Freyr - 15.09.1978, Síða 14

nýtingar á þeirri vöru. Ennfremur talaði
hann um ullariðnað og nauðsyn þess að
halda hinum íslensku sérkennum á ullar-
vörum.
Jón Guðbjörnsson minnti á tillögu frá
síðasta aðalfundi um orlofsaðstöðu bænda
og spurðist fyrir um meðferð hennar hjá
stjórninni. Hann gagnrýndi smjörútsöluna
og það háa smjörverð, sem kom í kjölfar
hennar. Hann ræddi nokkuð skattfram-
töl bænda og síðan tillögur sjömannanefnd-
ar og sagði, að kjarnfóðurgjaldi mætti beita
sem kvótagjaldi, ef það væri tekið, og taka
þannig hærra gjald af stærri búunum.
Jón Guðmundsson fagnaði því, að konum
væri nú loks ætlað sama kaup og körlum
í verðlagsgrundvelli. Taldi hann, að niður-
greiðslur á búvörum í heild yrðu að komast
í betra form og útiloka yrði miklar verð-
sveiflur. Hann óskaði nánari skýringa á út-
reikningum einstakra atriða í kvótakerfinu
í tillögum sjömannanefndar.
Þórarinn Þorvaldsson ræddi verðlags-
málin og samþykktir Stéttarsambandsins
um þau. Síðan talaði hann um tillögur sjö-
mannanefndar sem einn af nefndarmönn-
um og svaraði nokkrum fyrirspurnum, sem
fram höfðu komið. Lagði hann áherslu á að
halda þyrfti öllu landinu í byggð og miða
aðgerðir og áætlanir við þá stefnu.
Sveinn Jónsson, annar maður úr sjö-
mannanefnd, lýsti samstöðu nefndarinnar
um úrræði í þeim vanda, sem við er að
fást, og hvatti til samstöðu um að draga úr
búvöruframleiðslunni.
Gunnar Guðbjartsson svaraði fyrirspurn-
um. Hann taldi, að aukning búvörufram-
leiðslu á búum innan 400 ærgilda ætti ekki
að valda hækkun kvótagjalds, en þar fyrir
ofan eftir ákveðnum reglum. Um starf laga-
nefndar sagði hann, að fyrir fundinum lægju
ákveðnar tillögur frá 4 búnaðarsamböndum;
Eyfirðinga, Suður-Þingeyinga, Austur-Hún-
vetninga og Snæfellinga, ennfremur frá
Hagsmunasamtökum hrossabænda. Hann
lýsti vandkvæðum á að taka upp þá reglu
að greiða rekstrarlán beint til bænda. T.d.
var á síðasta ári lán á sláturkind tæpar 900
kr., sem veitt hafði verið í 6 eða 7 jöfnum
áföngum, og setja yrði tryggingu fyrir hverj-
um áfanga og láta þinglýsa hverjum áfanga.
Á ýmsum heimilum eru allt að 10 innleggj-
endur, og yrði þá að þinglýsa 60—70 láns-
skjölum fyrir slík heimili. Þessu mundi fylgja
mikil vinna og kostnaðarauki hjá bændum.
Greiðsla útflutningsbóta beint til bænda
hefur einnig mikla framkvæmdaannmarka.
Mundi það lækka beina haustútborgun a.m.
k. niöur í 40% nema því aðeins, að afurða-
lánin hækki frá því sem nú er.
Ef frestað væri töku kjarnfóðurgjalds,
gæti það valdið aukinni samkeppni svína-
og kjúklingaframleiðenda um kjötmarkað-
inn.
2% lágmarksgjald í tillögum sjömanna-
nefndar er sett vegna þess, ef því yrði
sleppt, mundu margir bændur, sem hefðu
verulegar aukatekjur utan bús, sleppa við
gjald nema þá, að þeir væru flokkaðir með
þéttbýlisbúum með 10% gjald. Varaði hann
alvarlega við að gjaldinu yrði sleppt af
minnstu búunum, af því að það byði heim
undanbrögðum, t.d. með því að færa inn-
legg þéttbýlisbænda til smábúanna.
Rætt hefur verið við stjórnmálaflokkana
um stuðning við sölumál landbúnaðarvara
með auknum niðurgreiðslum. í því sam-
bandi er rætt um að gera verðtilfærslur á
þann veg að lækka verð t.d. á smjöri, en
hækka verð á ostum, skyri og undanrennu.
Ekki er hægt að stöðva innflutning ullar
sökum aðildar að EFTA.
Orlofsmál bænda hafa ekki hlotið fulln-
aðarafgreiðslu hjá stjórninni vegna óvissu
um, hvað gera ætti í þeim efnum.
Pökkun á slátri hefur átt sér stað á sum-
um stöðum og slíkar pakkningar verið á
boðstólum.
Gunnar benti að lokum á, að í tillögum
sjömannanefndar væri gert ráð fyrir, að
kvótaregla gildi eitt ár í senn og verði því
endurskoðuð árlega.
624
F R E Y R