Morgunn - 01.12.1969, Qupperneq 66

146
MORGUNN
Frásögn þessa greinda og merka manns, sem sjálfur var
vottur að atburðunum og skráði þá samtímis og þeir gerð-
ust, og studd er af vottorðum margra þeirra, sem viðstaddir
voru, er undrin gerðust, er án efa ein sú öruggasta og áreið-
anlegasta frásögn, sem til er um fyrirbæri þessarar tegund-
ar, bæði hér á landi og þótt víðar væri leitað.
Enn er eftir að minnast á þá te.gund fyrirbæra, þar sem
augljóst virðist, að hugur eða sál lifandi manna hefur áhrif
á hreyfingar efniskenndra hluta. Sem dæmi þessa tek ég
rannsóknir hins heimskunna vísindamanns dr. J. B. Rhine
prófessors við Duke-háskólann í Bandaríkjunum. Með ná-
kvæmum tilraunum um margra ára skeið hefur honum tek-
izt að færa óvéfengjanlegar sönnur á það, að hugarorka
manna getur að verulegu leyti ráðið hreyfingum áþreifan-
legra hluta. Við þessar tiiraunir hefur hann einkum notað
teninga, merkta tölunum 1—6 á hverjum fleti. Þessa ten-
inga setur hann inn í sérstakt hjól, sem snýst fyrir rafmagni
og varpar teningunum frá sér af fullkomnu handahófi.
Stundum hefur hann aðeins einn tening í hjólinu í senn,
stundum marga.
Ef allt er með felldu, á niðurstaðan af slíkum tilraunum,
ef endurteknar eru mörg hundruð sinnum að vera sú, að
hver tala á teningaflötunum komi svo að segja nákvæmlega
jafn oft upp. Þar er um einfaldan líkingareikning að ræða,
enda sýnir reynslan, að svo verður.
Hins vegar kemur skýrt í ljós í þessum tilraunum, að til
eru þeir menn, sem eru þeim hæfileikum gæddir, að þeir
virðast geta ráðið því að allmiklu leyti, hvaða tölur koma
upp á teningunum, ef þeir eru nærstaddir og leggja sig fram
til þess. Er þessi munur svo auðsær, að ekki verður um villzt.
Það mundi verða of langt mál, að birta hér sundurliðaðar
og tölulegar skýrslur um niðurstöður þessara tilrauna, sem
skipta tugum þúsunda. En í þessu sambandi er rétt að geta
þess, að í Ijós hefur komið, að þeir, sem sterkust áhrif hafa
á teningana og hvaða tölur komi upp, þegar þeim er kastað,