Tímarit Þjóðræknisfélags Íslendinga - 01.01.1948, Page 110

92
TIMARIT ÞJÓÐRÆKNISFÉLAGS ISLENDINGA
Meðlimatala: I byrjun ársins i deildinni,
123 skráðir meðlimir og lieiðursfélagar. En
Guðmundur Grímson er heiðursmeðlimur
deildarinnar. í lok ársins voru skráðir með-
limir 122 og auk þess fjórir heiðursfélagar, því
á þessu ári voru þau hjónin Svanfríður og
Kristján Kristjánsson og Kristján Indriðason
kosin heiðursfélagar í viðurkenningaskyni fyr-
ir störf sín í þágu deildarinnar og íslenskra
málefna. Á árinu dóu þessir félagar: Harald-
ur Gíslason, Sigurbjörn Eastman, Vilhjálmur
Benediktsson, Þorbergur Þorvarðsson og Tóin-
as Þorleifsson. Deildinni bættust fjórir nýir
féiagar á árinu.
Islensku og söngkensla. Að Garðar nutu 24
börn og unglingar tilsagnar í íslensku um
10 vikna tíma. Þessir voru kennarar: Miss
Lauga Geir, Mrs. M. S. Guðmundson, Mrs. R.
H. Ragnar, Mrs. J. W. Hall, Miss Þórdís
Davíðsson, Miss Marvel Kristjánsson, Miss
Marvel Sigfússon.
Nær sextíu börn að Garðar og Mountain
nutu tilsagnar i islenskum söng um þriggja
rnánaða skeið tvisvar í viku undir stjórn R. H.
Ragnar.
Fundarhöld og samkomur: Þrír félagsfundir
voru haldnir á árinu, til að ræða hag og mál-
efni deildarinnar. Á sumardaginn fyrsta
stofnaði deildin til samkomu að Garðar til að
fagna sumri að íslenskum sið. Var húsfyllir,
og skemtu börn og unglingar bygðarinnar með
íslenskum leik, undir stjórn Theo. Thorleifs-
sonar. Einnig voru ræður og upplestrar ungl-
inga, og fór alt fram á íslensku. Þann 7. júní
tók deildin þátt í heiðurssamsæti er þeim
hjónunum Svanfríði og Kristjáni Kristjáns-
syni var haldið í tilefni af 70 ára hjúskaparaf-
mæli þeirra. Islendingadagurinn var haldinn
af deildinni með hátíðlegri samkomu að'
Mountain. Tókst hátíðin ágætlega og mintust
menn íslenskra erfða og bygðarinnar með ís-
lenskum kvæðum, ræðum og söng. Einnig
mintist deildin og bygðarfólk Dr. R. Beck með
að færa honum heillaóskir og heiðursgjöf í
lilefni af 50 ára afmæli hans.
Ársfund sinn hélt deildin að Mountain, N.
Dakota, 8. febrúar 1948. Lásu embættismenn
skýrslur sínar yfir störf og fjárhag félagsins.
Báru skýrslurnar vott um að störf deildarinnar
höfðu tekist með ágætum og að fjárhagur
deildarinnar, þrátt fyrir mikinn kostnað, hafði
heldtir batnað og eru nú í sjóði $601.57.
Þessir voru kosnir i stjórn fyrir næsta ár:
Forseti: séra E. H. Fáfnis
Vara-forseti: Haraldur ólafson
Ritari: H. B. Grímson
Vara-ritari: óli Johnson
Fjármálaritari: Stefán Indriðason
Vara-fjármálaritari: S. Bjornson
Féhirðir: Kristján Indriðason
Vara-féhirðir: Björn Stefánsson
Skjalavörður: Guðm. Jónsson
Með bestu kveðjum,
E. H. Fáfnis, forseti
H. B. Grímsson, skrifari
Skýrslan viðtekin.
Skýrsla Mrs. H. Daníelsson fræðslustjóra,
lesin af henni sjálfri.
Skýrsla umboðsmanns Þjóðræknisfélagsins
frá 9. fcbrúar til 26. apríl
9. feb. — Eg fór til Gimli og kendi söng i
skólanuin, og hafði fund tneð kennurum, út-
vegaði einn nýjan kennara (Mrs. Helgu John-
son).
10. feb. — Fór til Riverton, og kendi söng,
o. s. frv., á skólanum tvo daga í röð, þar sem
eg hafði verið beðin að bíða að sitja ársfund
deildarinnar, þann 11. feb. Eg heimsótti nokk-
tir heimili til þess að örfa fólk til að koma á
fundinn. Hann var fámennur, en kosningar
fóru fram, og gekk eg í deildina henni til
stuðnings. Einnig hafði eg fund seinna um
kveldið með meðlimum "Study Group”, og er
þar mikill áhugi ríkjandi.
12. feb. — Kom aftur til Winnipeg.
16. feb. — Samdi skýrslu yfir starfið fyrir
þjóðræknisþingið. Skrifaði forstöðukonum skól-
anna og eggjaði þær á að koma á þing.
23., 24., 25. feb. — Sat þing Þjóðræknisfé-
lagsins.
1. mars — Fjölritaði 70 eintök af fjórum nýj-
um söngvum fyrir Lundar.
15. mars — Skrifaði 4 bréf til Glenboro og
Baldur í sambandi við stofnun barnasöng-
flokkanna. (Hef fengið svör — og mun starfið
hefjast í Glenboro í byrjuii maí. Ef til vill fer
eg til Baldur til þess að hjálpa til með byrjun
starfsins). Skrifaði 2 bréf til Vancouver.