Árbók VFÍ/TFÍ - 01.06.2002, Síða 58
verðbréfum og hitt hjá Heritable bankanum í London, dótturbanka Landsbanka íslands
og bæði þessi söfn skiluðu betri ávöxtun en viðmiðunarvísitölurnar.
Stjórn sjóðsins hefur tekið ákvörðun'um að halda áfram á þeirri braut að auka fjöl-
breytni erlenda eignarsafnsins með það að markmiði að draga úr sveiflum þess og
minnka markaðsáhættuna.
Eignir sjóðsins í íslenskum krónum námu í lok ársins 2001 8.094 milljónum króna og
höfðu hækkað um 26,1% milli ára. Vægi þeirra í heildareignum sjóðsins var 67,6%, en var
60,3% í lok ársins 2000.
Stærstur hluti innlendra eigna er í formi hefðbundinna skuldabréfa. Á árinu var fjárfest í
markaðsskuldabréfum fyrir rúma tvo milljarða króna, einkum í skuldabréfum sem báru
um eða yfir 8% raunvexti. Yfir 80% af nýfjárfestingum sjóðsins á liðnu ári fóru í þess
konar bréf.
Á haustmánuðum var samið við fyrirtækið Islensk verðbréf á Akureyri um að stýra
eignasafni sjóðsins í ríkisverðbréfum, húsbréfum og húsnæðisbréfum. Hefur safnið
ávaxtast betur en viðmiðunarvísitalan á því hálfa ári sem liðið er frá gerð samningsins.
Fyrir rúmu ári gerði sjóðurinn samning við Kaupþing um að stýra innlendu hluta-
bréfasafni sjóðsins, með það að markmiði að færa safnið fyrst og fremst í auðseljanleg
hlutabréf. Vel hefur miðað í þá átt, en jafnframt hefur tekist vel til um ávöxtun safnsins,
þrátt fyrir mótlæti á markaði. Nafnávöxtun íslenskra hlutabréfa í eigu sjóðsins var
jákvæð um 1,5%, þótt Heildarvísitala Aðallista Verðbréfaþings hafi lækkað um 9,4% á
árinu. Að viðbættum arðgreiðslum varð nafnávöxtun íslensku hlutabréfanna 2,5%.
Lán til sjóðfélaga námu 372,6 milljónum króna á síðasta ári sem er um 48,7% hækkun
milli ára. Skýring þessarar aukningar er þríþætt: í fyrsta lagi hækkar hámarkslánsfjárhæð
í samræmi við vísitölu byggingarkostnaðar sem hækkaði um 8,4% á árinu. í öðru lagi eru
að koma fram áhrifin af verulegri fjölgun sjóðfélaga eftir að skilyrðum um inngöngu í
sjóðinn var breytt fyrir nokkrum árum. I þriðja lagi bera lánveitingar merki þeirrar
þenslu sem ríkti í þjóðfélaginu og leiddi m.a. til mikillar aukningar fasteignaviðskipta.
Hlutfall sjóðfélagalána af heildareign sjóðsins hækkaði lítillega milli ára og er nú 27,8%.
Vextir af sjóðfélagalánum voru óbreyttir, 3,5% verðtryggðir vextir.
Rekstrarkostnaður sjóðsins hækkaði um 3 milljónir króna á milli ára, úr 28,2 milljónum
króna í 31,2 milljónir króna, eða um 10,6%. Hækkunin stafar einkum af fjölgun starfs-
fólks.
Tryggingafræðingur sjóðsins, Bjarni Guðmundsson, hefur gert tryggingafræðilega úttekt
á stöðu sjóðsins í árslok 2001. Niðurstöður hennar eru í stuttu máli þessar:
Heildareignir sjóðsins eru um 1334 milljónum króna lægri en heildarskuldbindingar
sjóðsins, eða sem nemur 5,02%. Hefur hér orðið lækkun frá fyrra ári, þegar heildareignir
voru um 2,46% minni en skuldbindingar.
Samkvæmt lögum ber að breyta réttindaákvæðum samþykkta ef munur milli eignarliða
og lífeyrisskuldbindinga nemur meira en 10% eða hefur haldist yfir 5% samfellt í fimm
ár.
Sá munur sem nú er til staðar, 5,02%, er því innan þessara marka og gefur ekki tilefni til
að grípa til sérstakra aðgerða.
5 4
Arbók VFÍ/TFl 2002