SunnudagsMogginn - 16.05.2010, Blaðsíða 10
10 16. maí 2010
É
g held ég verði að skipa mér á bekk með þeim sem
finnst að handtökur á fyrrverandi Kaupþings-
forkólfum í síðustu og þessari viku séu sorglegar.
Afar sorglegar og það er síður en svo ástæða til þess
að kætast yfir því að menn hafi verið handteknir eða úr-
skurðaðir í gæsluvarðhald.
Ég held að þeir sem fagna þessum handtökum ógurlega og
dansa stríðsdans af fögnuði og spara ekki yfirlýsingarnar um
þá sem nú eru um stundarsakir á bak við rimla ættu að ganga
hægt um gleðinnar dyr og
minnast þess að Þórðar-
gleði getur orðið að hinni
verstu ógleði.
Uppruni orðsins Þórðar-
gleði er sagður vera úr
Ævisögu Árna prófasts
Þórarinssonar sem Þór-
bergur Þórðarson skráði.
Séra Árni bjó til þetta orð
út frá því að Þórður vinnu-
maður hans gladdist alltaf
þegar rigndi í þurra töðuna
á túninu hjá Þórði á Rauð-
kollsstöðum.
Að gleðjast yfir óförum
annarra er ekki fagur vitn-
isburður um þann sem
gleðst, eða hvað? Hitt er
svo annað mál, að það get-
ur vel verið að margir fyll-
ist ákveðinni trú og trausti á því, að einhvers konar réttlæti
muni sigra, fyrst handtökur á helstu forkólfum eins bankans
eru hafnar. Sú dæmalausa framkoma sem Sigurður Ein-
arsson, fyrrverandi stjórnarformaður Kaupþings, hefur sýnt
með því að neita að mæta til yfirheyrslu hjá sérstökum sak-
sóknara, nema hann hafi fyrir því tryggingu að verða ekki
handtekinn við komuna til landsins, er sorglegur vitnis-
burður um hroka hans og skort á jarðsambandi. Áttar hann
sig ekki á því, að sá tími er liðinn, að hann setji skilyrði?
Ýmsir hafa haft á orði við mig, að þeir hafi beðið svo lengi
eftir skýrslu rannsóknarnefndar Alþingis, að þeir hafi verið
búnir að missa trúna á því að eitthvað bitastætt kæmi fram í
skýrslunni, þegar hún loksins kom fram. Þeir hinir sömu
segjast vera ánægðir yfir því, að þeir fordómar hafi reynst
rangir í öllum megindráttum.
Sama á kannski við um störf sérstaks saksóknara. Menn
hafa lengi beðið þess að eitthvað gerðist; beðið þess að ein-
hverjir yrðu handteknir; beðið þess að eigur fyrrverandi út-
rásarvíkinga væru frystar; beðið þess að gefnar væru út
ákærur á hendur þeim sem mesta ábyrgð bera á því hruni
sem hér varð fyrir rétt rúmum tuttugu mánuðum.
Hvort sem menn telja að þeir hafi eygt einhverja von til
þess að einhverju réttlæti verði hér fullnægt eða ekki mega
menn ekki missa sjónar á þeirri staðreynd, að menn þeir sem
hafa tímabundið verið hnepptir í gæsluvarðhald eða hand-
teknir eru einstaklingar, sem ekki hefur verið gefin út ákæra
á, enn sem komið er. Sérstakur saksóknari telur sig vissulega
hafa rökstuddan grun um refsiverða háttsemi fyrrverandi
stjórnenda og starfsmanna Kaupþings og Hæstiréttur hefur
fallist á það með sérstökum saksóknara, að fram sé kominn
rökstuddur grunur um háttsemi sem fangelsisrefsing er lögð
við og því var gæsluvarðhaldsúrskurðurinn yfir hinum hand-
teknu staðfestur í Hæstarétti.
En það breytir engu um það, að engar ákærur hafa enn
verið gefnar út; mennirnir eru grunaðir um refsivert athæfi,
en það á eftir að ákæra þá og það á eftir að dæma í málum
þeirra. Þar til það hefur verið gert eru mennirnir saklausir,
eða hvað?
Nú verða yfirdómarar hæstaréttar götunnar að sýna sömu
biðlund og aðrir og leyfa íslensku réttarfari að hafa sinn gang.
