Akranes - 01.07.1957, Qupperneq 21

fundi, sem haldinn var í Saurbæ 1933,
var gerð og bókuð svofelld fundarsam-
þykkt:
„Almennur safnaðarfundur Saurbæjar-
sóknar, haldinn í Saurbæ 26. desember
!933 til þess að ræða um Hallgríms-
kirkjumálið og framtíð þess, kýs eftir-
talda menn í fjársöfnunar- og fram-
kvæmdanefxid, til þess fyrir sóknarmanna
hönd framvegis og endanlega að annast
allar framkvæmdir í málinu, byggingu
(kirkjunnar) og allt það er þar að lýtur:
Claf B. Björnsson, kirkjuráðsmann,
Snæbjöm Jónsson, bóksala,
Sigurjón Guðjónsson, prest.
Heimilt skal þessari nefnd að bæta við
sig eftir eigin vali tveimur mönnum í
Reykjavík, ef fáanlegir eru. Tillagan var
samþykkt í einu liljóði".
Þessi nýja nefnd kom fyrst saman til
fundar í Alþingishúsinu 25. janúar 1934.
Samkv. fyrgetinni fundarsamþykkt fór
nefndin þess á leit við Matthías Þórðar-
son þjóðminjavörð, og síra Knút Am-
grimsson kennara, að þeir tækju sæti í
nefndinni, og urðu þeir fúslega við þeim
tilmælum.
Orðalag samþykktarinnar í Saurbæ um
heiti nefndarinnar þótti of langt og ó-
þægilegt. Var því þegar samþykkt á þess-
um fyrsta fundi nefndarinnar, að heiti
hennar skyldi vera Landsnefnd Hall-
grímskirkju í Saurbœ.
Landsnefndin tók nú málið föstum
tökum, og reyndi á margvíslegan hátt að
vinna þvi fylgi og afla fjár því til stuðn-
ings og varð þegar mjög vel ágengt. Les-
bók Morgunblaðsins 11. febrúar 1934 var
öll helguð málefninu og minningu Hall-
grims. Hallgrímsnefndir vom skipaðar í
flestum sóknum landsins, með góðum
stuðningi flestra presta, og með fúsum
vilja þeirra — yfirleitt — sem til þessa
nefndarstarfs voru kallaðir. Hafði þetta
áreiðanlega grundvallar þýðingu fyrir
fjársöfmmina, um leið og það skapaði
samfellda þétta fylkingu flestra lands-
manna til þess að koma málinu í höfn.
— Um hendur Hallgrímsnefndanna barst
kirkjunni mikið fé. 1 þær völdust yfir-
leitt áhugasamir kirkjuvinir. Störfuðu
sumar nefndimar af miklum áhuga að
kirkjumálum sinnar eigin sóknar á veg-
um nefndarinnar, og jafnvel að mannúð-
armálum í víðari merkingu. Þannig
gekkst Hallgrímsnefnd Ólafsfjarðarsafn-
aðar fyrir byggingu minnismerkis um
dmkknaða sjómenn, og mun sú nefnd
hafa verið lifandi til skamms tíma a. m.
k. Þetta mikla, óeigingjarna starf Hall-
grímsnefndanna um land allt vil ég
þakka hjartanlega. —
Þá þegar fór Landsnefndin að hugleiða
stærð og gerð kirkjunnar, og var þegar
ákveðið á hinum fyrsta fundi, að þar
skyldi vera rúm fyrir 200 manns í sæt-
um.
-f~
Á fundi 12. marz 1934 er rætt um, að
tímabært sé að gera tilraun til að láta
gera nýjan uppdrátt að hinni fyrirhug-
uðu kirkju, þvi að ekki þótti fært að
byggja eftir uppdrætti Árna Finsens.
Nokkru síðar var samþykkt að efna til
samkeppni um uppdrætti að kirlcjunni, og
skipuð dómnefnd til að dæma þá upp-
drætti, er nefndinni kynnu að berast.
Landsnefndin hafði mikinn hug á að
þessi minningarkirkja yrði byggð á hinu
aldagamla kirkjustæði, og yfir gröf Hall-
gríms. Var þessi möguleiki því þegar
raoinsakaður ítarlega. Kom þá fljótt í
ljós, að það væri með öllu ógerlegt. Varð
þá núverandi staður fyrir valinu, og
munu menn almennt sammála um, að
staðarvalið hafi vel tekizt.
AKRANES
157