Vera - 01.08.2002, Page 39

1
innihald auglýsinganna því þá er markmiði okkar
náð. Spurningar eins og „Veist þú muninn á nauðg-
un og kynlífi?" fær flesta til að velta því fyrir sér
hvort þau viti það í raun og veru. Við beinurn orð-
um okkar til karlmanna enda viljum við ekki sjá
lengur boðskap sem byggist eingöngu á því að kon-
ur eigi alltaf að passa sig á öllu. Ef konur myndu
passa sig á því hvernig þær klæða sig, hvað þær
drekka mikið eða að tala ekki við fyrrverandi
kærasta sína og vini, því að þeir gætu líka nauðgað
þeim, þá þyrftu þær á endanum að hafa blæju og
gætu bara læst sig inni. Annars væru þær alltaf að
bjóða hættunni heim.
Hefur ekki einmitt verið ákveðið tabú í umræðu
um kynferðisofbeldi hér á landi að kyngera gerend-
ur nauðgana? I stað þess að tala um karlmenn hef-
ur verið talað um fólk?“
Jú. Þess vegna er fólki brugðið því það að segja
að karlmenn nauðgi bara og að strákar nauðgi bara
er mikið sjokk en samt er það bláköld staðreynd.
Strákum er reyndar einnig nauðgað en líka af karl-
mönnum eða strákum. Við erum jafnt að vinna að
forvörnum fyrir stráka og stelpur þó að athygli okk-
ar beinist að ofbeldi gagnvart konum. Þetta er við-
kvæmt mál og oft finnst fólki við gera lítið úr því að
strákum sé líka nauðgað. Um verslunarmannahelg-
ina 2001 er vitað að einum strák var nauðgað en
tuttugu stelpum. Það sýnir bara að leggja verður
meiri álierslu á þær án þess að gert sé lítið úr liinu.
Við erurn líka með karlmenn í samtökunum sem
skiptir máli því þá eru meiri líkur á að við fáum
liina í lið með okkur sem ekki eru að gera þetta.
Uppliaflega var þessi hópur að vinna við að búa til
liugtakið V-dagurinn en svo kafar maður dýpra og
dýpra ofan í þetta og getur ekki hætt. Eftir því sem
ég vinn lengur í þessu og heyri fleiri alvarlegar stað-
reyndir verð ég reiðari og ákveðnari í að gera eitt-
hvað til að breyta þessu enda er ástandið hér á landi
mjög óeðlilegt og er verslunarmannahelgin einmitt
afsprengi af því.
39