Morgunblaðið - 27.11.2010, Qupperneq 8

8 Jólablað Morgunblaðsins 2010
V
ið opnuðum Jólagarðinn
hinn 31. maí árið 1996. Þá
hófst jólaundirbúningur
ekki eins snemma og í dag
og ef við hefðum opnað í október eða
nóvember hefðum við verið sökuð
um að þjófstarta jólunum og guðlast
nefnt í því samhengi. Með því að
opna í maí hélt fólk bara að við vær-
um biluð. Okkur fannst betra að
vera álitin svolítið klikkuð en guð-
lastarar,“ segir Benedikt Grét-
arsson sem ásamt eiginkonu sinni,
Ragnheiði Hreiðarsdóttur, rekur
Jólagarðinn í útjaðri Akureyrar.
Þar er opið allan ársins hring þó svo
að vöruúrvalið einskorðist við jóla-
vörur. „Við fáum flesta gesti þegar
Íslendingarnir eru í sumarfríi, í júní,
júlí og ágúst, og þá bætast við er-
lendir ferðamenn líka. Fyrir jólin
eru það svo nærsveitamenn sem
heimsækja okkur helst á virkum
dögum en um helgar bætast við að-
komumenn sem sækja skíðasvæðin
hérna í nágrenninu. Við erum með
opið til klukkan 22 á hverju kvöldi
svo það er tilvalið að líta inn hjá
okkur eftir heilan dag í brekk-
unum,“ segir Benedikt. „Við höfum
heyrt að sumum finnist enn
skemmtilegra að heimsækja okkur á
sumrin og svo eru aðrir sem geta
ekki hugsað sér að koma nema í
desember.“ Benedikt segir enga
sérstaka jóladagskrá á döfinni í des-
ember. „Við lítum á Jólagarðinn
sem nokkurs konar vin í eyðimörk-
inni þar sem hver sem er getur
komið og notið alls þess sem hann
hefur upp á að bjóða í það og það
skiptið. Við erum ekki með viðburði
sem fólk getur misst af,“ segir
Benedikt. „Stekkjarstaur er svo
verktaki hjá okkur síðustu þrettán
dagana fyrir jól. Hann er með held-
ur óreglulegan vinnutíma en er tals-
vert hérna með okkur og aðstoðar
við afgreiðslu og annað.“
Að sofna ofan í súpuna
Jólavertíðin hjá Benedikt og
Ragnheiði stendur yfir allan ársins
hring, hvernig skyldi jólunum vera
háttað hjá fólki sem er í jólaskapi
allt árið? „Ætli jólin snúst ekki
meira um kyrrð og frið hjá okkur
þar sem við verðum þá búin að
vinna mjög mikið mánuðina á undan
og gefa af okkur 150% allan þann
tíma,“ segir Benedikt. Hann bætir
við að auglýsingar sem sýndar hafa
verið fyrir jól þar sem verslunarfólk
sést sofna ofan í súpuna á að-
fangadag megi heimfæra upp á
hann og hans fjölskyldu í ein-
hverjum tilfellum. „En það er eins
og það sé klippt á naflasteng hjá
okkur á aðfangadagsmorgun. Þá er
ekkert meira hægt að gera annað en
að halda okkar eigin jól í kyrrð og
ró.“
Benedikt viðurkennir að jólahald
fjölskyldunnar hafi breyst talsvert
síðan Jólagarðurinn kom til sög-
unnar. „Við þurfum að klára allan
okkar jólaundirbúning fyrir byrjun
nóvember. Ef við viljum baka smá-
kökur fyrir jólin þurfum við að gera
það í lok október og geyma þær í
frysti. Það gefst enginn tími fyrir
slíkt þegar jólavertíðin er skollin á,“
segir hann.
Körfur með 24 pökkum
En skyldi innkaupum í búðinni
vera ólíkt háttað á vetri og sumri?
„Fyrir jólin erum við með hangilæri
til sölu. Húskarlahangikjötið er sér-
verkað fyrir okkur og það hangir
hér uppi í búðinni svo gestir geti
smakkað. Svo er alltaf stór hópur
fólks sem kaupir læri hjá okkur fyr-
ir fyrsta dag aðventu, hengir upp
heima hjá sér og er að narta í það
fram að jólum. Þeir sem eru allra
veikastir í hangikjötið leggja þó inn
pantanir á öðrum tímum árs líka,“
segir Benedikt. „Önnur jólavara,
sem er svo bara til fyrir jólin, er að-
ventukarfan okkar. Við byrjuðum
með hana fyrir nokkrum árum, en
hver karfa inniheldur 24 pakka sem
fólk opnar hvern dag í desember
fram að jólum og þetta er hugsað
fyrir fullorðna fólkið.“ Benedikt
nefnir að meðal jólavara sem seljist
allan ársins hring séu íslensku jóla-
sveinarnir sem Sunna Björk Hreið-
arsdóttir teiknaði fyrir Jólagarðinn
árið 1998, skemmtileg íslensk hönn-
un sem er að komast á ferming-
araldurinn. „Við bjóðum einnig upp
á mikið af íslensku handverki, mér
telst til að það séu 40 til 50 aðilar
sem selja vörur sínar hjá okkur. Svo
erum við með innflutning frá einum
15 þjóðlöndum svo þetta er ansi fjöl-
breytt hjá okkur,“ segir Benedikt.
birta@mbl.is
Jólagarðurinn Jólaskraut af öllum stærðum og gerðum er í boði í Jólagarðinum og meðal annars má þar finna gullhúðaðar kartöflur. Það þarf enginn að vera svikinn af því að fá þær í skóinn.
Morgunblaðið/Skapti Hallgrímsson
Marga dreymir eflaust um að halda jól allan
ársins hring. Þau sem komast næst því eru
hjónin Benedikt Grétarsson og Ragnheiður
Hreiðarsdóttir sem reka Jólagarðinn á Akureyri.
Körfur Dagatalskörfur eiga vinsældum að fagna en þær innihalda 24 gjafir
sem opna má dag hvern fram að jólum.
Jól allt árið
Ketkrókur? Benedikt Grétarsson kroppar í hið sívinsæla hangilæri.
Skeifan 11d • 108 Reykjavík • sími 517 6460
www.belladonna.is
Flott föt
fyrir flottar konur
Stærðir 40-60
Vertu þú sjálf
vertu
BELLA DONNA