Frjáls verslun - 01.11.2002, Blaðsíða 9

Aðstandendur Emst & Young á íslandi eru tvær
endurskoðunarstofur sem starfræktar hafa verið
um árabil - Endurskoðendur ehf. á Þórsgötu 26 og
Endurskoðunarstofan Skólavörðustíg 12, sem síðar
varð Moore Stephens endurskoðun ehf. í Ármúla 6.
Starfsemi þessara félaga hefur verið lögð niður.
Aðsetur Ernst S. Young hér á landi er í Ármúla 6 og
starfsmenn verða í upphafi 25 - endurskoðendur,
viðskiptafræðingar og fleira sérhæft starfsfólk.
Hvers vegna?
Endurskoðunarfyrirtæki með framandi nöfn, sem
erfitt er að bera fram, hafa vakið eftirtekt hér á landi
á undanförnum árum. Anna Kristín Traustadóttir,
endurskoðandi og framkvæmdastjóri, var spurð að
því hvers vegna fyrirtækið héti Ernst & Young. „Einu
sinni kenndum við okkur víð Skólavörðustíg 12 og
Þórsgötu 26 - Það voru góð nöfn, enda sýnir það
bæði traust og vissu um framtíðina að kenna sig við
ákveðinn stað. Svo fluttum við í Ármúla 6. Það hefðí
auðvitað verið frumlegt að heita Endurskoðunar-
stofurnar Skólavörðustíg 12 og Þórsgötu 26,
Ármúla 6 - En auðvitað gengur það ekki. Þegar fyrra
fyrirtækið flutti I Ármúlann var það komið i samstarf
við alþjóðlegt fyrirtæki og kenndi sig við það: Moore
Stephens, en nú lýkur samstarfinu við það fyrirtæki."
„Maður kemst víðar á jeppanum"
„Það eru margar ástæður fyrir því að endurskoð-
endur leita eftir samstarfi yfir landamæri," segir Jón
Öm Guðmundsson, endurskoðandi.
„Ein er sú að fyrirtækin sem við vinnum fyrir eiga
viðskipti og reka starfsemi í sífellt fleiri löndum og þá
er oft nauðsynlegt að geta haft samband við einhvern
sem maður þekkir og ber sama nafn. Ég veit t.d. ekk-
ert um skattamál í Svíþjóð og kollegi mínn í Svíþjóð
veit ekkert um skattamál á íslandi - þannig að við
hjálpumst að. Ég fæ viðskipti út á það að kúnninn veit
að ég á félaga með sama nafni úti um allan heirn."
„Önnur ástæða," segir Anna Kristín, „er sú að
alþjóðlegu endurskoðunarfyrirtækin hafa þróað
ýmiss konar verkfæri og tölvuforrit, sem við höfum
aðgang að. Alþjóðlegu endurskoðunarfyrirtækin eru
verkfæri sem við notum við vinnu okkar. Ástæðan
fyrir því að við hættum að vera Moore Stephens og
verðum Ernst S. Young er sú að Ernst & Young er
mun fjölhæfara og öflugra verkfæri. Breytingunni
sem verður á högum okkar má líkja við það að við
höfum nú selt fólksbíl og keypt jeppa. Báðir bílarnir
eru ágætir, en maður kemst víðar á jeppanum,"
sagði Anna Kristín að lokum.
Þjónusta fyrir stóra sem smáa
„Þjónusta okkar mun eflast vegna þess að við höfum
nú aðgang að sérhæfðum upplýsingum og sérfræði-
aðstoð Ernst S Young," segir Jón Örn, „en við
munum hér eftir sem hingað til sinna eins vel og
kostur er öllum okkar viðskiptavinum, stórum sem
smáum.1' Viðskiptavinir Ernst S. Young eru eitt um
þúsund talsins.
Anna Kristín Traustadóttir, endurskoðandi og framkvæmdastjóri Ernst & Young.
Endurskoðendurnir Sverrir Ingólfsson, Porsteinn Haraldsson, Friðbjörn Björns-
son og Jón Örn Guðmundsson.
Stefanía Stefánsdóttir og Hildur Pálsdóttir, starfsmenn í bókhaldi.
KYNNING
9