Morgunn - 01.12.1969, Side 24

106
MORGUNN
ann. Hann gat engum unnt þeirrar huggunar, sem hann
sjálfur gat ekki öðlazt. Hann unni látinni móður sinni mjög
mikið, þó að það kæmi fram á þennan hátt. Það er engum
vafa undirorpið, að Houdini gerði sér mikið far um að kynna
sér hin sálrænu fyrirbrigði, enda þótt hann gerði það í því
skyni, að reyna að fá höggstað á þeim.
Þegar hann sá skýrslur um dulræn fyrirbrigði, vottfestar
af merkum vísindamönnum, hikaði hann ekki við að full-
yrða, að þetta stafaði aðeins af því, að þeir væru ekki eins
skarpskyggnir og hann að sjá í gegnum sviksemina. —
Skyggnimiðla og talmiðla taldi hann vera svikara, reyndi
sífellt að koma upp svikum og var ekki ávallt vandur að
meðulum í að hagræða staðreyndum sér í vil“.
Þegar Houdini andaðist árið 1926 hafði hann látið eftir sig
boðskap, sem víða var birtur á prenti, og var hann þess efnis,
að ef nokkuð væri til í þeirri fullyrðingu, að menn lifðu eftir
dauðann, þá ætlaði hann að koma skilaboðum til konu sinn-
ar á dulmáli, sem enginn nema hún gæti ráðið.
Nú liðu tvö ár. Ofsóknirnar gegn starfi Mr. Ford tóku ekki
enda, þó að Houdini hyrfi af sjónarsviðinu. Þar voru aðrir
efasemdarmenn tilbúnir til að bera vopnin.
Þann 8. febrúar 1928 hélt hann miðilsfund fyrir nokkra
vini sína. Á þessum fundi sagði Fletcher (sem var stjómandi
miðilsins), að þar væri kona, sem hann kannaðist ekki við,
en þyrfti að koma skilaboðum. Fletcher kvað þetta vera
móður Houdini og virtist hann hafa mikinn áhuga fyrir
henni og því, sem hún var að segja.
Það var skrifað niður jafnóðum og var á þessa leið:
,,Um mörg ár beið sonur minn eftir ákveðnu orði, sem ég
átti að senda honum að handan. Hann sagði oft, að ef hann
fengi þetta eina orð frá mér, skyldi hann trúa. Ástæður eru
þannig í fjölskyldu okkar, að mér er mikil nauðsyn á að
koma þessu orði á framfæri, áður en honum tekst að koma
til konu sinnar þeim dulmálsboðum, sem þau höfðu komið
sér saman um. Ef f jölskyldan breytir samkvæmt þessu orði
mínu, þá mun hann verða frjáls og geta komið í gegn boðum