Frjáls verslun - 01.11.2002, Qupperneq 79

HVAO SEGJA ÞAU UMÁRAMÓT
Bogi Pálsson
forstjóri Toyota og formaður Verslunarráðs Islands
Gott gengi við erfið skilyrði
Það sem helst kemur til hugar er gott gengi fyrirtækisins
við afar erfið skilyrði á markaðnum. Markaðshlutdeild
fyrirtækisins er nú hærri en hún hefur nokkurn tíma ver-
ið og árið kemur vel út flárhagslega. Af einstökum atburðum
er það helst kynning á nýjum Toyota Corolla í ársbyrjun og nú
í árslok erum við að kynna nýjan Toyota Land Cruiser. Þetta er
því búið að vera bæði áhugavert og árangursríkt ár fyrir okkur.
Ég tel að bílainnflutningur fari að vaxa að nýju þar sem það
hefur safnast upp gífurleg endurnýjunarþörf í bílaflota lands-
manna samhliða því að væntingar standa til að efnahagsástand-
ið haldi áfram að batna. Það er rejmsla okkar að viðskiptavinir
séu farnir að leggja sífellt aukna áherslu á framboð og gæði
þjónustu við val sitt á bíl. Ég tel að þessir þættir eigi eftir að
ráða miklu um þróun í bílgreininni á næstu árum.
Að vera valinn markaðsmaður ársins 2001 í upphafi ársins
af ímark var mér mikils virði og kannski óvæntasti atburður
ársins persónulega. S9
Guðrún Ólafsdóttir
útibússtjóri Landsbankans í Smáralind
HagurJyrirtœkja
og heimila að vœnkast
Arið hjá útibúi Landsbankans í Smáralind hefur verið viðburðaríkt.
Það er komið rúmt ár síðan við opnuðum og hafa viðtökur verið
mjög góðar. Við leggjum ríka áherslu á persónulega þjónustu og
faglega ráðgjöf þar sem viðskiptavinurinn er hafður í fyrirrúmi. Það má
því segja að velgengni útibúsins sé það sem stendur upp úr þegar litið er
til baka. Það má fyrst og fremst þakka þennan árangur því góða fólki
sem hér starfar.
Við horfum með bjartsýni fram á nýtt ár. Fjöldi viðskiptavina eykst
jafnt og þétt. Með lækkandi vöxtum og verðbólgu vænkast hagur
bæði fyrirtækja og heimila.
Það eru spennandi tímar fram undan. Ég tel að samkeppnin eigi
eftir að aukast mikið á næstu árum og að einhver samþjöppun muni
eiga sér stað.
Árið hefur verið mjög gott. Ég hef helgað mig vinnunni og því
uppbygginarstarfi sem fylgir því að opna nýtt útibú. Ég og börnin
mín, Lárus og Rósa, höfum snúið bökum saman til að ná árangri og
stend ég í þakkarskuld við þau þar sem mikið hefur mætt á þeim í
ijarveru minni. Ég vil því fyrst og fremst þakka þeim hve dugleg,
sjálfstæð og góðir félagar þau eru.SH