SunnudagsMogginn - 12.09.2010, Blaðsíða 9

12. september 2010 9
Þ
jóðardagur Íslands á
heimssýningunni í
Sjanghæ verður hald-
inn hátíðlegur í dag,
laugardag, og verður forseti Ís-
lands viðstaddur, en hann er í
opinberri heimsókn í Kína.
Fjórar sýningar voru opnaðar í
Norræna húsinu í Sjanghæ í gær
til heiðurs Íslandi. Þar er sýnd
fatahönnun Steinunnar Sigurð-
ardóttur, myndlist og vídeóverk
Guðrúnar Kristjánsdóttur,
hönnun sem áður var sýnd á
Kjarvalsstöðum og ljós-
myndasýning Ragnars Axels-
sonar af jökulís.
„Þessar sýningar eru unnar í
samstarfi við Expo-verkefnið og
við vinnum með þessum lista-
mönnum að uppsetningu þeirra
með það að markmiði að efla
menningartengsl Íslands og
Kína,“ segir Unnur Birna Vil-
hjálmsdóttir, sem er viðburða-
og kynningarstjóri Íslands á
heimssýningunni.
Mikil aðsókn
Yfirskrift íslenska sýningarskál-
ans er „Hrein orka – heilbrigt líf-
erni“ og er ætlað að endurspegla
náið samband Íslendinga við
náttúruöflin, en skálinn er um
500 fm að stærð. Nærmyndir af
jökulís eru prentaðar á striga og
hengdar upp í skálanum og eru
baklýstar að kvöldlagi. Mynd-
irnar eru úr myndaröð Ragnars
Axelssonar af ís úr Jökulsárlóni
og þekja ytra byrði skálans.
Hitastigið í skálanum hefur verið
kælt niður og ilmur af íslenskum
fjallagrösum fyllir loftið.
Unnur segir íslenska skálann
hafa fengið frábærar viðtökur frá
fyrsta degi. „Það hefur verið
stöðugur straumur fólks. Um 10-
12 þúsund gestir fara í gegnum
skálann daglega og þeim hefur
ekkert fækkað þrátt fyrir mikinn
hita hér í sumar.“
Áhugi fjölmiðla
Eldgos braust út í Eyjafjallajökli
rétt fyrir opnun heimssýning-
arinnar. „Fjölmiðlar ytra sýndu
Íslandi mikla athygli í tengslum
við gosið,“ segir Unnur. „Við
svöruðum spurningum um gosið
og efnahagshrunið en reyndum
að snúa umræðunni Íslandi í hag
með því að draga fram áhuga-
verðar staðreyndir um landið
okkar og menningu. Umfjöllunin
var okkur í raun hliðholl og við
nýttum hana til góðs.“
Dvölin ytra hefur að hennar
sögn verið lærdómsrík og
ánægjuleg. Hún er jafnvel farin
að spreyta sig á tungumáli
heimamanna, mandarín. „Ég er
aðeins farin að bjarga mér í
tungumálinu enda eru ekki nærri
allir hér enskumælandi.“
Og hún hlakkar til að hitta
fjölskyldu sína á Íslandi eftir hálfs
árs fjarveru. „Það væri hægt að
búa hvar sem er í veröldinni svo
lengi sem maður gæti tekið fjöl-
skylduna með,“ segir hún að
lokum og býr sig undir vænt-
anlega heimför í næstu viku.
Mikið um dýrð-
ir í Sjanghæ
Þjóðardagur Íslands verður haldinn
hátíðlegur á heimssýningunni í
Sjanghæ í dag, laugardag.
Ingunn Eyþórsdóttir
Unnur Birna Vilhjálmsdóttir er kynningarstjóri Íslands í Sjanghæ.
Heimssýningin í Sjanghæ er sú
stærsta og umfangsmesta sem
haldin hefur verið með þátttöku
197 þjóða.
Sýningin stendur yfir frá 1. maí
til 1. nóvember 2010.
Sýningarsvæðið þekur 5,28 fer-
kílómetra.
Búist er við að 70 milljónir
manna heimsæki sýninguna, eða
um 380.000 gestir á dag.
Næsta heimssýning mun fara
fram í ítölsku iðnaðarborginni Míl-
anó árið 2015.
Stærsta heims-
sýningin til þessa
EXPO: 2010
www.bluelagoon.is
a
n
to
n
&
b
e
rg
u
r
2 fyrir 1
í Bláa Lónið
Gildir gegn framvísun
miðans til 20. september 2010
Gildir ekki með öðrum tilboðum
Lykill 1561
VETRARKORT
Vetrarkortin veita ótakmarkaðan aðgang fram til 1. júní 2011
og 2 fyrir 1 í júní, júlí og ágúst
Í september verða vetrarkort Bláa Lónsins á sérstöku tilboðsverði
Einstaklingskort kosta 8.500 krónur (fullt verð 10.000 krónur)
og fjölskyldukort 13.000 krónur (fullt verð 15.000 krónur)
Frítt fyrir börn 13 ára og yngri í fylgd með forráðamönnum
Vetrarkortin eru fáanleg í Bláa Lóninu,
Hreyfingu og í verslun Bláa Lónsins að Laugavegi 15