun sendiráðs hér verða öll sam-
skipti eflaust mun léttari í vöfum en ver-
ið hefur þar sem öll formsatriði, svo sem
vegabréfsáritanir, hafa orðið að fara
gegnum sendiráð Japana í Ósló.“
Verður þú þá ekki óþarfúr?
„Ég geri ráð fyrir því að að því komi.
Reglan mun vera sú hjá japönsku utan-
ríkisþjónustunni að starfsemi kjörræðis-
manns sé lögð niður þegar sendiherra
kemur til landsins. Einhver bið mun
samt verða á þvi. Sá háttur er gjarnan
hafður á að fyrst senda þeir fulltrúa, sem
falið er á hendur að undirbúa stofnun
sendiráðs og koma starfseminni af stað.
Síðan koma hærra settir fulltrúar utan-
ríkisþjónustunnar og veita sendiráðinu
forstöðu og loks kemur sendiherrann
sjálfur þegar starfsemin er komin í fastar
skorður. Þannig gæti atburðarrásin orðið
hér. Ég geri ráð fyrir að gegna þessu
starfi áfram að minnsta kosti þetta ár, og
ef til vill eitthvað lengur."
Þekktírðu eitthvað tíl í Japan áður en þú
tókst að þér ræðismennskuna?
„Ekki var það nú mikið. Ég hafði enga
viðskiptahagsmuni í Japan og átti þar því
engum erindum að gegna. En á árinu
1987 fórum við, ég og kona mín, í hálfs-
mánaðar ferð þangað í boði japanskra
stjórnvalda og var sú ferð býsna fróðleg,
gagnleg og skemmtileg. Við ferðuðumst
þar um og hittum margt gott fólk að máli.
Persónuleg tengsl geta skipt miklu máli í
starfi sem þessu og opnað manni gagn-
vegi í gegnum hefðbundna skriffinnsku-
ferla. Þar hitti ég til dæmis þáverandi for-
seta efri deildar þingsins, Yohihiko
Tsuchiya, sem nú er fylkisstjóri í Saitama
héraði. Hann hafði komið hingað til
lands á sínum tíma í kjölfar þeirra at-
burða, þegar fjórir japanskir vísinda-
menn drukknuðu hér við vísindaathug-
anir á hálendinu. Hann kom hingað
gagngert í því skyni að flytja jdirvöldum
og björgunarsveitum þakkir fyrir fram-
göngu þeirra vegna þessara atburða.
Honum er mjög hlýtt til íslands og ís-
lendinga, er mikill aðdáandi Vigdísar for-
seta og mun hafa átt sinn þátt í ferðum
hennar til Japans en þangað fór hún
nokkrum sinnum. Forseti efri deildar
þingsins er mikill valdamaður í Japan,
eins og sjá má af því að hann spurði mig
að því hvort ég vildi ekki hitta utanríkis-
ráðherrann að máli, en það var ekki á
þeirri fast mótuðu dagskrá sem sett hafði
verið upp vegna ferðarinnar. Ekki gat ég
neitað svo góðu boði og beið hann þá
Um tuttugu fyrirspurnir á viku
Að meðaltali hafa borist hingað þetta 15-20 fyrirspurnir á viku frá
Japönum. Okkar hlutverk hefur verið að afla upplýsinga og koma
á tengsium.
JAPANSKIR DflGAR
Árið 1931
Jóhann Ólafsson stórkaupmaður
stofnaði til fyrstu viðskiptasamband-
anna við Japan árið 1931. Þau voru
endurnýjuð eftir styrjöldina, en fjör-
uðu smám saman út vegna hins háa
flutningskostnaðar.
Árið 1960
Skömmu fyrir 1960 hefja Marco,
Asíufélagið og Kristján Ó. Skagfjörð
innflutning á nælonnetum í stórum
stíl frá Japan.
Árið 1963
Árið 1963 verður Baldvin Einarsson,
stjórnarformaður Asíufélagsins, aðal-
ræðismaður Japans hér á landi og
viðskiptafélagi hans íTókýó, herra
Okasaki, aðalræðismaður íslands i
Japan.
Árið 1964
Viðskiptin eru næsta einhliða: Inn-
flutningur frá Japan. Á næstu árum
beita ræðismennirnir sér fyrir leit að
vöru sem jafnað gæti viðskiptahall-
ann. Loðnan verður fyrir valinu og
Sölumiðstöð hraðfrystihúsanna gefur
5 tonn af loðnu í tilraunaskyni.
Árið 1970
Árið 1970 var samið um smíði 10
skuttogara í Japan. Þeir urðu mikil
happaskip. fslensku fisksölufyrirtækin
áttu margháttuð samskipti við
japönsk innflutningsfyrirtæki og smátt
og smátt jókst fjölbreytni innflutn-
ingsins.
Árið 1990
Árið 1990 stígur SH skrefið til fulls og
stofnar dótturfyrirtæki í Tókýó - fyrsta
íslenska fyrirtækið í Asíu. ÍS fylgir
fljótt á eftir. 1994 er sala SH í Japan
komin í sjö milljarða króna.
Árið 2001
Um aldamót eru samskipti landanna
talin svo umfangsmikil að réttlætan-
legt sé að opna sendiráð í Reykjavík
og Tókýó. Japanska sendiráðið er nú,
í febrúar 2001, að hefja störf á Hótel
Sögu. íslenskur sendiherra verður
væntanlega sendur til Tókýó síðar á
árinu.
83