Tímarit Þjóðræknisfélags Íslendinga - 01.01.1948, Blaðsíða 67
PRÓFESSOR KEMP MALONE
49
indamanna í Brussel í Belgíu, en það
þing var rofið þegar styrjöldin skall á
í ágúst 1939.
Síðan hefir hann ekki komið til Ev-
rópu þar til í sumar (1948) að hann
ætlar til Danmerkur til þess að vinna
að mikilli útgáfu á Saxo Grammaticus
(sjá síðar) og til þess að sjá um ljós-
prentaða útgáfu af Thorkelin hand-
ritunum af Beowulf.
VI.
Mjög hefir Malone verið riðinn við
ntgáfu lærðra tímarita í Bandaríkjun-
um. Þannig stofnaði hann 1925 með
Louise Pound tímaritið American
Speech, sem er eina tímaritið á því
sviði í Bandaríkjunum, var hann aðal-
ritstjóri þess 1925 — 32. Hann var líka
einn af stofnandi meðlimum Alálvís-
mdafélagsins ameríska (Linguistic So-
riety of America 1925-). Þá hefir hann
verið ritstjóri tímaritsins Hesperia.
Erganzungsreihe (1930-), sem gefur út
ritgerðir um enska tungu og bók-
menntir. Árið 1929 gaf hann út afmæl-
isrit til heiðurs Fr. Klaeber, félaga sin-
um í Minnesota (Studies in English
Lhilology in Honor of Fr. Klaeber,
1929). Sama ár gerðist hann rneðrit-
stjóri að Modern Language Notes, og
!935 varð hann meðritstjóri American
Journal of Philology, en bæði þessi
tímarit eru gefin út af Johns Hopkins
háskólanum (J. H. Press). Af öðrum
merkum tímaritum, sem Malone hefir
haft hönd í bagga með má nefna
Speculum og Anglia (nú eftir stríðið).
Auk þess hefir hann verið í útgáfu-
tmfrtdum ýmsra annara ritfyrirtækja,
en þar af eru merkust Miðenska orða-
hókin, sem nú er unnið að í Ann Ar-
hor, Michigan, og Linguistic Atlas of
America, sem út kemur á vegum Mál-
vísindafélagsins ameríska.
Þessutan er Malone félagi í fjölda-
mörgum bókmenntafélögum vestan
hafs og austan (sjá Who is Who in Am-
erica), en hér skulu aðeins þau talin,
sem að einhverju leyti snerta Island
eða Norðurlönd: American Scandin-
avian Foundation, Society for Advanc-
ement of Scandinavian Studies (vara-
forseti 1923 — 24), Sögufélag Islands,
Hið íslenska bókmenntafélag (heiðurs-
félagi 1937), Vereinigung der Island-
freunde á Þýskalandi og Viking Society
á Englandi.
Auk þeirra bóka sem þegar hafa
verið taldar hefur Malone frumsamið
eða gefið út þessar bækur: Deor 1933
(2.útg. 1935), Widsith 1936, Dodo and
the Camel 1938, Ten Old English
Poems 1941, þriðja og fjórða bindi af
Centennial Edition of Sidney Lanier
1945 og The Old English Period (to
1100) í A Literary History of English,
edited by Albert C. Baugh 1948.
Deor og Widsith eru útgáfur á mjög
merkum kvæðum fornenskum, og má
segja, að Malone taki þau engurn lausa-
tökum. Má geta þess til að gefa hug-
mynd um þetta, að kvæðið Widsith er
143 línur og myndi taka rúmar þrjár
blaðsíður í útgáfu hans, en bókin öll
er 202 bls. og kom útgefandinn þó ekki
öllu þar fyrir sem hann vildi sakir
rúmskorts! En ástæðan til þess er sú,
að uppistaðan í kvæðinu eru þrjár af-
arfornar þulur, konunga-, þjóða- og
kappa-töl, er byrja á Atla og Jörmun-
reki (c. 375) og enda á Eadwine (Auð-
uni) sem dó 565, og má segja að þessar
þulur rúmi öll þau nöfn, er menn hafa
hugmynd um að fræg hafi verið í
söngvum og sögum Germana (og það
ekk? síður Skanínava) á þessu tímabili.