Frjáls verslun - 01.11.2002, Blaðsíða 82
LUNDÚNAPISTILL SlGRÚNflR: BÓK UM STJÓRNUN OG SIÐFERÐI
Er hægt að vera góður
og ná langt í lífinu?
Er hægt ab vera bœði góður og sjálfum sér trúr - og ná langt í lífinu? Derrick Bell, gamall baráttu-
maóur um réttindi blökkumanna og lagaprófessor, hefur skrifaó áhugaverða bók þar sem hann leggur
viðskiptafrömuðum lífsreglurnar. Þessi bók nýtur nú vinsælda í Bretlandi.
Texti og myndir efdr Sigrún Davíðsdóttur
Margt af því sem er skrifað um hvaða afstöðu maður eigi að
hafa til vinnunnar fær mig algjörlega til að fara hjá mér.
Hvernig getur fólk staðið og prédikað í fyllstu alvöru að
maður eigi að vera ástríðufullur í vinnunni og ganga að öllum
verkefnum af ást og ákafa?
Ekki að ég sé neitt á móti ástríðum. Öðru nær. Mér finnst
bara ekki að orð eins og ástríður og ást eigi heima í vinnunni og
hafi hreint ekkert að gera á vinnustað (nema fyrir þá sem álíta
að vinnustaðurinn sé rétti staðurinn til að stunda ástarlíflð, sem
er varla það sem þessir „prédikarar“ eiga við - held ég...).
Eitthvað hefur þetta með enskuna að gera. Bandaríkjamenn
eru einkum taumlausir í að nota orð eins og „love“ og „passion",
ást og ástríða, um fremur ómerkilega hluti þar sem þær miklu
tilfinningar, sem liggja að baki orðunum, eiga fremur ifla við.
Eflir Enron 09 WorldCom Derrick Bell talar líka um ástríður, en
hann hefur vit á að gera það á smekklegan og viðeigandi hátt.
Orðið nær auðvitað til annarra þátta mannlifsins en holdlegrar
ástar, eins og hann bendir á, en það sem hann á við er að til að
lifa siðrænu lífi þarf maður að hafa viðmiðanir sem skipta mann
tilfinningalega máli. Bell er ekki beint manngerðin, sem búast
mætti við að kastaði sér út í að fara að leggja viðskiptafrömuðum
lifsreglurnar. „Ethical Ambition; Living a Iife of Meaning and
Worth“ er heldur ekki skrifuð til viðskiptafrömuða, þó að hún
hafi verið gripin af mörgum þeirra í leit að kjölfestu eftir Enron
og WorldCom og seljist grimmt
Derrick Bell er 72 ára blökkumaður, lögfræðingur og
háskólaprófessor. Hann ólst upp við kröpp kjör og ekkert benti
til að hann ætti eftir að verða prófessor við Harvard. Þeir fáu
svörtu jafnaldrar Bell sem fóru í lögfræði stefndu oft frekar í
opinbera geirann en einkageirann, því hann var heldur skárri
varðandi fordóma en einkageirinn. Það var kynslóð Bells sem
barðist fyrir að kynþáttaaðskilnaður yrði í raun viðurkenndur
eftir að lög sem bönnuðu kynþáttamismunun voru sett.
82