Frjáls verslun - 01.03.2003, Page 36

Með sameiningu Kaupþings banka
og Búnaðarbanka verður til stærsti
banki íslandssögunnar. Hann verður
10. stærsti banki á Norðurlöndum,
með eigið fé upp á um 33,5 millj-
arða króna.
Eflir Jon G. Hauksson Myndir: Geir Ólafsson
Dansinn dunar í bankaheiminum. Eftir að Kauþing færði sig
óvænt yfir á stefnumótalínuna og bauð Búnaðarbank-
anum upp í dans hinn 25. mars sl. hafa viðræður um sam-
einingu bankanna gengið vel. Allt stefnir í sögulegt brúðkaup,
það er búið að kaupa hrísgijónin.
Með sameiningu þessara tveggja banka verður til stærsti
banki Islandssögunnar og sá 10. stærsti á Norðurlöndum, með
eigið fé upp á 33,5 milljarða króna. Það kemur til af því að búið
er að sameina svo marga stóra banka á Norðurlöndum á undan-
förnum árum. Stærð hins sameinaða banka verður þó aðeins 5%
af stærð Nordea, stærsta banka á Norðurlöndum. Hann verður
verðmætasta fyrirtækið í Kauphöll Islands. Samanlagt verð-
mæti beggja bankanna er núna 65,3 miHjarðar króna. Kaupþing
banki er skráður í Kauphöllinni í Stokkhólmi.
Rætt er um að Kaupþing banki muni fá þyngri vigt í samein-
ingunni. Verðmæti hans í Kauphöll Islands er 37,5 milljarðar, en
Búnaðarbankans 27,8 milljarðar þegar þetta er skrifað, föstu-
daginn 11. apríl. Eigið fé Kaupþings er 18,3 milljarðar, en Bún-
aðarbankans 15,2 milljarðar. Ut frá þessum tölum gæti skipta-
hlutfallið legið á bilinu 52 til 56%, Kaupþingi í vil. Þetta ræðst
einnig af þvi hvor bankanna er „ástfangnari“ í tilhugalífinu.
Samkeppnisráð Það skal áréttað að þegar þetta er skrifað
enyin fyrirstaða? er enn stórt EF um sameininguna. En svo
vel hafa viðræður gengið að fátt er talið koma í veg fyrir hana.
Mat manna er að samkeppnisráð verði heldur engin fyrir-
staða. Öfugt við það sem gæti orðið við samruna Islands-
banka og Landsbanka sem rætt er um að séu með fiðring
turtildúfna þessa dagana.
Kaupþing og
EF...
SAMEINAÐUR BANKI
STÆRÐ:
Stærsti banki íslandssögunnar. Tíundi stærsti bankinn á
Norðurlöndum. Stærð hans 5% af stærð Nordea, stærsta
banka Norðurlanda.
UPPRUNINN:
Kaupþing stofnað árið 1982. Búnaðarbankinn árið 1930.
HAGNAÐUR síðasta árs: 5,4 milljarðar.
Kaupþing banki 3,1 milljarður. Búnaðarbanki 2,3 milljarðar.
(Eftir skatta).
EIGIÐ FÉ: 33,5 milljarðar.
Kaupþing banki 18,3 milljarðar. Búnaðarbanki 15,2 milljarðar.
MARKAÐSVERÐMÆTI: 65,3 milljarðar.
Kaupþing banki 37,5 milljarðar. Búnaðarbankinn 27,8 milljarðar.
(11. apríl).
STARFSMENN: 1.310
Kaupþing með 560 starfsmenn. Búnaðarbankinn með 750.
(Gera má ráð fyrir nokkrum uppsögnum í kjölfar sameiningar.)
ÚTIBÚ:
Kaupþing banki með starfsemi í 9 löndum. Búnaðarbankinn er
með 36 afgreiðslustaði víða um land og dótturfélag í Lúxem-
borg, eins og Kaupþing banki.
RÖK FYRIR SAMEININGU:
Stór banki, stærri viðskiptavinir, sparnaður í fjármagnskostn-
aði, sterkt útibúanet, enn meiri framsækni og vöxtur erlendis.
ÁLITAMÁL í VIÐRÆÐUM:
Er minni áhætta að lána en kaupa hlutabréf? Kaupþing á
hlutabréf í öðrum fyrirtækjum að andvirði 21 milljarð króna.
FRAMTÍÐARTEKJUR:
Ætla verður að Búnaðarbankinn sé með „öruggari áskrift að
tekjum" í gegnum rótgróið útlánanet sitt.
Viðræðuslit Kaupþings og Búnaðarbanka kæmu öllum á
óvart. Hugsanlegt er að dæmið verði klárað fyrir páska, að menn
landi málinu fyrir þann tíma. Takist það telst það býsna mikið
afrek. Það mun styðja þá kenningu Fijálsrar verslunar, sem
gagnrýnd hefur verið harðlega, að Kaupþing banki hafi komið
snemma tíl sögunnar við kaup S-hópsins á 45,8% hlutnum í Bún-
aðarbankanum og jafnvel stýrt atburðarásinni; að „ástin“ hafi
blossað upp fyrr en látið hefúr verið í veðri vaka. Nái menn
saman er næsta skref áreiðanleikakönnun og síðan þurfa hlut-
hafafundir beggja banka að samþykkja gjörninginn. Allt tekur
þetta sinn tíma. Ætia má að það verði þó aðeins formsatriði.
Rökin fyrir sainrunanum eru þau að til verði ofurafl í
íslenskum bankaheimi, stórbanki sem geti sinnt mörgum af
flllt stefnir í sögulegt brúðkaup, það er búið að kaupa hrísgrjónin. Það kæmi
36