SunnudagsMogginn - 12.09.2010, Side 12

12 12. september 2010
Miðvikudagur
Rúnar Freyr Gíslason
glímir við breska
hreiminn. Úff. Styttist
í frumsýningu á Faust
í London.
Fimmtudagur
Elísabet Kristín Jök-
ulsdóttir Ég fór að sjá
Íslandsklukkuna, og
sagði írskum vini mín-
um að hún væri um
mann sem stæði í réttarhöldum allt
sitt líf fyrir glæp sem hann hefði ver-
ið of fullur til að muna hvort hann
hefði drýgt eða ekki. Þessi írski vinur
minn ætlaði aldrei að geta hætt að
hlæja og sagði svo: Hljómar einsog
það hefði gerst á Írlandi.
Föstudagur
Ingibjörg Elfa Bjarnadóttir Fékk boð
um að sitja Þjóðfund um stjórn-
arskrá Íslands.
Þórlaug Ágústsdóttir Orð dagsins
er: Sjálfviti. Íslenskun á nafnorðinu
’besserwisser’: manneskja sem
þykist alltaf vita best. Nýyrði í stíl við
hálfviti, fáviti og óviti. (stolið og sjálf-
vitabætt frá AxAx)
Ingibjörg Sigurjónsdóttir dreymdi í
nótt að það væri haldið nostalgíu-
ball á Casablanca og allir reyktu inni
í tilefni dagsins. Mér fannst frekar
fáir á ballinu.
Fésbók
vikunnar flett
M
erkilegt er það að númer á
vegi sé, a.m.k. í huga
sumra, stærsta mál okkar
Austfirðinga þessi misserin.
Mikið er nú gott að við eigum ekki stærri
vandamál til þess að takast á við í dag.
Gott ef satt væri.
Að loknu því sem kallað hefur verið
mesta uppgangstímabil Austurlands
stöndum við því miður enn frammi fyrir
byggðum í varnarbaráttu. Jaðarbyggðir
Austurlands eiga enn undir högg að sækja
og nýjasta dæmið er frá Stöðvarfirði.
Á dögunum héldu Stöðfirðingar fund,
þar sem þeir voru að vekja máls á þeirri
samfélagslegu eyðileggingu sem er í gangi
í þorpinu á Stöðvarfirði með lokun banka
og póstafgreiðslu. Á þeim fundi var aðal-
tillaga fulltrúa Fjarðabyggðar til íbúa sinna
á Stöðvarfirði nauðsyn þess að færa núm-
erið á þjóðvegi 1 til. Sú tillaga í stöðunni er
með svo miklum ólíkindum að í huga
kemur læknir sem fær til sín sjúkling með
hálsbólgu og til þess að gera eitthvað
ákveður hann að skella röri í eyrað á hon-
um.
Ekki er alveg ljóst hvað menn telja sig fá
með því að færa veganúmerið 1 niður á
þjóðveginn með fjörðum. Betri þjónustu!
Varla! Ekki er hún svo glæsileg á þeim
kafla sem færa á númerið frá. Fleiri ferða-
menn. Vel má vera, en ljóst er þó af um-
ferð víða um landið að númerið á þjóðvegi
ræður greinilega ekki öllu um fjölda ferða-
manna á hverju svæði.
Nefnt hefur verið að þetta sé öryggis-
atriði, þar sem þjóðvegur 1 með fjörðum
verði þá allur á láglendi. Einmitt! Byrjar þá
væntanlega, og endar á Reyðarfirði. Hér er
rétt að hafa í huga að Breiðdalsheiði er ör-
stuttur fjallvegur og þekkt er að veð-
urskilyrði þar eru allt önnur en á Fagradal.
Nú er svo að verða komið að eini kaflinn
á þjóðvegi 1 sem eftir á að leggja bundið
slitlag er á umræddum kafla. Því eru það
mikil vonbrigði að stærsta sveitarfélagið á
Austurlandi, sveitarfélag sem hvað mest-
an stuðning hefur fengið á liðnum árum,
skuli þá einmitt setja það í forgang að færa
þjóðveganúmerið 1 þaðan. Ljóst er að við
þann gerning yrðu enn minni líkur á að
framangreindur kafli verði nokkurn tím-
an kláraður. Falleg hugsun gagnvart ná-
grönnum sínum.
