SunnudagsMogginn - 16.05.2010, Blaðsíða 15
16. maí 2010 15
Gunnlaugur Egilsson og Ívar Örn Sverrisson eru tveir dansaranna í sýningunni.
Hvernig finnst þeim að vera stjórnað harðri hendi af hópi kvenna? „Er þetta ekki
framtíðin?“ spyr Gunnlaugur og hlær. „Þetta er hressandi,“ segir Ívar Örn, „allir list-
rænir stjórnendur í þessum bransa eru konur og við erum eins og skylmingaþrælar
þeirra og gerum bara eins og okkur er sagt. Það er gaman að sjá hvernig þær gleyma
sér stundum og verða eins og karlar á hliðarlínunni.“
Spurðir hvort þeir séu sammála sýn höfundanna á karlmenn segist Gunnlaugur oft
vera ósammála þeim til að vera ósammála. „Ég er meira „já erum við svona?““ segir
Ívar Örn.
Þeir segja að ýmislegt væri öðruvísi ef kynjahlutverkum höfunda og dansara í sýn-
ingunni væri snúið við. „Ef við værum ungar stúlkur og þær karlmenn þá væri ým-
islegt sem ekki væri hægt að gera, það væri bara rangt,“ segir Gunnlaugur. „Ef þetta
væri hópur miðaldra karlmanna að leikstýra ungum konum og fara inn á kynlíf og
nekt myndi það aldrei ganga.“
„En það er hægt að ráðskast ágætlega með okkur, samanber rassadansinn okk-
ar,“ segir Ívar Örn. „En það má víst ekki gefa meira upp um það strax,“ segir hann og
þeir glotta báðir.
Ágætt að ráðskast með okkur
unni.“ Þannig á verkið nokkuð vel við
íslenskan raunveruleika í dag.
En er þessi drambsemi sérstakur eig-
inleiki karla? „Karlmenn hafa verið
leiðandi í stjórnun heimsins,“ svarar
Ástrós, „Það eru fyrst og fremst þeir
sem byggja sér minnisvarða og tefla um
völdin.“ Lára bætir við að þótt þetta
virki djúpar pælingar þá svífi húmorinn
þó alltaf einhvers staðar yfir vötnum í
verkinu. „Þótt undirtónninn sé alvar-
legur er alltaf stutt í fjörið,“ tekur Ást-
rós undir, „svo bjarga gyðjurnar í lok-
in.“ Eru konur þá lausnin á
vandamálum karla? „Nei,“ svara þær
allar einum rómi og ákveðið. „Konur
eru oft á bak við tjöldin og etja körl-
unum saman.“
Karldansarar hjálpa sköpuninni
Hjálpar það sköpunarferlinu hjá þeim
að vinna með svo mörgum karl-
mönnum, frumheimild verksins? „Við
notum strákana og spjöllum mikið við
þá,“ segir Ástrós. „Við könnum hvað
þeir hugsa um ýmislegt í fari karlmanna
sem við höfum velt fyrir okkur.“ Lára
segir að það hafi líka verið margt sem
strákarnir hafi uppgötvað í ferlinu um
hvernig konur hugsa. „Kona þarf alltaf
að tala um sama hlutinn aftur og aftur í
sambandi þótt karlinn nenni því ekki.
Það er talað um í sálfræðinni að konur
hugsi í hringi og ef til vill stafar það af
tíðahringnum, þær hugsa lengur um
hlutina,“ segir Lára. Ástrós bætir við að
þær þurfi lengri tíma til að mynda sér
skoðanir og taka ákvarðanir.
En eru þær alveg sammála um allt í
verkinu? „Nei, alls ekki. Við skegg-
ræðum hlutina og erum ekkert sammála
alltaf. Oft ræðst það svo af því hvað
hentar sviðinu, hvað „lúkkar“, það er
svo margt sem kemur inn í eina sýn-
ingu,“ segir Ástrós.
Ekki að gera grín að körlum
Þar sem í Systrum var kafað ofan í hvað
það er að vera kona þá reyna Bræður að
gera hið sama við karlmenn. Verkin
eiga því ýmsilegt sameiginlegt. „Þetta
er allt séð frá sjónarhóli kvenna,“ segir
Ástrós. „Í Systrum vorum við konur að
gera verk um konur en í þessu verki er
þetta okkar sjónarhorn á karla. Við
leggjum áherslu á að finna gamansömu
hliðina á þeim. Þeir hafa eins margar
hliðar og þeir eru margir en það er samt
eitthvað sem sameinar þá meira en
kynfærin. Það er þó engin niðurstaða í
hvorugu verkinu, aðeins hinar ýmsu
myndir á hlutina.“ Lára segir að áhorf-
endur hafi túlkað Systur á mjög mis-
munandi hátt, hið sama verði örugglega
upp á teningnum í þetta skiptið líka.
Ástrós vill þó alls ekki tengja verkið
femínismaumræðunni. „Þetta er ekki
feminísk pæling um veikleika og erf-
iðleika karlmanna. Ég hef það á tilfinn-
ingunni að sumir haldi það því við er-
um bara konur sem stjórnum. Við erum
ekki að taka karlmenn niður eða gera
grín að þeim. Við erum bara aðeins að
leika okkur með þá,“ segir Ástrós.
Bræður verða frumsýndir hinn 27.
maí á stóra sviði Þjóðleikhússins sem
hluti af Listahátíð í Reykjavík.
Sjaldan hafa verið eins margir karldansarar í einni danssýningu á Íslandi. Auk íslensku dansaranna eru nokkrir erlendir dansarar, Finninn
Jorma Uotinen, hinn breski Brian Gerke og brasilíski dansarinn Vinicius. Auk strákanna dansa þær Lára og Ástrós sjálfar í verkinu.
’
Við erum
ekki að
taka
karlmenn nið-
ur eða gera
grín að þeim.
Við erum bara
aðeins að leika
okkur með þá.
Ljósmynd/Vera Pálsdóttir
5.000 umslög
UMHVERFISVOTTUÐ
PRENTSMIÐJA
Oddi – umhverfisvottuð prentsmiðja. Höfðabakka 7, 110 Reykjavík, sími 515 5000, www.oddi.is