SunnudagsMogginn - 12.09.2010, Side 42

42 12. september 2010
Þ
ú heldur ekki góðum manni niðri“,
segir máltækið, leikarinn, fram-
leiðandinn, handritshöfundurinn
og leikstjórinn Ben Affleck er gott
dæmi um þá staðreynd. Affleck, sem er að
nálgast fertugt, hefur átt litríkan feril í kvik-
myndaheiminum. Byrjaði eins og svo marg-
ur í sjónvarpsauglýsingum þaðan sem leiðin
lá í smáhlutverk á skjánum. Það kom fljót-
lega í ljós að hér var metnaðarfullur náungi á
ferðinni, eða eftir að hann lék í tveimur
myndum eftir Kevin Smith; Mallrats og hinni
óborganlegu Chasing Amy, þar sem hann
sýndi og sannaði hversu skynsamur og fær
leikari hann er. Affleck flutti frá Kaliforníu til
Massachusetts og kynntist þá fljótlega öðrum
Boston-búa, sínum góða vini og félaga, Matt
Damon. Leið þeirra lá saman til Hollywood
þar sem það lá ljóst fyrir eftir nokkrar með-
almyndir að þeir yrðu hreinlega að semja
handrit, og það bitastætt, til að fá fram-
bærileg hlutverk.
Ævintýrin gerast enn, því ekki stóð á
handritinu, aukinheldur reyndust þeir stór-
snjallir pennar og útkoman varð Good Will
Hunting. Myndin sópaði til sín gestum, lofi
og loks fékk hún tæpar 10 óskarstilnefningar
og verðlaunin sjálf runnu til þeirra félaga
fyrir handritið.
Nú hófust dýrðardagar en næstu vikur
munu skera úr um hvort Affleck hefur aftur
hitt naglann á höfuðið því hann hefur lokið
við nýja mynd, The Town, þá fyrstu sem
hann skrifar, leikur í, leikstýrir og fram-
leiðir. Hans veigamesta verk frá hinni 13 ára
gömlu Good Will Hunting. Affleck er að
frumsýna myndina sína þessa dagana á kvik-
myndahátíðinni í Feneyjum sem nú stendur
yfir og síðan í Toronto í næstu viku. Mun
leikarinn og kvikmyndagerðarmaðurinn
sjálfur verða viðstaddur og sitja fyrir svör-
um, það liggur í augum uppi að gengi The
Town hefur geysilega þýðingu fyrir Affleck,
bæði hvað snertir aðsókn og dóma. Gengi
hans hefur farið fallandi undanfarin ár og
mislukkað ástasamband hans við Jennifer
Lopez varð ekki til að bæta ímyndina. Að
kvikmyndahátíðunum loknum fer þessi
metnaðarfulla mynd um rán og mannlegar
tilfinningar í dreifingu vestra hinn 17. sept-
ember (hér heima í október).
Fyrir fáeinum dögum bauðst undirrit-
uðum að sjá The Town (nafnið er dregið af
úthverfi í Boston) og hreifst af. Affleck er
bjartsýnn sökum þess góða orðspors sem fer
af myndinni, sem er mikilvægasta verk Af-
flecks í mörg ár og álitið hafa alla burði til að
lyfta nafni hans aftur hátt á loft og sanka að
sér áhorfendum í leiðinni. Ekki veitir af, eftir
að hafa tekið þátt í kassastykkjum á borð við
Armageddon og óháðum vinsælum gang-
myndum líkt og Jay and Silent Bob Strike
Back tóku við mögur ár hortitta þar sem Gigli
og Surviving Christmas skröpuðu botninn.
Síðan leikstýrði hann Casey bróður sínum
með undragóðum árangri í Gone Baby Gone,
sem minnti á þau stóru loforð sem Good Will
Hunting gaf undir lok 20. aldarinnar.