Segjum sem svo að yfirvöld vegamála
færu nú að leggja hlustir við raddir núm-
eraflutningsmanna, þá er spurning hvar
eigi að stinga sér niður næst. Um mán-
aðamótin verða Héðinsfjarðargöng tekin í
notkun. Þjóðveganúmerið 1 hlýtur því að
flytjast yfir á Tröllaskaga. Aðrar leiðir
koma svo í kjölfarið, enda einungis rétt-
lætismál ef menn byrja á annað borð,
Vopnafjörður, Borgarfjörður eystri, Seyð-
isfjörður, Suðurstrandavegur, Snæfells-
nes, Vestfirðir…
MÓTI
Páll Baldursson
sveitarstjóri
Breiðdalshrepps
U
mræðan um þjóðveg 1 um
firði og Fagradal hefur und-
anfarnar vikur verið mikið í
umræðunni hér á Austur-
landi. Borið hefur á þeim misskilningi
að blanda saman tveimur óskyldum
hlutum, þjóðvegi 1 um firði og Fagradal
hins vegar og Axarvegi annars vegar.
Allar nýframkvæmdir á vegum
Vegagerðar ríkisins miðast við það að
koma umferð af fjallvegum á láglendi.
Fyrir því eru bæði öryggis- og hagræð-
ingarrök. Öryggi vegfarenda er helstu
rök fyrir færslu þjóðvegarins um firði.
Það liggur í augum uppi að það er mun
öruggara að keyra malbikaðan þjóðveg
á láglendi, í nágrenni við þétt-
býliskjarna, heldur en að beina um-
ferðinni um ómalbikaðan fjallveg á
köflum í 480 m hæð. Í sparnaðarskyni
hefur Vegagerðin ákveðið að halda
Breiðdalsheiðinni, þjóðvegi 1, ekki op-
inni yfir vetrartímann heldur hefur
beint umferðinni um firði. Flutnings-
aðilar á landi hafa nú þegar valið – öll
umferð flutningabíla fer um firði og
Fagradal.
Fyrir sveitarstjórnarmenn í Fjarða-
byggð er færsla þjóðvegarins einnig
mikið hagsmunamál. Stöðvarfjörður,
einn af byggðakjörnum Fjarðabyggðar,
hefur átt undir högg að sækja. Nú á
dögunum tilkynnti Landsbankinn lok-
un á útibúi og Íslandspóstur hefur
skert þjónustu sína til muna. Fjarða-
byggð hefur sett sér það markmið að
reyna að aðstoða einstaklinga og fyr-
irtæki á Stöðvarfirði í uppbyggingu á
þjónustu við vegfarendur og ferða-
menn. Einn liður í því er að þjóðvegur
1 liggi um firði og þá í framhaldinu
muni umferð í gegnum Stöðvarfjörð
aukast. Ég trúi ekki öðru en að ná-
grannar Stöðfirðinga, þ.e. Breiðdæl-
ingar og íbúar Djúpavogs, hafi skilning
á þessum aðstæðum og séu tilbúnir að
leggja lóð á vogarskálarnar fyrir til-
færslu þjóðvegarins með íbúum Fjarða-
byggðar.
Sá misskilningur hefur líka verið í
gangi að sveitarstjórnarmenn í Fjarða-
byggð séu að berjast gegn vegi um Öxi.
Það er rétt að við höfum ekki séð rökin
fyrir því að þjóðveg 1 ætti að flytja yfir
á Öxi í 530 m hæð – en hins vegar höf-
um við fullan skilning á því að Öxi er
mikilvæg tenging milli Djúpavogs og
Fljótsdalshéraðs. Þess vegna er mik-
ilvægt að sveitarstjórnarmenn á Aust-
urlandi snúi bökum saman í sameig-
inlegri hagsmunabaráttu fyrir bættum
samgöngubótum á öllu Austurlandi.
Betri og öflugri samgöngur í fjórð-
ungnum styrkja alla byggðakjarna og
eru hvetjandi til enn frekari samvinnu
og samstarfs sveitarfélaga á milli.
MEÐ
Jens G.
Helgason
formaður bæj-
arráðs Fjarða-
byggðar
Á að færa vegnúmerið 1 af veginum yfir
Breiðdalsheiði yfir á veginn með fjörðum?
’
Flutningsaðilar á
landi hafa nú þegar
valið – öll umferð
flutningabíla fer um firði og
Fagradal ’
Því miður er það ekki
alveg ljóst hvað menn
telja sig fá með því að
færa veganúmerið 1 niður á
þjóðveginn með fjörðum