Árbók VFÍ/TFÍ - 01.06.2002, Page 157

Menn tengja VoIP oftast flutningi á tali yfir Internetið en það þarf hins vegar ekki að vera
að Internetið komi við sögu. í grunninn eru VoIP-sendingar á hljóði um svissa (packet-
switch) á Internetstaðli (IP). Tal er þannig flutt í gagnapökkum en í hefðbundnum síma-
kerfum (PSTN) er tekin frá sérstök rás fyrir hvert símtal. Með þessari VoIP-tækni er hægt
að nýta bandvídd með hagkvæmari hætti.
Íslandssími hefur unnið að því síðustu misserin að þróa VoIP-lausn í samstarfi við
AcoTæknival. Reiknað er með að bjóða þessa lausn á almennum markaði innan fárra
mánaða.
Lausnin byggist að mestu leyti á Cisco-búnað. Hjá notanda er Cisco 827-4V box sem
tengt er með einni koparlínu inn á DSL-kerfi Íslandssíma. Með þessari lausn er hægt að
ná út fjórum talrásum auk ADSL-tengingar. Þannig er hægt að tengja allt að fjóra venju-
lega analog-síma við Cisco-boxið. Vilji notandinn fá símstöðvareiginleika, s.s. að gefa
samband milli síma, þá er hægt að tengja bæjarlínur við einkasímstöð. VoIP-lausn
Íslandssíma hentar þ.a.l. litlum og meðalstórum fyrirtækjum með starfsmannafjölda allt
að 20. Þegar hringt er úr síma sem tengdur eru Cisco 827-4V fer uppkallið um DSL-kerfi
Íslandssíma inn á ATM-net, þaðan um beini og í svokallaðan hliðvörð (e. gatekeeper).
Hliðvörðurinn ákvarðar síðan hvert uppkallið er sent. Ef hringt er í síma sem einnig er
tengdur um VoIP-kerfi Íslandssíma er uppkallið sent á IP-tölu viðeigandi tengistaðar um
ATM-netið og DSL-kerfið. Sé hins vegar hringt í símanúmer í hinu almenna símakerfi er
uppkallið sent áfram í hliðveg (e. gateway) sem aftur er tengt AXE-símstöð Íslandssíma.
Þannig sést að símtalið fer aldrei um hið almenna Internet. Með þessu móti er bandvídd
tryggð og talgæðin eru mjög góð. Sé Cisco-beinirinn hins vegar ekki tengdur um kerfi
Íslandssíma fer samtalið um hið almenna Internet. Þetta á t.d. við um fyrirtæki með
starfsstöðvar erlendis. Fyrirtækið kaupir í þeim tilfellum ADSL-tengingu af símafyrirtæki
í viðkomandi landi en er í VoIP-símaþjónstu hjá Íslandssíma. IP-tala tengingarinnar er
skilgreind í hliðverðinum (e. gatekeeper) sem áður var minnst á. Þess má til gamans geta
að einn starfsmanna Íslandssíma hefur starfsstöð í Brussel. Þar hefur verið komið upp
Cisco 827 boxi sem tengt er við 1 M/bs tengingu hjá belgísku símafyrirtæki. Skemmst er
frá því að segja að áreiðanleiki kerfisins og gæði símtala eru framúrskarandi, þó svo að
talið sé flutt um hið almenna Internet.
Sparnaður
Íslandssími hefur þegar hafið innleiðingu á VoIP-lausn hjá einum af viðskiptavinum
fyrirtækisins sem er stórfyrirtæki með yfir 40 starfsstöðvar víða um land. Starfsstöðvar
fyrirtækisins eru tengdar um DSL-kerfi Íslandssíma og þaðan yfir ATM-netið. A lands-
byggðinni er notast við leigulínur. Þannig fara innanlandssímtöl ekki um hið almenna
Internet og engar áhyggjur þarf að hafa af gæðum þar sem bandvídd til samskipta er
tryggð. Samskipti innan fyrirtækis eru þannig ókeypis óháð því hvar starfsstöðvarnar eru
auk þess sem töluverður sparnaður næst fram með fækkun leigulína.
Almennt má segja að sparnaður náist fram með þrennum hætti. I fyrsta lagi næst fram
sparnaður í formi línugjalda, þar sem aðeins eina koparlínu þarf fyrir fjórar bæjarlínur
auk ADSL-tengingar. í öðru lagi lækkar símareikningur fyrirtækja þar sem starfsstöðvar
eiga samskipti sín á milli án mínútugjalda. Þetta á sérstaklega við þegar erlendar starfs-
stöðvar eru tengdar yfir VoIP-kerfi Íslandssíma. í þriðja lagi næst fram sparnaður í kerfis-
umsjón og rekstri. Með því að nýta VoIP fara bæði tal- og gagnaflutningar um sama kerfi
og það einfaldar því verulega allan rekstur kerfa og gerir hann ódýrari. Að lokum þurfa
viðskiptavinir ekki að fjárfesta í lP-símtækjum þar sem hægt er að tengja analog-
símtækin við búnaðinn.
Kynning og tæknigreinar fyrirtækja og stofnana
1 5 3