Freyr - 15.09.1978, Síða 20

Enn flutti Jón Kr. Magnússon tillögu frá
lánamáianefnd um breytingu lausaskulda í
föst lán:
Aðalfundur Stéttarsambands bænda 1978 skorar á
stjórnvöld að gera nú þegar ráðstafanir til þess að
breyta lausaskuldum þeirra bænda, sem nú eiga
í mestum fjárhagserfiðleikum, í föst lán. Þörfin fyrir
þessar ráðstafanir var mikil á síðastliðnu ári, en nú
má það ekki dragast lengur. Lán þessi verða að
vera á svipuðum vaxtakjörum og lán úr Byggða-
sjóði.
Samþykkt samhljóða.
14. Tillögur allsherjarnefndar.
Fyrstu tillögu allsherjarnefndar flutti
Böðvar Pálsson, um fæðingarorlof kvenna:
Aðalfundur Stéttarsambands bænda 1978 skorar á
stjórnvöld að setja sem allra fyrst lög um fæðingar-
orlof allra kvenna í landinu.
Fundurinn felur stjórn Stéttarsambandsins að
fylgja þessu fast eftir.
Samþykkt samhljóða.
Böðvar Pálsson var einnig framsögumað-
ur að annarri tillögu frá allsherjarnefnd, um
afleysingaþjónustu:
Aðalfundur Stéttarsambands bænda 1978 skorar á
Alþingi og ríkisstjórnina að setja löggjöf um af-
leysingaþjónustu fyrir bændur og húsfreyjur í sveitum.
Samþykkt samhljóða.
Böðvar Pálsson flutti einnig tillögu alls-
herjarnefndar um ullina:
Aðalfundur Stéttarsambands bænda 1978 varar al-
varlega við því að blanda erlendri ull saman við
íslensku ullina, sem hefur sérstöðu sem gæðavara.
Heimilar fundurinn því stjórn Stéttarsambandsins
að láta gera lögverndað merki í samvinnu við Út-
flutningsmiðstöð iðnaðarins til að merkja með hrein-
ar ullarvörur.
Fundurinn mótmælir útflutningi á bandi og lopa
og skorar á stjórnvöld að stuðla að fullvinnslu ullar-
innar innanlands.
Samþykkt samhljóða.
Grímur Jónsson flutti tillögu allsherjar-
nefndar um húsnæðismál veiðifélaga og
gerði grein fyrir henni:
Aðalfundur Stéttarsambands bænda 1978 gerir sér
fyllilega Ijósa þörf Landssambands veiðifélaga fyrir
söluskrifstofu á hagfelldum stað.
Því beinir fundurinn til hússtjórnar Bændahallar-
innar, að Landssambandið haldi aðstöðu á 1. hæð
Bændahallarinnar, þó svo að til einhverrar tilfærslu
þurfi að koma.
Gunnar Guðbjartsson endurtók skýring-
ar á því, að nauðsynlegt væri að rýmka
aðstþðu Búnaðarbankans og að Landssam-
bandinu hefði verið boðið annað húsnæði
í Bændahöllinni. Óskaði hann sérstaklega,
að nefndin endurskoðaði tillöguna.
Engilbert Ingvarsson bar fram dagskrár-
tillögu á þessa leið:
Fundurinn telur það alfarið hlutverk hússtjórnar
Bændahallarinnar að ráðstafa leiguhúsnæði á fyrstu
hæð, vísar því þessari tillögu frá og tekur fyrir næsta
mál á dagskrá.
Nefndin óskaði þá eftir að fá tillöguna
til endurskoðunar, og féllst Engilbert á, að
svo yrði gert, áður en dagskrártillagan yrði
borin undir atkvæði.
Þá kom fram 5. tillaga allsherjarnefndar
um markaðskönnun. Flutningsmaður Ólafur
Eggertsson. Sveinn Tryggvason lagði til
orðalagsbreytingu og var hún tekin til
greina.
Tillagan var síðan borin undir atkvæði á
þessa leið:
Aðalfundur Stéttarsambands bænda 1978 beinir því
til stjórnar Stéttarsambandsins að leita betri sölu-
möguleika fyrir íslenskar landbúnaðarvörur erlendis.
Haldið verði áfram að leita nýrra leiða í þessu efni.
Má þar vel koma til samvinna við fleiri aðila, er
hagsmuna hafa að gæta.
Þá virðist og einsýnt, að ríkissjóður styrki slíka
markaðskönnun.
Samþykkt samhljóða.
Ólafur Eggertsson flutti einnig 6. tillögu
allsherjarnefndar, um breytingu á Fram-
leiðsluráðslögunum:
Aðalfundur Stéttarsambands bænda 1978 ítrekar til-
lögu um breytingar á Framleiðsluráðslögunum, er
samþykkt var á síðasta aðalfundi. Þar var farið fram
á beina samninga við ríkisvaldið um kaup og kjör
bændastéttarinnar.
Samþykkt samhljóða.
Ólafur Eggertsson mælti ennfremur fyrir
þessari tillögu allsherjarnefndar um niður-
greiðslur:
630
F R E Y R