Svo megum við ekki heldur gleyma því að þeir menn sem nú
hafa úr háum söðli fallið eiga fjölskyldur, þeir eiga konur og
börn, þeir eiga foreldra og systkin. Aðgát skal höfð í nærveru
sálar, ekki satt?
Þórðargleði
vekur ógleði
Agnes segir
Agnes Bragadóttir
agnes@mbl.is
Sigurður og Hreiðar Már.
’
Nú verða yfir-
dómarar
hæstaréttar
götunnar að sýna
sömu biðlund og aðr-
ir og leyfa íslensku
réttarfari að hafa
sinn gang.Guðmundur Birgisson er toll-
vörður hjá embætti tollstjóra í
Klettagörðum. Hann sinnir al-
mennri tollgæslu á höfuðborg-
arsvæðinu, allt frá Reykjavík-
urflugvelli til Hafnarfjarðar-
hafnar. Hér er dagur í lífi hans.
7:00 Ég vaknaði og fékk
mér Cheerios í morgunmat.
Hélt svo af stað í vinnuna niðri
í Klettagörðum.
8:00 Mættur í vinnuna.
Byrjaði á að fara yfir verkefni
dagsins og skipuleggja daginn.
9:00 Við varðstjórarnir
hittumst á fundi þar sem þurfti
að leysa nokkur mál og einnig
ganga frá varningi sem lagt
hafði verið hald á kvöldið áð-
ur. Eitt af mínum verkefnum
er að hafa umsjón með
geymslunni þar sem varningur
er geymdur.
10:00 Næsta á dagskrá var
svo árlegt starfsmannasamtal
þar sem ég og yfirmaður minn,
Guðni Sigmundsson, hittumst
og ræddum saman um hin ýmsu
mál.
13:00 Eftir að hafa spjallað
saman á hátt á þriðja tíma fórum
við og fengum okkur hádeg-
isverð. Fórum á BK kjúkling á
Grensásvegi og gripum með
okkur kjúlla.
14:00 Fór ég á hefðbundið
eftirlit um hafnarsvæðin í
Reykjavík.
15:00 Ákvað að eyða nokkr-
um tíma í að lesa og svara tölvu-
póstum og gera leiðréttingar á
tímafærslum hjá tollvörðunum á
skipavaktinni.
16:15 Var svo aftur farið á
eftirlit með hafnarsvæðunum í
Reykjavík og nágrenni þeirra.
Kom við á leiðinni og greip með
mér eina samloku.
18:00 Fór ég í afgreiðslu á
Reykjavíkurflugvelli á flugvél
Flugfélags Íslands sem var að
koma með farþega frá Kulusuk á
Grænlandi.
19:00 Hitti næturvaktina og
fór yfir verkefni kvöldsins og
næturinnar með henni.
19:30 Lauk ég loks vinnu og
fór beina leið í fótbolta með
Knattspyrnufélaginu Létti. Við
vorum að spila fyrsta leik sum-
arsins, á móti Gróttu frá Sel-
tjarnarnesi í old boys boltanum.
Hefði getað gengið betur...
22:00 Kominn heim til mín
og farinn að horfa á sjónvarpið
fyrir svefninn. Var svo þreyttur
eftir leikinn að ég sofnaði fljót-
lega.
Dagur í lífi Guðmundar Birgissonar tollvarðar
Fótboltinn tekur sinn toll. Guðmundur var svo þreyttur eftir leikinn að hann sofnaði fljótlega upp úr 22:00.
Morgunblaðið/Golli
Fundir og fótbolti
Maður með
grímumynd af
spænska rann-
sóknardómaranum
Baltasar Garzón
mótmælir brott-
vikningu hans í
Madrid á meðan
rannsókn fer fram
á því hvort dóm-
arinn hafi misnot-
að vald sitt með
því að hefja rann-
sókn á morðum
sem framin voru á
valdatíma einræð-
isherrans Franc-
iscos Francos. Á
skiltinu stendur
„Virðing fyrir
fórnarlömbunum“.
Grímuklædd mótmæli
Miklar deilur geisa á Spáni milli þeirra sem vilja ekki ýfa upp gömul sár og hinna sem
krefjast réttlætis fyrir fórnarlömb einræðisins eins og þessi mótmælandi.
Reuters