Saga - 1954, Síða 28

22
Munkat nefna,
nær munk stefna.
Niðurbjúgt es nef
á níðingi,
þeim es Svein konung
sveik úr landi
ok Tryggvason
á tálar dró.
Þóttist Sigvaldi kenna mark sitt á vísunni og
lét fyrir þá sök drepa Stefni. Er Ari „gamli“,
sem eflaust merkir hér Ara fróða, borinn fyrir
sögn þessari.
f þætti Stefnis Þorgilssonar (fsl. sögur XI.
309) getur þess ekki, að þeir Þorvaldur og
Stefnir hafi farið saman til Jerúsalem né dauða
eða legstaðar Þorvalds, heldur þess eins, að
Stefnir hafi ekki unað í Noregi eftir ólaf kon-
ung, búizt til Rómferðar og gengið suður. Síðan
hafi hann á norðurleið komið í Danmörk og ver-
ið þar drepinn að tilhlutan Sigvalda jarls fyrir
níðvísuna um hann, sem þar er og til færð. En
eigi er þar skírskotað til Ara, og virðist þó að
því leyti sama vera heimildin og í Kristnisögu.
Sagnir Kristnisögu og þáttar Stefnis má vel
samrýma. Þeir Stefnir og Þorvaldur mega vel
hafa farið saman til Jerúsalem og þaðan til
Kænugarðs, en síðan hafi Stefnir haldið þaðan
vestur á bóginn til Rómaborgar og þaðan norð-
ur í Danmörk. Virðist svo sem Ari fróði hafi
heyrt sagnir um ferðir þeirra og afdrif. Til
sönnunar um afdrif Þorvalds hefur Ari til fært
vísu Brands ins víðförla og til sönnunar um af-
drif Stefnis níðvísu hans um Sigvalda jarl, sem
þó sannar ekkert um suðurgöngu Stefnis, held-
ur það eitt, að hann hafi til Danmerkur komið
og verið þar ráðinn af dögum af Sigvalda jarli
fyrir níðið. Sagnir þessar eru sennilega orðnar
um 70 ára gamlar, þegar Ari heyrir þær — hann