Frjáls verslun - 01.11.2002, Blaðsíða 87

VÍNUMFJÖLLUN SIGMABSB.
á starfsemi ÁTVR á þessu kjörtímabili. Satt best að segja sýnist
mér að ÁTVR hafi aldrei verið í eins sterkri stöðu og einmitt nú.
Fyrirtækið er vel rekið, vínbúðirnar eru vel skipulagðar og
þægilegt að versla í þeim. Vöruúrvalið er býsna gott og ijöl-
breytt og opnunartíminn hefur verið aðlagaður kröfum nútím-
ans. Heildsölunum finnst gott að eiga viðskipti við ÁTVR. Þeir
fá peningana sína fljótt og örugglega og þurfa ekki að taka
neina teljandi áhættu. Evrópusambandið virðist alveg hafa
gefist upp fyrir Svíum og munu þeir fá að reka áfengiseinkasölu
áfram eins og verið hefur. Sænska ríkið lét meira að segja birta
á heilsíðum sænskra dagblaða opið bréf til franska sendiherr-
ans, þar sem skorað er á hann að beita sér fyrir því að franska
ríkisstjórnin taki upp sænska kerfið, þ.e.a.s. einkasölu á áfengi.
TvÖ rauðvínsglös á dag Á seinustu árum hefur það vakið
athygli í hinum vestræna heimi hvað margar vísindarann-
sóknir hafa komist að svipuðum niðurstöðum um hollustu létt-
víns. Það þykir nú talið fullsannað að þeir sem drekka 2 glös af
léttvíni á dag eru í 40% minni hættu á að fá hjartaáfall en þeir
sem ekki drekka vín eða þeir sem misnota áfengi. Þeir sem
drekka léttvín i hófi eru í minni hættu að þjást af elliglöpum
(dementia) og allt að 75% minni hætta er á því að fá Alzheimer-
sjúkdóminn. Hófleg léttvínsneysla dregur einnig úr hættunni á
því að karlmenn fái krabbamein í blöðruhálskirtil. Þessar og
fleiri rannsóknir styðja þá fullyrðingu sem margir vísindamenn
hafa haldið fram, t.d. dr. Serge Renaud, að léttvín er raunveru-
lega hin mesta hollustuvara. Læknar ættu því að hvetja sjúk-
linga sína til að neyta léttvíns í hófi til að bæta heilsuna og fyrir-
byggja ýmsa sjúkdóma. Þá bragðast flestallur matur mun betur
sé drukkið með honum léttvín. Hófleg léttvínsneysla dregur
einnig úr streitu og bætir svefn og svona má lengi telja. Land-
læknisembættið ætti því fremur að hvetja alla Islendinga, 40
ára og eldri, til að drekka léttvín. Margir læknar telja að land-
læknir sé á hálum ís í því að vera með stöðugan áróður um að
miðaldra og eldri konur eigi að drekka mjólk til að forðast bein-
þynningu. Hugsanlega væri hyggilegra fyrir landlækni að
hvetja alla íslendinga 40 ára og eldri til að drekka 2-3 léttvíns-
glös á dag - alla ævi.
Lægra werð á léttvínum Á næsta þingi munu nýir þingmenn
hetja störf á Alþingi. Það væri mikið þarfaverk að nýtt þing
beitti sér fyrir því að verð á léttvíni, eða réttara sagt opinber
gjöld á léttvíni, yrði lækkað tíl muna. Það yrði bæði þjóðhags-
lega og þjóðheilsufarslega hagstætt. Það er staðreynd að það
er mun heppilegra að fólk drekki léttvín fremur en sterkt
áfengi eða bjór. Ef gjöld á léttvlni yrðu lækkuð mætti t.d. á móti
hækka gjöld á tóbaki og jafnvel sterku áfengi. Helst þyrfti verð
á léttvíni að vera svipað og í nágrannalöndum okkar. Verð-
lækkun af þessu tagi myndi meðal annars hafa það í för með
sér að fleiri íslendingar færu á veitingahús, erlendir ferðamenn
myndu gjarnan fá sér vín með matnum og eyða meiri gjaldeyri
í dvöl sinni hér á landi. Aukin léttvínsneysla þjóðarinnar myndi
einnig stuðla að betra heilsufari íslendinga. Ekki veitir nú af -
æ fleiri krónur fara nú úr ríkissjóði í heilbrigðiskerfið og þrátt
fyrir það verða óánægjuraddir stöðugt hærri.