„Það er erfitt að sverja af sér mynd þegar
maður hefur skrifað, leikstýrt og leikið í
henni,“ sagði Affleck fyrir skömmu þegar
hann var að kynna The Town líkt og tilraun
til að finna sinn stað upp á nýtt, en kvik-
myndaiðnaðurinn hefur ekki vitað upp á síð-
kastið hvar ætti nákvæmlega að staðsetja
hann.
Á kvikyndahátíðinni í Toronto verður The
Town ein af u.þ.b. 10 myndum sem kunnir
leikarar leikstýra. Þar verður m.a. Robert
Redford með The Conspirator; Clint Eastwo-
od með Hereafter; Philip Seymour Hoffman
með Jack Goes Boating og Tony Goldwyn
kemur með Conviction. Hreint ekki sem
verstur félagsskapur.
Affleck frétti fyrst af áhuga Warner Bros á
að fá hann til að leikstýra The Town eftir að
Gone Baby Gone (’07) var frumsýnd við góð-
an róm gagnrýnenda, ekki síst fyrir leik-
stjórn Afflecks og handrit. Þetta var ódýr,
óháð mynd frá Miramax sem tók inn um 20
milljónir dala sem taldist mjög ásættanlegt.
The Town er byggð á skáldsögunni Prince
of Thieves eftir Chuck Hogan, sem fjallar um
glæpi, ástir og fjölskyldumál í Charlestown-
hvefinu í Boston. Það hefur verið vettvangur
óvenjumikils fjölda bankarána og brynvar-
inna peningaflutningabíla. Affleck mun hafa
haft allan vara á því að taka að sér verkefnið
því annar leikstjóri, Bretinn Adrian Lyne,
hafði gefist upp á því skömmu áður. Eins
vildi hann ekki láta bendla sig of mikið við
þetta verkamannahverfi í Boston, hverfi sem
kemur mikið við sögu í Good Will Hunting
og Gone Baby Gone. Warner studdi lengi vel
hugmyndir Lynes, sem voru langdregnari
með sjónarhornið límt við ástarsöguna, og
svo fór að lokum að Affleck var fært verkið
upp í hendurnar.
Sögur herma að með tímanum hafi The
Town orðið gæluverkefni hjá Warner og tveir
af æðstu mönnum þess, Jeff Robinov og Alan
F. Horn, hafi fljótlega séð hæfileika í Affleck
sem minntu þá blessunarlega á æðstu goð-
sögn fyrirtækisins, Clint Eastwood.
Warner-menn halda því blákalt fram að
Boston sé kjörumhverfi Afflecks og honum
álíka mikils virði og New York er Martin
Scorsese, en þess má til gamans geta að
framleiðandi myndarinnar er Graham King,
sem m.a. fjármagnaði The Departed eftir
Scorsese (sem gerist reyndar í Boston).
The Town kostaði „litlar“ 40 milljónir dala
og það hefur sannarlega rofað til á ferli leik-
ara sem hefur verið bæði vanmetinn og
óheppinn að undanförnu.
Ben Affleck í essinu sínu á rauða dreglinum í Feneyjum í vikunni.
Reuters
Ben Affleck aftur á siglingu
Ef einhver heldur að Af-
fleck sé búinn á því þá er
það mikill misskilningur,
nýja myndin hans, The
Town, er með því besta
sem hann hefur gert.
Sæbjörn Valdimarsson saebjorn@heimsnet.is
Leikstjóri: Clint Eastwood. Aðalleikarar: Clint Eastwood,
George Kennedy, Jack Cassidy. 123 mín.
Áhorfandinn þarf ekki að sitja lengi yfir þessari vinsælu
mynd Eastwoods til að hnjóta um áberandi ellimörk.
