Frjáls verslun - 01.11.2004, Side 63

ÁGÚSTA JOHNSON, FRAMKVÆMDASTJÚRI HREYFINGAR:
Vítamínssprauta fyrir okkur
Það er margt sem kemur upp í hugann þegar
ég lít til ársins sem er að líða, en ef ég á að
nefna eitt atriði er það heimsókn ráðgjafa frá
Bandaríkjunum sem sérhæfir sig í rekstri heilsu-
ræktarstöðva. Hann er einn sá fremsti í heiminum
á sínu sviði og var hér hjá okkur í byijun ársins við
að fara yfir og slípa alla verkferla í fyrirtækinu með
það að markmiði að bæta enn frekar þjónustuna
við viðskiptavini Hreyfingar og ná fram því allra
besta í starfsfólki okkar. Heimsókn hans var alger
vitaminssprauta og skapaði mikla og jákvæða
stemmningu í fyrirtækinu.
Ég hef góða tilfinningu fyrir komandi ári.
Líkamsræktariðkun er vaxandi á Islandi og tæki-
færin mörg. I Hreyfingu starfar stór hópur heilsu-
ræktarráðgjafa og einkaþjálfara sem hefur mikla
reynslu og þekkingu. Við leggjum höfuðáherslu á
persónulegt og hlýlegt viðmót þar sem fólki getur
liðið vel. Ég held að fyrir þetta sé Hreyfing hvað
þekktust og okkar föstu viðskiptavinir vilja hvergi
annars staðar æfa. Við erum því afar bjartsýn á
gengi Hreyfingar á næsta ári.
Hvað varðar likamsræktun almennt þá er
stöðug aukning milli ára enda held ég að fólk
sé almennt að átta sig betur á mikilvægi þess
að hreyfa sig reglulega og borða skynsam-
legar. Það er gott því offituvandinn hér á
landi og almennt í hinurn vestræna heimi
hefur aldrei verið stærri. Aukinn skilningur
fólks á þessum vanda og viljinn til að bæta
lífsgæði sín gerir það að verkum að vöxtur
greinarinnar mun halda áfram.
Sjálfriermérminnisstæðastyndis-
legt tveggja vikna frí sem við fjöl-
skyldan áttum saman á Krít í
sumar. Allir ijölskyldumeðlimir
nutu sín í botn á þessum frá-
bæra stað. Sólin skein á okkur
hvem einasta dag og allt var eins
og best verður á kosið. Svo spillti
nú ekki fyrir að upplifa stemmn-
inguna í kringum EM og vera á
staðnum þegar Grikkir sigmðu óvænt
í keppninni.H3
ÁSLAUG ALFREÐSDÚTTIR, HÚTELSTJÚRI HÚTELS ÍSAFJARÐAR:
íslendingar að uppgötva Uestfirði
. að var ánægjulegt að á þessu ári vom gerðar miklar
|endurbætur á húsakynnum hótelsins. Herbergi vom
gerð upp og breytingar vom gerðar á anddyri og gesta-
móttöku í framhaldi af miklum
lagfæringum á veitingasal í
fyrra. Hótelið er því allt eins
og nýtt, með björtum og
fallegum herbergjum og
glæsilegum veitingasal og
án efa með bestu hótelum
landsins. Samhliða þessu
hefur verið unnið mikið
starf hjá ferðaþjónustu-
aðilum og ísafjarðarbæ til að
kynna svæðið fyrir fundi og
ráðstefnur. Þessi markaðs-
vinna hefúr nú þegar skilað
sér í fleiri fundum og
ráðstefnum og mikilli
ánægju fundarmanna
sem sækja okkur
heim. Islendingar
em smátt og smátt að gera sér grein fyrir þvi að það er spenn-
andi að ferðast um Vestfirði, m.a. vegna bættra vegasamgangna
á undanfömum missemm.
Ég vona að við munum sjá framhald á þessari þróun sem
lengir ferðamannatímabilið hér á svæðinu. Við tökum líka
þátt í ýmsum spennandi þróunarverkefnum á sviði ferðaþjón-
ustu sem við vonum að skili sér í auknum viðskiptum. Þar
má nefna þróun ýmiss konar óvissuferða og ferða þar sem
lögð er áhersla á þjónustu sem er öðm vísi eða sem ekki
er boðið upp á annars staðar á landinu. Nýlega kom upp á
borðið áhugavert verkefni tengt norðurljósunum sem á eftír
að þróast.
Ferðaþjónustan á eftir að eflast á nýju ári ef þróun gengis
og aðrar ytri aðstæður verða okkur hagstæðar. Við Islend-
ingar eigum því láni að fagna að landið er vinsæll áfanga-
staður og eins og unga fólkið segir er landið „hipp, cool,
trendy og töff‘ í dag hjá útlendingum.
Það gladdi okkur mjög þegar ættingjar og vinir alls staðar
að af landinu samglöddust okkur með því að koma í veislu,
þegar Ólafur maðurinn minn hélt upp á 50 ára afmæli sitt
í sumar. Ekki má gleyma ótrúlega góðu sumri hér á Vest-
fjörðum með sólskini og hlýindum.lH