Frjáls verslun - 01.11.2002, Blaðsíða 78
HVflD SEGJfl ÞflU UM flRAMÓT
Róbert Trausti Árnason
forstjóri Keflavíkurverktaka
SífelltJleirí verkefni
utan Vallar
Velgengni við tilboðsgerð Keflavíkurverktaka hf. í verk
utan Keflavíkurflugvallar stóð upp úr á árinu en þar hafa
öll umsvif félagsins verið þar til nú. Félagið er nú í hópi
fimm stærstu verktaka á íslandi.
Keflavíkurverktakar hf. munu á næsta ári verða þátttak-
endur í framkvæmdum á Austurlandi jafnhliða því að halda
áfram markvissri sókn sinni inn á verktakamarkaðinn hér á
landi.
Næg verkefni eru fram undan á næstu misserum hjá Varn-
arliðinu, íslenska ríkinu, sveitarfélögum og einkaaðilum.
Staðan verður góð á næstu árum í þessari grein en hefðbund-
in vinstri stjórn og innganga í Evrópusambandið myndi
breyta því.
Það sem var minnisstæðast hjá mér sjálfum á árinu var að
ég settist aftur á skólabekk. S3
Hulda Sigurlína Þórðardóttir
hjúkrunarforstjóri NLFI
Æfleirí þjást af streitu á háu stigi
Það sem er minnisstæðast hjá NLFÍ á árinu er að byrjað var
að byggja nýja sundlaug og baðhús sem tekin verða í
notkun um mitt næsta ár. Með komu þessa nýja baðhúss
mun gjörbreytast öll aðstaða til þjálfunar í vatni og aðstaða til
leirbaða verður mun betri.
Þörfin og krafa sjúklinga til endurhæfingar hefur aukist
mikið síðustu ár m.a. vegna þess að legutími sjúkrahúsanna
styttist sífellt en einnig vegna þess að æ fleiri þjást t.d. af streitu
á háu stigi og þunglyndi. Við viljum vera vel undir það búin að
mæta fjölbreyttum þörfum sjúklinga með bættri aðstöðu og
erum með mjög hæft og metnaðarfullt starfsfólk.
Hversu vel er hugað að sjúklingum, tilfinningalega og and-
lega, mun skera úr um það hversu gagnleg og varanleg endur-
hæfingin verður í heild sinni. Þar tel ég að hjúkrunarfræðingar
hafi mikla möguleika á að komast til móts við þarfir sjúklinga
sinna.
Það er að sjálfsögðu fæðing dóttur minnar, Rakelar
Rebekku, þann 9. mars 2002, sem var minnisstæðast hjá mér
sjálfri. Fyrir eigum við Sigurður, maðurinn minn, tvö börn -
Svandísi, 13 ára, og Guðmund Vigni, 17 ára. Að eignast barn
svona „seint“ er mikil gæfa. 3!1
78