Frjáls verslun - 01.11.2002, Blaðsíða 28
MENNÁRSINS
viljum efla hann enn frekar. Við viljum taka þátt í þeim sóknar-
tækifærum sem skapast erlendis sem og hagræðingu í rekstri
innanlands," segir Björgólfur Thor.
Varkárir í Okkar Starf i Þeir verða orðvarir þegar þeir eru spurðir
út í hugsanlegar sameiningar Landsbankans við aðra banka eða
íjármálastofnanir, hvort heldur innanlands eða utan. Björgólfur
Guðmundsson bendir á að í Jjölmiðlum hafi komið fram að
Landsbankinn sé að leita sér að tækifærum til að auka umsvif
Heritable-bankans. Hann bætir við að engilsaxneska markaðs-
svæðið sé mjög áhugavert. Þegar tenging bankans við Rússland
ber á góma segir Björgólfur Thor það ekkert fáránlegt en þó sé
það ekki á kortinu í dag. Þetta sé spurning um tækifæri. Þeir séu
alltaf á höttunum eftir tækifærum og það sé aldrei að vita
hvernig þróunin verði ef tækifæri skapast. „Við erum frekar
varkárir og það kemur fram í því sem við höfum gert. Við höfum
sótt inn á óhefðbundin svæði á óhefðbundinn hátt,“ segir hann.
Hvað framtíðarsýn almennt á íslenskum bankamarkaði
varðar vitnar Björgólfur Thor í mat greiningardeilda bankanna,
umsögn bankamanna og Fjármálaeftirlitsins þess efnis að
bönkum og fjármálastofnunum á Islandi muni líklega fækka.
„Við erum í sjálfu sér ekkert ósammála því. Við fylgjumst vel
með tilhneigingu og þróun mála,“ segir hann.
Þeir hafa samið við erlendar fjármálastofnanir um ijármögnun
ýmissa verkefna og þeir hafa sest að samningaborðinu með full-
trúum eins af stærstu framleiðslufyrirtækjum í heimi. Eftir tíu ára
starfsemi erlendis hljóta þremenningarnir að hafa öðlast góða
reynslu í samningatækni og samningaviðræðum. Þegar þeir eru
inntir eftir hver sé helsti munurinn á samningaviðræðum við ríki
og erlendar fjármálastofnanir verða viðbrögðin hressileg. Iiðið
er á viðtalið og Björgólfur Thor stendur upp og gengur um gólf.
Eftir smá umhugsun segja þeir að munurinn sé stór. „Að semja
við ríki er alltaf lengra og erfiðara því að ríki hegðar sér öðruvísi
en kaupsýslufólk,“ segir hann. „Sumir hafa atvinnu af því að vera
í kaupsýslu eða bankastarfsemi, kaupa og selja og semja um það.
Aðrir hafa atvinnu af þvi að vera í pólitík,“ bætir Magnús við og
Björgólfur Thor tekur orðið: „Það kann ekki góðri lukku að stýra
þegar pólitík blandast inn í kaupsýslu.“
I samningaviðræðum telja þeir miklu skipta að fara varlega og
skoða hlutina ofan í kjölinn áður en hafist er handa. Réttsýni segja
þeir að skipti máli og einnig það að vera samkvæmur sjálfum sér.
„Þetta er bara eins og allt í lífinu. Maður þarf að setja sig vel inn í
hlutina og gæta þess að reisa sér ekki hurðarás um öxl. Reyna að
sjá til lands,“ segir Björgólfur Guðmundsson og sonur hans bætir
við að sennilega skipti þolinmæði mestu máli. Báðir samnings-
aðilar verði að vera sæmilega ánægðir ef samningar eigi að takast.
Þremenningarnir hafa verið kallaðir ýmsum nöfnum sem
hópur, Samsonhópurinn er það nýjasta og stundum Björgólfs-
feðgar þó að rætt sé um viðskipti sem Magnús er með í. Eru þeir
hópur eða eru þeir kannski bara einstaklingar sem halda hver
sína leið í viðskiptum næstu missera? Þeir segjast vera bæði og
- þeir séu hópur þegar þeir vinni saman í verkefnum, annars
vinni hver að sínu. Þeir eru ánægðir í núverandi félagsskap, telja
hann þægilegan og góðan og hafa ekkert endilega hug á að leita
út fyrir hann. Hvað framtíðina varðar þá hafa þeir þá sameigin-
legu stefnu að vera í fáum verkefnum og sinna þeim vel. 33
Avis fyrirtækjaverð. Hafðu fjármálastjórann þinn ánægðan.
Kynntu þér tilboð Avis á bílaleigubílum innanlands og erlendis.
Hringdu í Avis sími 5914000
AV/S
Við gerum betur
Knarrarvogur 2 - 104 Reykjavík - www.avis.is
28