Myndin er nefnilega gerð á þeim tíma meðan það þótti
svalt að í dæmigerðum „karlamyndum“, brygði fyrir dá-
litlum skammti af kvenfyrirlitningu, kynþáttahatri og
hommafóbíu. Enda þessi orð illskiljanleg, vart hægt að
segja að þau væru til fyrir 35 árum. Alla vega viktuðu þau
létt í spennumyndabransanum. The Eiger Sanction er á
hinn bóginn mikilfengleg mynd enn þann dag í dag og
prýðileg afþreying þegar ekki er verið að hnjóta um fyrr-
nefnd hugtök. Hún er byggð á Mannaveiðum, einni af
metsölubókum hins dularfulla Trevanians, sem enginn
vissi hver var fyrr en komið var framá 21. öldina. Þá kom í
ljós að þessi bráðsnjalli spennusagnahöfundur var, af öllum
mönnum, prófessor við listaháskóla (rétt eins og að-
alsöguhetjan í Mannaveiðum, dr. Jonathan Hemlock).
Aukastarf Hemlocks var hins vegar mun varasamara en
skriftir Trevanians, því á bak við tjöldin er hann atvinnu-
morðingi á vegum hins opinbera. Myndin hefst á því að yf-
irmenn hans í leyniþjónustunni gera honum tilboð sem
erfitt er að hafna, ef hann útrýmir tveim njósnurum. Hem-
lock er ekki við eina fjölina felldur, er auk fyrrgreindra
starfa listaverkasafnari, kvennamaður og fjallgöngugarp-
ur, sem kemur sér vel því hann á að fletta ofan af svikurum
í hinni hrikalegu Norðurhlið (The North Face), Eigerfjalls-
ins. Tökurnar eru hrífandi ósviknar og svimandi, ekki síst í
upphafi er Hemlock æfir sig við klifur á hinum fræga
drang, The Deviĺs Finger, í Monument Valley. Cassidy (sem
lést langt fyrir aldur fram), lífgar upp á spennuna sem lit-
ríkur hommi og skítseiði og Kennedy á hér einn sinn besta
leik. Það þarf vart að taka fram að kvenþjóðinni bregður
helst fyrir á nærbrókinni. Einkum fyrir spennufíkla, fjall-
göngumenn og Eastwood-aðdáendur.
saebjorn@heimsnet.is
Kvikmyndaklassík – The Eiger Sanction – Mannaveiðar (1975) bbb
Nauðvörn í Norðurhlíð
Clint Eastwood og George Kennedy í The Eiger Sanction.
Laugardagur 11. sept. 2010
kl. 22.30.
Leikstjóri er Oliver Stone. Aðal-
leikendur: Nicolas Cage, Maria
Bello, Michael Peña og Jay Hern-
andez. Bandarísk. 2006.
Flestir muna hvar þeir voru
staddir á þeim hörmulega degi
þegar múslimskir hryðjuverka-
mann unnu ódæðisverkin á bygg-
ingum í Bandaríkjunum. Í dag eru
níu ár liðin frá svívirðunni. Stone
er kunnur fyrir létt ofsóknaræði í
myndum sínum og ádeilur á
stjórnmálamenn og oftast ósátt-
ur. Að þessu sinni fer hann ekki
með neinu offorsi heldur dregur
fram mannlegu hliðina á voða-
verkinu, sýnir það frá sjónarhóli
tveggja slökkviliðsmanna (Cage
og Hernandez) og fjölskyldna
þeirra. Slökkviliðsmennirnir hefja
daginn eins og hvern annan í Tví-
buraturnunum, en öllum að óvör-
um er árásin gerð og þeir sitja
fastir undir brakinu úr turnunum
eftir árásina og bíða björgunar.
Mögnuð lýsing á níðingsverkinu
og leikstjórinn er óvenju yfirveg-
aður með áhugavert sjónarhorn á
atburðarásina. Nýtur góðra
tæknimanna og leikara í aðal-
hlutverkunum.
saebjorn@heimsnet.is
Mynd helgarinnar
í sjónvarpinu
Tvíburaturn-
arnir (World
Trade Center)
Reuters
Kvikmyndir