SunnudagsMogginn - 12.09.2010, Side 40

40 12. september 2010
E
spresso og mjólkurdrykkir
gerðir með espresso hafa verið
samnefnari þess sem fellur í
flokkinn gott kaffi hin síðustu
ár. Gamaldags uppáhelling hefur þótt
vera einmitt það, gamaldags, og hefur
ekki átt upp á kaffipallborðið, ekki síst
hjá yngri kynslóðinni. Á þessu er að
verða breyting en kaffi sem hellt er upp á
einn bolla í einu, svokölluð kaffihelling er
að koma sterkt inn.
Breytt viðhorf til uppáhellingar
„Þessi uppáhellti kaffibolli með gömlu
aðferðinni er að koma aftur,“ segir Stella
Marta Jónsdóttir, framkvæmdastjóri
Kaffitárs. „Við erum að innleiða þetta á
seðilinn okkar. Nú þegar er hægt að fá
kaffihellingu á Kaffitári við Höfðatorg en
hún kemur á hin kaffihúsin með haust-
inu,“ segir hún.
„Espresso er búið að vera ríkjandi í
kaffiheiminum um nokkurt skeið. Við
höfum samt alltaf lagt áherslu á uppáhellt
kaffi hjá okkur en það hefur ekki þótt
eins smart því það er enginn kaffibar-
þjónn sem stendur á bak við það. Kaffi-
barþjónn hellir núna upp á kaffihellingu
bara fyrir þig. Hann spáir í hvaða kaffi-
tegund hann vill bjóða þér. Hvort þú vilj-
ir kaffi, sem er sýrnishátt eins og til
dæmis frá Afríku, kaffi frá Indónesíu sem
er með þungum jarðtónum eða viltu fá
létt og skemmtilegt Kólumbíukaffi? Við-
skiptavinurinn getur valið kaffibragðið,“
segir Stella og segir þessar hugleiðingar
minna frekar á það sem fram fer í vín-
smökkun því það er „spáð og spekúlerað
í fyllingu og bragð“ og útskýrir nánar
hvernig kaffihelling hefur breytt viðhorfi
til uppáhellingar.
„Með þessu er búið að setja uppáhellt
kaffi á hærri stall því núna er bara verið
að hella upp á einn bolla í einu. Kaffið er
Héðinn Eiríksson, kaffibarþjónn Kaffitárs, að störfum í Höfðatorgi. Einkenni hverrar kaffitegundar fyrir sig koma svo vel í ljós þegar hellt er uppá með þessari aðferð.
Morgunblaðið/Árni Sæberg
Handverks-
hefð í hellingu
Kaffitár notar vörur frá japanska vörumerkinu Hario.
Nýuppáhellt kaffihelling.
Morgunblaðið/Árni Sæberg
Úrvalskaffiheimurinn fer stækkandi, espresso
víkur fyrir nýrri tegund af uppáhellingu þar sem
aðeins er hellt upp á einn bolla í einu eftir kúnst-
arinnar reglum.
Inga Rún Sigurðardóttir ingarun@mbl.is
Matur
Á ensku heitir uppáhellt kaffi fyrir
einn í kaffifræðunum „pour over“.
Kaffitár vildi að sjálfsögðu nota gott
og gilt íslenskt orð yfir þessa aðferð
og leitaði því til Stofnunar Árna
Magnússonar í íslenskum fræðum.
Stofnunin kom með tillögu um að
kalla þetta „hellingu eða kaffihell-
ingu. Dæmi: Hann fær sér (kaffi)
hellingu á hverjum morgni. (Ein hell-
ing, margar hellingar (myndað af
sögninni að hella), sbr. ein fylling,
margar fyllingar (af sögninni að
fylla)).“
Orðið er mjög við hæfi og á áreið-
anlega eftir að festa sig í sessi um
leið og aðferðin.
Kaffihelling