WWW.atvr.iS Eins og áður sagði hefur þjónusta ÁTVR batnað
til mikilla muna á seinustu árum. Nú orðið er einnig hægt að
fara á Netið og sjá hvað til er. Ef vel er að gáð má af og til finna
athyglisvert vín sem ánægjulegt er að bragða á. Hér koma
nokkur sem bæta heilsuna og lýsa upp myrka kima sálarinnar.
Austurrískt vín er sjaldgæft í Rikinu, því miður, segi ég, því að
í Austurríki er framleitt margs konar afar athyglisvert vín. Frá
Weingut Briindlmayer eru nú til á sérlista tvær ljómandi
víntegundir. Zöbinger Heiligenstein Riesling er létt, ilmríkt og
þurrt vín með góðri fyllingu og ljúfu ávaxtabragði. Frábært vín
til að drekka eitt og sér og þá jafnvel að hlusta á góða og fallega
tónlist í leiðinni og slaka á. Langenloiser Berg-Vogelsang er í
flokki víntegunda sem kallast Griiner Veltliner. Þessi vín eru
pressuð úr samnefndum þrúgum. Þau eru yfirleitt alltaf
drukkin ung, eru frískandi og svalandi og tilvalin sem for-
drykkur. Það er mikill fengur að fá þessi frábæru vín frá
Austurríki, vonandi komast þau í kjarnann og verða til sölu í
öllum verslunum ÁTVR.
ítalska vínið Barolo passar ákaflega vel með villibráð og
auðvitað íslenska lambinu. Þetta magnaða vín kemur frá
Norður-Ítalíu, nánar tíltekið frá Piedmont, og er pressað úr
Nebbiolo þrúgum. Af þessu mikla víni er tjöruangan og
magnað bragð af kryddi og austrænum ávöxtum. Skemmtilegt
Barolo vín er Giordano Barolo Radioso 1997 á 2.760 krónur.
Þetta er fínlegt vín með góða fyllingu, frábært matarvín á góðu
verði. Annað ljómandi ítalskt matarvín er Ecco Comani Puglia
Primitivo á 1.590 krónur. Þetta er suður-ítalskt vín frá Puglia.
Vínið er pressað úr Primitivo þrúgum sem er forn ítölsk þrúgu-
tegund. Primitivo er náskyld Zinfandel þrúgunni sem er mjög
vinsæl í Kaliforníu. Primitivo er einfalt vín og látlaust. Þetta er
sólbakað vín með flóknu bragði af jarðarbeijum, súkkulaði og
timian og hárrétta vínið með ítölskum mat, t.d. pasta. En
kosturinn við Ecco Domani Puglia Primitivo er að þetta er vín
sem fellur að smekk flestra, ekki síst þeirra sem ekki hafa
mikla þekkingu á léttvínum. Þess vegna er þetta rétta vínið í
matarboðið, það passar með flestum mat og fellur að flestra
smekk. Það er góð hugmynd að heimsækja þær verslanir
ÁTVR sem bjóða upp á sérlistavín eða kíkja á www.atvr.is og sjá
hvað er til á Netínu.
m
Sigmar B. Hauksson mælir með eftirtöldum vínum:
Hvítvín:
Weingut Briindlmayer Riesling á 1.910 krónur
Weingut Briindlmayer Griiner Veltiner á 1 670 krónur
Rauðvín:
Barolo Radioso 1997 á 2.760 krónur
Ecco Domani Puglia Primitivo á 1.590 krónur
87