Frjáls verslun - 01.03.2003, Page 51

VIDTflL HILDUR NJflRDVÍK
nýjum fulltrúum. Mín skoðun er sú að það sé eðlilegt að stofn-
fjáreigendur velji sína fulltrúa sjátfir. Mér skilst að fram að
þessu hafi stjórnin yfirleitt verið sjálfkjörin enda virðist ekki
hafa verið mikill áhugi á mótframboði. Þátttaka á aðalfundum
hafi ekki verið mikil og það hafi ríkt hálfgerð deyfð og áhuga-
leysi. Það er takmarkað hversu mikið stofnfé hver og einn má
eiga svo að hver eigandi hefur lítið vægi. En á aðalfundinum
gerðu stjórnljáreigendur sér grein fyrir því að það felst heil-
mikið vald í því að kjósa í stjórn og mér fannst frábært að þeir
skyldu nýta sér það. Eg held að stofnijáreigendur geri sér
grein fyrir því að kosning til stjórnar er þeirra tækifæri til að
gæta hagsmuna sinna. Það komu margir á fundinn til að nýta
sér réttinn til að kjósa í stjórn og mér skilst að mjög mörg
umboð hafi verið veitt,“ segir Hildur.
í sátt otj samlyndi Hildur segir að þau Pétur og varamenn
þeirra muni nú vinna að þeim markmiðum og loforðum sem
þau hafi gefið stofnijáreigendum. „Það er fyrst og fremst að
leita allra leiða til að gera þeim stofnijáreigendum, sem það
kjósa, kleift að selja stofnfé sitt á sanngjörnu markaðsverði.
Það er ekki sjálfgefið að þeir vilji allir selja stofnfé sitt en
okkur finnst eðlilegt að leita leiða fyrir þá sem það vilja,“ segir
hún og telur niðurstöðuna í stjórnarkosningunni vera skýra
vísbendingu til stjórnar um það hver vilji stofnijáreigenda sé.
Hún býst við að stjórnin öll taki þátt í þeirri vinnu.
Ný stjdrn mun fyrst og fremst leita allra
leiða til að gera þeim stofnfjáreigendum
sem það kjósa kleift að selja stofnfé sitt á
sanngjörnu markaðsverði. Hildur telur niður-
stöðuna í stjórnarkosningunni vera skýra
vísbendingu um það hver vilji stofnfjáreig-
enda sé og býst við að stjórnin öll taki þátt
í þeirri vinnu.
- Hefur sá darraðardans, sem átti sér stað í sumar, ein-
hver áhrif á starfsandann í stjórninni?
„Eg á ekki von á öðru en að við getum öll unnið saman í sátt
og samlyndi. Eg held að stjórnarmenn horfi fram á við og
starfi saman með hagsmuni stofnijáreigenda og sparisjóðsins
að leiðarljósi," svarar hún.
Margir urðu hissa þegar fréttir bárust um að nýju samtökin
hefðu náð tveimur fulltrúum í stjórn og Hildur viðurkennir að
það hafi líka komið sér á óvart. „Við höfðum alltaf á stefnu-
skránni að koma Pétri inn og helst fleiri fulltrúum en við
vissum ekki hveiju við máttum eiga von á. Við höfðum sam-
band við stofnijáreigendur og þeir höfðu greinilega margir
kynnt sér þetta og voru búnir að mynda sér ákveðna skoðun
en það var erfitt að draga ályktun af þessum samtölum um það
hvernig okkur myndi ganga. Við reiknuðum með að ná
kannski tveimur fulltrúum í stjórn en vorum alls ekki viss um
að það myndi ganga eftir. Við gerðum okkur ekki grein fyrir
að fylgið yrði jafn mikið og raun bar vitni, nálega 48% atkvæða,
en aðeins 536 atkvæði vantaði til að við næðum meirihluta."
Búin að (ara hring Af framansögðu er ljóst að Hildur er
hressileg ung kona sem ætlar að vinna að brautargengi stofn-
fjáreigenda næsta árið. En hverra manna er hún? Hún er
dóttir Njarðar P. Njarðvík, prófessors og rithöfundar, og eigin-
konu hans, Beru Þórisdóttur menntaskólakennara, miðju-
barnið í þriggja systkina hópi.
Hildur er lögfræðingur að mennt og starfar nú sem yfir-
maður sektadeildar lögreglunnar í Reykjavík. Þetta er 22
manna deild sem sér um fullnustu og innheimtu á fésektum
og sakarkostnaði. Þó að lögfræðin nýtist henni ágætlega í
starfi þá eru verkefnin í dag fyrst og fremst stjórnunarlegs
eðlis. Hildur var áður starfsmaður á nefndasviði Alþingis í tvö
ár og þar áður starfaði hún í eitt ár á varnarmálaskrifstofu
utanríkisráðuneytisins. Það er þó óhætt að segja að hún
þekkir vel til hjá lögreglunni í Reykjavík því að hún hafði starf-
að þar í nokkra mánuði áður en hún lauk háskólanámi og vann
eftir það í tæp sex ár á ákærusviði. Það má því kannski segja
að hún sé nú búin að fara í hring og sé komin heim aftur.
„Eg hef öðlast góða reynslu gegnum tíðina. Það er ríkt í
mér að vilja takast á við krefjandi verkefni og kynnast nýju
fólki," segir hún. ffl