Morgunn - 01.12.1969, Qupperneq 69

MORGUNN
149
inn er ósennilegt, að áður en þeir atburðir gerðust, hafi ver-
ið fyrir hendi trú á það, að huldufólk byggi í klettunum við
tjörnina og stundaði þar silungsveiði. Svipuð dæmi eru til í
islenzkri þjóðtrú. Hafi húsfreyju því verið það mjög and-
stætt, er drengir hennar tóku að hef ja þennan leik, að velta
grjóti í tjörnina, og að draumar hennar um álfkonuna hafi
átt rót sína að rekja til þeirrar trúar. Hafi síðan orðið djúp-
stæður ágreiningur á milli hjónanna um það, hvort bóndi
skyldi banna sonum þeirra að halda áfram þessum leik. Og
vel má af sögunni ráða, að Þorvaldur bóndi hafi verið þrek-
menni, ódeigur og ekki trúaður á gamlar hindurvitnasögur
um álfa. Allt hafi þetta hjálpazt að til þess að skapa þá innri
spennu í sálarlífi húsfreyjunnar, sem varð valdandi þess, að
fyrirbærin hófust. Og víst er það, að eftir að hún flúði af
heimilinu með börnin, bar lítið eða ekki á þeim gauragangi,
er áður virtist hafa keyrt þar úr öllu hófi.
Um hina þriðju tegund hreyfifyrirbæranna, sem dr.
Rhine hefur einkum beint rannsóknum sínum að, sýnist aug-
ljóst, að þar eru það andleg öfl i sálum lifandi manna, sem
fyrirbærunum valda.
Þessi grein er fyrst og fremst skrifuð í þeim tilgangi, að
vekja athygli á þeirri staðreynd, að í sál mannsins búa þau
dularmögn, sem beinlínis geta haft áhrif á efniskennda hluti
og hreyft þá til úr einum stað í annan. Þetta brýtur í raun
og veru algerlega í bága við þau lögmál efnisheimsins, sem
hingað til hafa verið þekkt og viðurkennd. Þetta sýnir
einnig, að nútímavísindin verða að endurskoða fyrri afstöðu
sína og fullyrðingar.
Að því hníga nú með hverju ári sem líður, æ sterkari og
fyllri rök og sannanir, að sál mannsins búi yfir þeirri orku
andans, sem ekki aðeins hefur sín stöðugu áhrif á líkama
okkar hér á jörð og hans starfsemi, heldur geti einnig haft
bein áhrif á hlutina í kring um okkur. Þessar staðreyndir
opna jafnframt leið þeirri rökréttu hugsun, sem jafnframt
styðst við reynslu milljónanna bæði fyrr og síðar, að það sé
L