Frjáls verslun - 01.11.2002, Síða 18
Forsíðugrein Menn ársins
Eftir Guðrúnu Helgu Sigurðardóttur Myndir: Geir Ólafsson
Björgólfur Thor Björgólfsson, Björgólfur Guðmundsson og
Magnús Þorsteinsson eru menn ársins 2002 í atvinnulífinu,
að mati Fijálsrar verslunar.
Þeir vöktu heimsathygli strax í upphafi ársins og hefur
rekstur þeirra og ljárfestingar verið í sviðsljósinu af og til síðan. í
byijun febrúar sl. skrifuðu þeir undir einhvern stærsta samning
sem íslenskir athafnamenn hafa skrifað undir þegar þeir seldu
bjórverksmiðjuna Bravo International í Pétursborg í Rússlandi til
Heineken á 400 milljónir Bandaríkjadala eða um 40 milljarða
króna á þávirði.
Björgólfur Thor og Björgólfur Guðmundsson hafa á örfáum
árum gert Pharmaco að stóru alþjóðlegu lytjafyrirtæki og öðru
verðmætasta fyrirtækinu í Kauphöll Islands. Markaðsvirði þess
er nú um 44 milljarðar króna.
Þá hleyptu Björgólfur Thor, Björgólfur Guðmundsson og
Magnús Þorsteinsson nýju lifi í umræðurnar um sölu ríkisbank-
anna í sumar þegar Samson eignarhaldsfélag bauðst til að kaupa
annan hvorn eða báða ríkisbankana. I kjölfarið hófust samninga-
viðræður um kaup á Landsbanka Islands og í október var skrifað
undir samkomulag um kaup Samsons á 45,8 prósenta hlut fyrir
12,3 milljarða króna.
Til viðbótar má bæta við að Magnús Þorsteinsson keypti
ásamt hópi fjárfesta 50,5 prósenta hlut í flugfélaginu Atlanta og
Björgólfur Guðmundsson eignaðist 68 prósent í útgáfufélaginu
Eddu í vor. Þetta hefur þvi verið ár þremenninganna Björgólfs
Thors Björgólfssonar, Björgólfs Guðmundssonar og Magnúsar
Þorsteinssonar svo að um munar! B3
Fjárfestarnir Björgólfur Thor Björgólfsson, Björgólfur
Guðmundsson og Magnús Þorsteinsson í Samson.
Björgólfur Guðmundsson hefur haft ísland sem sinn
heimavöll meðan Magnús og Björgólfur Thor hafa unnið
úti í heimi, aflað þar sambanda og séð út tækifæri.
. 4 -
eir störfuðu allir í drykkjarvörudeild Pharmaco, fyrirtækj-
unum Gosan og Viking Brugg, fyrir 10-11 árum. Björgólfur
Guðmundsson, sem á langan feril að baki í viðskiptum og
þá ekki síst drykkjarvöruframleiðslu, var þá forstjóri Gosan og
Viking Brugg, Magnús var framkvæmdasljóri Viking Brugg
fyrir norðan og BjörgólfurThor Björgólfsson kom árið 1991 heim
úr námi erlendis og gerðist markaðsstjóri
hjá fyrirtækinu í nokkra mánuði.
Það fór strax vel á með þeim enda slá þeir
á létta strengi og líkja sér sem hóp við hljóm-
sveitirnar Ríó tríó eða Þijú á palli. Allir höfðu
þeir unnið erlendis, dvalið þar langdvölum
og haft af því ágæta reynslu. Þeir vissu strax
hvað þeir vildu og hvert þeir vildu stetha og
hafa unnið markvisst að þvi, algjörlega
ósmeykir við að fara utan og takast á við ný
verkefni og framandi aðstæður. „Við
höfðum fengið nasaþefinn af þvi að starfa
erlendis og sáum að það hentaði okkur
best,“ segir Björgólfur Thor Björgólfsson.
Þeir fengu snemma áhuga á útrás. ,Á fyrsta fundinum eftir
að við Maggi hittumst barst talið að því hvernig hægt væri að
stækka fyrirtækið og þá kom strax fram að við yrðum að fara
til útlanda þvi að ekki væri hægt að vaxa það hratt á íslandi.
Síðan má segja að það hafi verið stefnan,“ segir Björgólfur
Thor. Þeir fóru fljótlega að leita að vörutegundum sem gætu
gengið á erlendum markaði og voru þá
aðallega að velta því fyrir sér að reyna að
selja íslenskan bjór erlendis. Ekki reyndist
það hagkvæmt. Þá var það að þeim gafst
tækifæri til að fylgja framleiðsluvélum,
tækjum og búnaði Gosan út til Rússlands
og þar með skapaðist færi á að flytja út
þekkingu og reynslu. „Við skoðuðum alla
möguleika sem gætu nýst til að heíja útrás.
Markaðurinn hér er og verður á næstu
árum innan við 300 þúsund manns og því
er vöxtur takmarkaður," segir Björgólfur
Guðmundsson.
Sameign Björgólfs Thors Björgólfs-
sonar, Björgólfs Guðmundssonar og
Magnúsar Þorsteinssonar:
- 33% í Pharmaco hf.
100% í Samson eignarhaldsfélag ehf.
- 51% f Bravo Premium
Séreign Magnúsar Þorsteinssonar:
- 50,5% í Flugfélaginu Atlanta hf.
Séreign Björgólfs Guðmundssonar:
- G8% í Eddu - útgáfu hf.
18