Morgunblaðið - 27.11.2010, Síða 68

Jólablað Morgunblaðsins 2010 55
V
ið Íslendingar höfum á síð-
ustu árum farið of mikið í
neyslugírinn á aðventu og
erum oft á tíðum komin í
mikla mótsögn við hlutverk jólaföst-
unnar. Orðið jólafasta segir í raun allt
sem segja þarf, sem sagt tími þar sem
við eigum að einfalda líf okkar og
leggja áherslu á samlíðun og sam-
stöðu. Aðventan er góður tími til
íhugunar og kyrrðar þar sem við ætt-
um að staldra við, skoða líf okkar og
tilveru til að fylla það af meiri raun-
verulegum lífsgæðum,“ segir Jóna
Hrönn Bolladóttir, sóknarprestur í
Vídalínskirkju í Garðabæ.
Við lútum barninu
Aðventa er annað heiti á jólaföstu.
Á þeim dögum býr fólk sig undir há-
tíðina með þeim hefðum og siðum
sem því fylgja – og jafnframt lífs-
gæðum fyrir flesta. „En svo vitum við
líka að þessi tími getur bæði verið
fólki fjárhagslega og andlega erfiður
og því þurfum við að standa saman
sem samfélag. Á þessari hátíð lútum
við því sem er heilagt, við lútum
barninu,“ segir Jóna Hrönn.
Í mörgum sóknarkirkjum á
Reykjavíkursvæðinu eru kyrrð-
arstundir í hádeginu. Til dæmis hafa
verið kyrrðarstundir í hádeginu í
Laugarneskirkju í tuttugu ár. Í
Garðasókn, þar sem sr. Jóna Hrönn
þjónar, eru í Vídalínskirkju kyrrðar-
stundir í hádeginu á þriðjudögum þar
fólk getur komið í dagsins önn og leit-
að samfélags við sjálfan sig og Guð.
Þá er boðið upp á jóga-nidra fyrir
konur sem er djúpslökun á þriðjudög-
um kl. 17:30 í Vídalínskirkju. Það er
Anna Ingólfsdóttir jógakennari sem
leiðir slökunina en Jóna Hrönn leiðir
fyrirbæn í lok stundar.
Eru í einum anda
„Það er magnað að sjá konurnar
koma sér fyrir með teppi og dýnur
um allt kirkjuskipið til þess að vera í
einum anda,“ segir Jóna Hrönn.
En það er jafnrétti í kirkjunni og
sama dag kl. 19 kemur bænahópur
karla saman í safnaðarheimili kirkj-
unni til andlegrar iðkunar. Tugir
karla og kvenna og sækja þessar
stundir á þriðjudögum í Vídalíns-
kirkju – ekki síst á aðventunni og það
eru allir velkomnir.
„Ég og fleiri konur úr Garðabæ
ætlum að ögra okkur sjálfum með því
að taka frá fyrstu helgina í desember
og fara á kyrrðardaga í Skálholti sem
bjóða upp á slíkar helgar allt árið, það
er stórkostleg reynsla að þegja heila
helgi og leggja rækt við innri mann.
Okkur er alveg óhætt að fara því
verkefnin hlaupa ekki frá okkur og
við komum bara endurnærðar og
orkumeiri til baka til að leysa allt það
sem lífið leggur okkur í fang,“ segir
Jóna Hrönn að síðustu.
sbs@mbl.is
Prestur Einföldum lífið, segir séra Jóna Hrönn Bolladóttir.
Morgunblaðið/Kristinn
Slökun Í Vídalínskirkju koma konurnar sér fyrir með teppi og dýnur og eru þar allar sem í einum anda.
Komum endurnærðar
og orkumeiri til baka
Einfalt líf og íhugun á
jólaföstunni. Bæna-
stundir og jóga í kirkjum.
Konur ætla í kyrrðina í
Skálholti á aðventunni.
Ég vildi að ég hefði lesið þessa bók
fyrir 20 árum. Ég mæli svo sannarlega
með henni. - Hlín Bolladóttir.
ÁST FYRIR LÍFIÐ
er bók um ástina og hjónabandið.
Hún er um að þora að lifa með ást í
sönnu hjónabandi. Og þessi för byrjar
með einstaklingnum sem stendur þér
næst: maka þínum.
Pétur Björgvin Þorsteinsson, djákni við
Glerárkirkju á Akureyri, þýddi.
„Ást fyrir lífið“
er ekki einungis fyrir
fólk í hjónabandi. Hún á
erindi við alla, sérstaklega
á umbrota- og uppgjörs-
tímum.
Kærleikurinn fellur aldrei úr gildi.
Finndu leiðina að hjarta maka þíns.