Morgunn - 01.12.1996, Blaðsíða 11
Guðjón Baldvinsson:
Efnið og andinn
Rœtt við Guðmund Einarsson,
verkfrœðing og fyrrverandi forseta
Sálarrannsóknafélags íslands.
Litróf mannlífsins er margvíslegt og misjafnt það sem mennirnir fást
við. Sumir líða áfram á sínum afmörkuðu brautum og fara lítt eða
ekki út fyrir þær. Aðrir, aftur á móti, koma víða við á vegferð lífsins
og láta sér fátt óviðkomandi. Snertipunktarnir hjá slíkum við líf og
persónur geta því orðið býsna margir og áslátturinn á nóturnar í sin-
fóníu lífsins, litríkur og gefandi.
Einn af þeim, sem þannig ferðast í gegnum lífið er Guðmundur Ein-
arsson, sem reyndar er sjaldan nefndur án starfsheitis síns, en hann
er vélaverkfræðingur.
Guðmundur erjýrir allnokkru orðinn vel kunnur fyrir marg\nslegfé-
lagsmálastörf sín, þó ef til vill megi segja að einna kunnastur sé
hann fyrir störf sín að málefnum spíritismans á lslandi og þarf því
tæplega að kynna hann mikið fyrir lesendum Morguns.
Hann er maður sem jafnan gengur glaðbeittur til verks, er dagfar-
sprúður og það vekur jafnan athygli manns hversu jákvæða afstöðu
hann tekur til flestra þeirra viðfangsefna sem við er að fást hverju
sinni, stórra sem smárra. Hefur hann enda stundum staðið í ströngu
og lent í eldlínunni, eins og það er kallað, og stundum verið fenginn
til þess að vera sáttasemjari í erfiðum deilumálum.
Fyrir nokkru síðan átti ég spjall við Guðmund um það helsta sem á
daga hans hefur drifið og um þátt sinn í spíritískum málum fórust
honum svo orð:
MORGUNN 9